From Wikipedia, the free encyclopedia
Скудериа Феррари (монг. Уралдааны жүчээ Феррари) бол спорт загварын автомашины үйлдвэрлэгч Феррари хувьцаат компанийн моторт спортын хэлтэс бөгөөд түүнийг үүсгэн байгуулагч Энцо Ферраригийн нэрээр нэрлэгджээ.
 | |
| Бүтэн нэр | Скудериа Феррари ит. Scuderia Ferrari |
|---|---|
| Компанийн төв |  Маранелло, Итали |
| Техникийн захирал | Жеймс Аллисон |
| Үндэслэгч | Энцо Феррари |
| Цахим хуудас | www.formula1.ferrari.com |
| 2024 оны Формула-1 | |
| Жолооч | (16)  Монако(55)  Испани |
| Туршилтын жолооч |  Нэгдсэн Хаант Улс |
| Шасси | Феррари SF15-T |
| Хөдөлгүүр | Феррари 1.6 V6 |
| Дугуй | Пирелли |
| Статистик | |
| Анхны гран при | 1950 |
| Оролцсон уралдаан | 904 |
| Зохион бүтээгчийн ДА | 16 (1961, 1964, 1975, 1976, 1977, 1979, 1982, 1983, 1999, 2000, 2001, 2002, 2003, 2004, 2007, 2008) |
| Жолоочийн ДА | 15 (1952, 1953, 1956, 1958, 1961, 1964, 1975, 1977, 1979, 2000, 2001, 2002, 2003, 2004, 2007) |
| Уралдааны ялалт | 238 |
| Оноо | 9.346,119 |
| Поле байрлал | 230 |
| х.х.у. тойролт | 254 |
1930-аад онд Феррари анх авто спортоор гараагаа эхэлсэн бол 1940 оноос эхлэн өөрийн үйлдвэрлэсэн автомашинаар оролцож эхэлжээ. 1948 онд гэхэд уламжлалт улаан өнгийн загвар бүхий Ферраригийн уралдааны автомашинууд гран прид оролцож эхэлсэн аж. Формула 1-ийн дэлхийн аварга шалгаруулах тэмцээнийг 1950 онд бий болгосоноос хойш Феррари нь тус уралдааны салшгүй нэг хэсэг нь болсон юм. 200 гаран гран при шагнал, 15 жолоочийн- болон 16 зохион бүтээгчийн дэлхийн аварга цолоороо Скудериа Феррари нь Формула 1-ийн түүхэн дэх хамгийн өндөр амжилтыг гаргасан баг юм. Түүгээр ч барахгүй Феррари нь 1970-аад он хүртэл олон улсын ГТ болон спорт автомашины уралдаанд амжилттай оролцож байв. Ферраригийн охин компани болох Феррари Корсе нь өнөөг хүртэл хувийн багуудад аялал болон спорт загварын автомашины хүрээнд өөрсдийн мэдлэг, техникээр харамгүй туслалцаа өгдөг байна.
Ферраригийн маркийн тэмдэг болох шар дэвсгэр дээр цоройж буй морины дүрс нь компанийг үндэслэгч Энцо Ферраригийн нэгэн найзаас гаралтай аж. Сөнөөгч онгоцны нисгэгч Франческо Баракка нь энэ эмблемийг дэлхийн нэгдүгээр дайнд онгоцондоо хэрэглэж байсан ба өнөөдөр энэхүү бэлгэдэл нь нэлээд хэдэн тэрбум евроны үнэд хүрэх юм. Эмблемийг хамгийн анх 1932 оны Спа-Франкоршамын 24-цагийн уралдаан дээр Скудериагийн уралдааны автомашинд хэрэглэжээ.
2015 оноос хойш Скудериа Феррари нь Формула-1 уралдаанд 2010-с 2013 онуудын хооронд дэлхийн аварга болж байсан германы нисгэгч Себастиан Феттель болон 2007 оны дэлхийн аварга финландын нисгэгч Кими Райкконен хоёроор жолоодуулан оролцож байна.
