![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/30/Rajgruha_-_the_house_of_Dr._Babasaheb_Ambedkar_at_Mumbai._03.jpg/640px-Rajgruha_-_the_house_of_Dr._Babasaheb_Ambedkar_at_Mumbai._03.jpg&w=640&q=50)
राजगृह
डॉ. बाबासाहेब आंबेडकर यांचे मुंबईतील निवासस्थान व स्मारक / From Wikipedia, the free encyclopedia
राजगृह हे मुंबई मधील दादरच्या पूर्व भागातील हिंदू कॉलनीच्या परिसरात डॉ. बाबासाहेब आंबेडकर यांचे निवासस्थान आहे. ही पवित्र ऐतिहासिक वास्तू तीन मजली असून आंबेडकरी - बौद्ध व दलित जनतेचे एक प्रमुख श्रद्धास्थान व प्रेरणास्थळ आहे. दररोज अनेक लोक राजगृहाला भेटी देतात, तथापि विशेषतः डॉ. आंबेडकर जयंती आणि महापरिनिर्वाण दिनी लक्षावधी आंबेडकर अनुयायी येथे आदरांजली वाहण्यासाठी येत असतात.[1]
राजगृह | |
---|---|
![]() | |
सर्वसाधारण माहिती | |
प्रकार | स्मारक, वास्तू |
ठिकाण | हिंदू कॉलनी, दादर, मुंबई, महाराष्ट्र, भारत |
बांधकाम सुरुवात | इ.स. १९३१ |
पूर्ण | इ.स. १९३३ |
ऊंची | |
वरचा मजला | ३ |
एकूण मजले | ३ |
बांधकाम | |
मालकी | आंबेडकर कुटुंब |
रचनात्मक अभियंता | डॉ. बाबासाहेब आंबेडकर |
शिवाजी पार्क येथील चैत्यभूमी होण्यापूर्वीपासून दरवर्षी ६ डिसेंबरला महापरिनिर्वाण दिनी अनुयायी या राजगृहाचे दर्शन घेण्यासाठी येत आले आहेत. याला राष्ट्रीय स्मारक करण्याची योजना होती पण, काही कायदेशीर व तांत्रिक बाबीमुळे हे शक्य झाले नाही. राजगृह येथे बाबासाहेबांनी ५०,०००हून अधिक ग्रंथांचा संग्रह केला होता. ते त्यावेळी जगातील सर्वात मोठे वैयक्तिक ग्रंथालय होते. सन २०१३ मध्ये राजगृहाचा समावेश वारसा वास्तूमध्ये (हेरिटेज) झाला.[2]