From Wikipedia, the free encyclopedia
Григорий Штерн (орос. Григорий Михайлович Штерн, 1900 оны 7-р сарын 24 (8 сарын 6), Киевийн губерн, Смила төрсөн– 1941 оны 10-р сарын 28-нд нас барсан) нь Зөвлөлт Холбоот Улсын Улаан Армийн офицер бөгөөд Испанийн иргэний дайны үеэр цэргийн зөвлөхөөр ажиллаж байсан хүн юм. Тэрээр мөн Хасан нуурын тулалдаан, Халхын голын байлдаан, Өвлийн дайнд оролцож байв[1].
Григорий Штерн | |
|---|---|
 Григорий Михайлович Штерн | |
| Хувийн мэдээлэл | |
| Төрсөн | 1900 оны 7 сарын 24 Оросын Хаант Улс, Смила |
| Нас барсан | October 28, 1941 (41 насалсан) |
| Шагнал | Зөвлөлт Холбоот Улсын баатар |
| Цэргийн алба | |
| Харьяалал |  Зөвлөлт Холбоот Улс (1919–1941) |
| Салбар | .svg){kind=small} Улаан Арми |
| Цол | Хошууч генерал |
| Commands | 8-р Арми, Алс Дорнодын Фронт, 7-р морьт дивиз |
| Тулаан/дайн | Испанийн иргэний дайн, Хасан нуурын тулалдаан, Халхын голын байлдаан, Өвлийн дайн |
1937 оны 1-р сараас 1938 оны 4-р сар хүртэл Г.М.Штерн "Григорович" нэрээр Испанийн иргэний дайны үед Бүгд найрамдах засгийн газрын цэргийн ахлах зөвлөхөөр ажиллаж байжээ.
1938 оны 4-р сараас хойш Г.М.Штерн Алс Дорнодын Улаан тугийн одонт Армийн штабын даргаар ажиллаж байв. 1938 оны 8-р сард Хасан нуурын мөргөлдөөн үеэр тэрээр байлдааны бүсэд яаралтай ирж, Алс Дорнодын фронтын 39-р бууны корпусын командлагчаар томилогдож, Зөвлөлтийн цэргүүдийн байлдааны ажиллагааг удирдаж байв. 1938 оны 9-р сард тэрээр Алс Дорнод дахь Улаан тугийн 1-р армийн командлагчаар томилогдов.
1939 оны 6-9-р сард Г.М.Штерн Халхын голын тулалдаанд оролцов. Тэрээр анх тэнд Зөвлөлтийн цэргүүд болон Монгол Ардын хувьсгалт армийн үйл ажиллагааг зохицуулах албан ёсны үүрэг бүхий дээд командлалын төлөөлөгчөөр ажиллаж байжээ. Гэсэн хэдий ч тулаан улам бүр нэмэгдэхийн хэрээр түүний үүрэг ихээхэн нэмэгдэв.
ЗХУ-ын Дээд Зөвлөлийн Тэргүүлэгчдийн 1939 оны 8-р сарын 29-ний өдрийн зарлигаар 2-р зэргийн командлагч Григорий Михайлович Штерныг цэргийн үүргээ гүйцэтгэх үеэр үзүүлсэн эр зориг, баатарлаг байдлын төлөө ЗХУ-ын баатар цолоор шагнасан.
1939-1940 оны Зөвлөлт-Финландын дайны үеэр Г.М.Штерн Хойд Карелийн 8-р армийг командлаж байсан (1940 оны 2-р сараас 3-р сар).
1941 оны 1-р сарын 14-нөөс хойш Г.Штерн ЗХУ-ын Батлан хамгаалахын Ардын комиссариатын Агаарын довтолгооноос хамгаалах ерөнхий газрын даргаар ажиллаж байв.
1941 оны 5-р сарын 15-нд Германы тээврийн онгоц агаарын довтолгооноос хамгаалахад анзаарагдаагүй Белосток - Минск - Смоленск - Москва чиглэлийн дагуу нисээд тэндээ газарджээ. Энэ нь агаарын довтолгооноос хамгаалах болон Агаарын цэргийн хүчний удирдагчдын дунд баривчилгааны давалгаанд хүргэв.
1941 оны 6-р сарын 7-нд Григорий Штерн баривчлагдаад 1941 оны 10-р сарын 28-нд Барбыш тосгонд (Куйбышев хотын Фрунзе дүүрэг) ЗХУ-ын НКВД-ын Ардын Комиссар Л.П.Бериягийн тушаалын дагуу хурандаа генералыг буудан хороожээ.
ЗХУ-ын Дээд Зөвлөлийн Тэргүүлэгчдийн 1947 оны 3-р сарын 21-ний өдрийн зарлигаар түүнийг ЗХУ-ын баатар цол, төрийн бүх шагналыг хураажээ.
ЗХУ-ын Цэргийн ерөнхий прокурорын 1954 оны 8-р сарын 25-ны өдрийн тогтоолоор нас барсны дараа нөхөн цагаатгасан байна.
ЗХУ-ын Дээд Зөвлөлийн Тэргүүлэгчдийн 1959 оны 1-р сарын 2-ны өдрийн зарлигаар Г.Штерны ЗХУ-ын баатар цол, төрийн шагналуудыг сэргээжээ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