Скудериа Феррариг 1929 онд Энцо Феррари үүсгэн байгуулжээ. Энцо өөрөө уралдааны тэрэгний жолооч хийж байсан болохоор италийн уралдааны жолооч нарыг дэмжигч болон ивээн тэтгэдэг байв. Тус багийн үүслийг 1929 оны арваннэгдүгээр сарын 16-нд гэж тооцдог бөгөөд тэр өдрийн оройн хоолонд Энцо Феррари Болоняд Аугусто болон Алфредо Каниато, мөн түүнчлэн уралдааны нисгэгч Марио Тадини нараас санхүүгийн тусламж хүсээд, ирээдүйд өөрийн гэсэн багтай болж авто уралдаанд орох санаатай байгаа тухайгаа ярьжээ.
Скудериа эхлээд Алфа Ромео 8C загварыг нэлээд хэд жолоочоор унуулан оролцсон ч, 1933 онд Милан дахь Алфа Ромеогийн төв үйлдвэр санхүүгийн хүнд байдалтай тулгарав. Үүнээс шалтгаалан Энцо Алфа Ромеогийн уралдааны бүх үйл ажиллагааг өөрийн мэдэлд авсан ба 1935 оноос дараагийн дайн хүртэл италийн хамгийн шилдэг нисгэгчдээр жолоодуулан авто спортод оролцсон байна. Шилдэг нисгэгчдийн тоонд Тацио Нуволари, Ахилле Варци, Антонио Бривио, Баконин Борцачини, Луижи Аркангели, Жузеппе Кампари нар багтаж байлаа. Энцо өсвөр үеийнхэнийг ч бас дэмжин ажиллаж, авто спортод хөл тавихад ихээхэн туслан ажиллаж байжээ. Алфа Ромео Энцог уралдааны хэлтсийнхээ менежерээр сонгосоноос хойш 1938 он хүртэл тус багийн төв байр Моденад байрлаж байв. Алфа Ромеогийн Скудериаг өөрийн уралдааны нэгэн хэлтэс болгож авах гэсэн оролдлого нь сүүлдээ Энцо Феррари болон Алфа Ромеог салгахад хүргэв. Тэдний хоорондын хийсэн гэрээнд ирэх дөрвөн жилийн хугацаанд Энцо Ферраригийн автомашинд Феррари гэсэн нэрийг өгөхгүй байхаар тусгасаныг Энцо зөвшөөрсөн байна.
Энцо Авто Авио Коструциони Феррариг үүсгэн байгуулаад эхэндээ машины эд хэсгүүдийг үйлдвэрлэв. Өмнө нь хийсэн гэрээгээ ч үл тоон Энцо уралдааны автомашины хийцийг яарч сандран эхлүүлэв. Алберто Массимино хамгийн анхны жинхэнэ Феррари болох тип 815-ыг зохион бүтээв. 1940 онд зохион явагдсан Милле Мильяд 815 загварыг Альберто Аскари, Марчесе ди Модена нар жолоодон оролцсон ч хоёулаа эрт хасагдсанаас гадна дэлхийн хоёрдугаар дайн тус тэрэгний хөгжүүлэлтийг цагаас нь өмнө дуусгавар болголоо. Феррари 1943 онд компаниа Маранелло руу нүүлгэсэн ба дайны үеэр машины эд хэсгийн үйлдвэрлэлд төвлөрөн ажилласан байна.
Үйлдвэрийн барилга нь 1944 онд бөмбөгдөлтөд өртөн зарим хэсэг нь сүйдсэн ч, 1945 онд буцааж бариж босгосон байна. Феррари уралдааны тэрэгний үйлдвэрлэлтээ дахин сэргээв. Дэлхийн хоёрдугаар дайн Европын авто спортод хүнд цохилт болсон жилүүд байв. Зургаан жил үргэлжилсэн дайн, тулааны үеэр моторт спортын арга хэмжээ үндсэндээ зогсолтын байдалтай байлаа. 1940 оны эхээр Италид Милле Мильяд уралдаж байсан ч, Итали дайнд орсноор тэнд ч бас моторт спортын төгсгөлийг авчирлаа.
