![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9e/Zhang_Ailing_1954.jpg/640px-Zhang_Ailing_1954.jpg&w=640&q=50)
Eileen Chang
From Wikipedia, the free encyclopedia
Eileen Chang (biċ-Ċiniż tradizzjonali: 張愛玲; biċ-Ċiniż issimplifikat: 张爱玲; pinyin: Zhāng Àilíng; Wade–Giles: Chang1 Ai4-ling2; twieldet fit-30 ta' Settembru 1920 – mietet fit-8 ta' Settembru 1995), magħrufa wkoll bħala Chang Ai-Ling , Zhang Ai Ling, jew bil-psewdonimu tagħha Liang Jing (梁京), kienet esejista, rumanziera u kittieba tal-films. Hija kienet ta' nazzjonalità Amerikana iżda mwielda ċ-Ċina. Chang hija kittieba femminista tal-letteratura Ċiniża, magħrufa għar-rappreżentazzjoni tal-ħajja f'Shanghai u f'Hong Kong fis-snin erbgħin tas-seklu 20.
Eileen Chang | |
---|---|
![]() | |
Ħajja | |
Twelid |
Shanghai International Settlements (en) ![]() |
Nazzjonalità |
Stati Uniti tal-Amerka Tajwan Repubblika tal-Poplu taċ-Ċina |
Mewt |
Westwood (en) ![]() |
Familja | |
Missier | Zhang Zhiyi |
Omm | Huang Suqiong |
Konjuga/i |
Hu Lancheng (en) ![]() Ferdinand Reyher (en) ![]() |
Edukazzjoni | |
Alma mater |
Università ta' Hong Kong St. Mary's Hall, Shanghai (en) ![]() St. John's University (en) ![]() Fakultà tal-Arti tal-Università ta' Hong Kong |
Lingwi |
Ċiniż djalett ta' Shanghai djalett ta' Nanjing Ċiniż Mandarin Ingliż |
Okkupazzjoni | |
Okkupazzjoni |
xeneġġatur ġurnalist traduttur kittieb rumanzier |
Impjegaturi |
University of California, Berkeley (en) ![]() |
Psewdonomu | 梁京u Լյան Ցին |
Moviment artistiku |
esej rumanz psychological drama (en) ![]() |
Chang twieldet f'familja aristokratika u ġiet edukata b'mod bilingwi f'Shanghai. Hija kisbet prominenza letterarja fiż-żmien li Shanghai kienet taħt il-ħakma Ġappuniza, bejn l-1943 u l-1945. Madankollu, wara li ċ-Ċina waqgħet taħt il-ħakma Komunista, hija ħarbet mill-pajjiż. Lejn l-aħħar tas-snin sittin u l-bidu tas-snin sebgħin tas-seklu 20, xogħolha reġa' ġie skopert minn diversi studjużi fosthom C.T. Hsia u Shui Jing. Mar-rivalutazzjoni tal-istorja letterarja ta' wara Mao Zedong, fl-aħħar tas-snin sebgħin u l-bidu tas-snin tmenin, hija reġgħet kisbet prominenza letterarja fit-Tajwan, Hong Kong, iċ-Ċina Kontinentali u fil-komunitajiet tad-dijaspora Ċiniża.[1] Għal darb'oħra, fil-bidu tad-disgħinijiet, Chang reġgħet saret popolari mal-poplu Ċiniz.
Chang kienet kittieba realista u modernista magħrufa għan-narrattiva unika tagħha ambjentata fi żmien il-gwerra.[2] Xogħolha kien meqjus uniku għaliex iddevja mir-rakkonti popolari li kienu jitkellmu dwar ir-rivoluzzjoni u s-salvazzjoni nazzjonali. Hija fittxet li tirrakkonta d-dettalji u l-esperjenzi tal-ħajja ta' kuljum li għalkemm jaf jidhru irrelevanti huma importanti għaliex jitfgħu dawl fuq il-ħajja tan-nies komuni f'perjodi ta' vjolenza u bidla soċjali. Chang kienet magħrufa wkoll għal mod ta' kif tħares lejn il-ħajja moderna u għall-ħila tagħha li tikkuntrasta elementi mir-realtà storika (il-gwerra, l-imblokk, il-ġuħ, u l-iskarsezza) ma' elementi mid-dominju tal-ħajja privata u domestika (l-imħabba, ix-xenqa, u t-telf).[3]