Олон улсын ганц суудалт цуврал уралдаанууд болох европын аварга шалгаруулах тэмцээнүүд ч бас 1939 онд дайн эхлэнгүүт зохиогдохоо больсон. Дайны дараа уралдааны үйл ажиллагаагаа дахин сэргээж, Феррари шинээр уралдааны тэрэг Тип 125-г угсрав. Тухайн үеийн Формула 1 уралдаанд 1,5 литрийн хөдөлгүүрийг компрессортойгоор эсвэл 4,5 литрийн хөдөлгүүрийг компрессоргүйгээр хэрэглэхийг зөвшөөрдөг байв. Феррари 1,5 литрийн багтаамж бүхий 12-цилиндртэй хөдөлгүүр угсарчээ.
1930-аад онуудад Феррарри нэлээд нэр хүндтэй баг байсан учраас богино хугацаанд чадалтай жолооч олох боломжийг олгов. Хоёр суудалт 125-ын анхны уралдаан 1947 оны Пьяченцагийн гран прид Франко Кортес унаж уралдав. Кортесийн яг тэр жилдээ Ромын гран прид түрүүлснээр анхныхаа ялалтыг авлаа. Анхны ганц суудалтын амжилт нь 1948 оноос эхэлсэн байна. 1948 оны Италийн гран прид Жузеппе Фарина болон Феррари баг аль аль нь Формула-1-уралдааны анхныхаа ялалтыг Гарда нуурын эргэн тойрноор тэмдэглэжээ.
1950 оноос эхлэн олон улсын ганц суудалтай цуврал уралдаан болох Формула-1-ийн дэлхийн аваргыг шинээр бий болоход Скудериа Феррари анхнаас нь чухал ач холбогдолтой баг байв. Феррари нь 1950 оны улирлаас эхлэн бүх улирлын тэмцээнд тасралтгүй оролцож байсан цорын ганц баг юм.
.jpg)
.jpg)
Мэдээ: 2016 оны улирлын эцсээр, Ферраригийн идэвхтэй нисгэгчдийг шар дэвсгэр өнгөөр ялгав.
| Жолооч | Ирг. | Феррарид идэвхтэй нисг. |
Гранд Прикс |
ГП- ялалт |
Харьцаа | ДА- оноо[A 1] |
ДА- цол |
Амжилттай оролц. ДА- Байр (он) |
|---|---|---|---|---|---|---|---|---|
| Михаэль Шумахер |  Герман |
1996–2006 | 180 | 72 | 40,00 % | 1066 | 5 | 1. (2000–2004) |
| Ники Лауда |  Австри |
1974–77 | 57 | 15 | 26,32 % | 242,5 | 2 | 1. (1975, 1977) |
| Альберто Аскари |  Итали |
1950–54 | 27 | 13 | 48,15 % | 139 | 2 | 1. (1952, 1953) |
| Фернандо Алонсо | Испани |
2010-2014 | 96 | 11 | 11,46 % | 1190 | – | 2. (2010, 2012, 2013) |
| Фелипе Масса |  Бразил |
2006–2013 | 139 | 11 | 7,91 % | 789 | – | 2. (2008) |
| Рубенс Барричелло | Бразил |
2000–05 | 102 | 9 | 8,82 % | 412 | – | 2. (2002, 2004) |
| Кими Райкконен |  Финланд |
2007–09, 2014- | 111 | 9 | 8,11 % | 624 | 1 | 1. (2007) |
| Жаки Икс |  Бельги |
1968, 1970–73 | 55 | 6 | 10,91 % | 121 | – | 2. (1970) |
| Жиль Вильнёв |  Канад |
1977–82 | 66 | 6 | 9,09 % | 107 | – | 2. (1979) |
| Герхард Бергер | Австри |
1987–89, 1993–95 | 96 | 5 | 5,21 % | 182 | – | 3. (1988, 1994) |
| Алайн Прост |  Франц |
1990–91 | 30 | 5 | 16,67 % | 107 | – | 2. (1990) |
| Карлос Ройтеманн |  Аргентин |
1976–78 | 34 | 5 | 14,71 % | 90 | – | 3. (1978) |
| Клей Регаццони |  Швейцар |
1970–72, 1974–76 | 73 | 4 | 5,48 % | 169 | – | 2. (1974) |
| Эдди Ирвайн | Нэгдсэн Хаант Улс |
1996–99 | 65 | 4 | 6,15 % | 156 | – | 2. (1999) |
| Жон Суртеес | Нэгдсэн Хаант Улс |
1963–66 | 30 | 4 | 13,33 % | 88 | 1 | 1. (1964) |
| Микеле Альборето | Итали |
1984–88 | 80 | 3 | 3,75 % | 138,5 | – | 2. (1985) |
| Майк Хоторн | Нэгдсэн Хаант Улс |
1953–55, 1957–58 | 35 | 3 | 8,57 % | 113,64 | 1 | 1. (1958) |
| Фил Хилл |  Америкийн Нэгдсэн Улс |
1958–62 | 30 | 3 | 10,00 % | 96 | 1 | 1. (1961) |
| Рене Арну | Франц |
1983–85 | 32 | 3 | 9,38 % | 79 | – | 3. (1983) |
| Найжел Манселл | Нэгдсэн Хаант Улс |
1989–90 | 31 | 3 | 9,68 % | 75 | – | 4. (1989) |
| Жоди Шектер |  Өмнөд Африк |
1979–80 | 28 | 3 | 10,71 % | 62 | 1 | 1. (1979) |
| Петер Коллинс | Нэгдсэн Хаант Улс |
1956–58 | 20 | 3 | 15,00 % | 47 | – | 3. (1956) |
| Себастиан Феттель | Герман |
2015– | 40 | 3 | 7,50 % | 490 | – | 3. (2015) |
| Хуан Мануэль Фанжио | Аргентин |
1956 | 7 | 3[A 2] | 42,86 % | 33 | 1 | 1. (1956) |
| Патрик Тамбэ | Франц |
1982–83 | 21 | 2 | 9,52 % | 65 | – | 4. (1983) |
| Хосе Фройлан Гонсалес | Аргентин |
1951, 1954–55, 1957, 1960 | 15 | 2 | 13,33 % | 56,64 | – | 2. (1954) |
| Вольфганг фон Трипс | Герман |
1957–61 | 25 | 2 | 8,00 % | 56 | – | 2. (1961) |
| Дидир Пирони | Франц |
1981–82 | 25 | 2 | 8,00 % | 48 | – | 2. (1982) |
| Тони Брүүкс | Нэгдсэн Хаант Улс |
1959 | 7 | 2 | 28,57 % | 27 | – | 2. (1959) |
| Жан Алези | Франц |
1991–95 | 79 | 1 | 1,27 % | 121 | – | 5. (1994, 1995) |
| Жузеппе Фарина | Итали |
1952–55 | 20 | 1 | 5,00 % | 75,33 | – | 2. (1952) |
| Лоренцо Бандини | Итали |
1962–67 | 35 | 1 | 2,86 % | 56 | – | 4. (1964) |
| Морис Трентиньян | Франц |
1954–55, 1958 | 17 | 1 | 5,88 % | 33,33 | – | 4. (1954, 1955) |
| Луижи Муссо | Итали |
1956–58 | 15 | 1[A 2] | 6,67 % | 32 | – | 3. (1957) |
| Пьеро Таруффи | Итали |
1951–55 | 13 | 1 | 7,69 % | 32 | – | 3. (1952) |
| Марио Андретти | Америкийн Нэгдсэн Улс |
1971–72, 1982 | 12 | 1 | 8,33 % | 20 | – | 8. (1971) |
| Жанкарло Багетти | Итали |
1961–62, 1966 | 8 | 1 | 12,50 % | 14 | – | 9. (1961) |
| Лудовико Скарфиотти | Итали |
1963–67 | 6 | 1 | 16,67 % | 11 | – | 10. (1966) |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
