![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e0/Hosdurg-thaluk.png/640px-Hosdurg-thaluk.png&w=640&q=50)
ഹോസ്ദുർഗ് താലൂക്ക്
കേരളത്തിലെ താലൂക്ക് / From Wikipedia, the free encyclopedia
കേരളത്തിൽ കാസർഗോഡ് ജില്ലയിലെ കാഞ്ഞങ്ങാട് , തൃക്കരിപ്പൂർ എന്നീ ബ്ലോക്കുകൾ ഉൾപ്പെടുന്ന പ്രദേശമാണ് ഹോസ്ദുർഗ് താലൂക്ക്. കാഞ്ഞങ്ങാടാണ് താലൂക്കാസ്ഥാനം. മഞ്ചേശ്വരം താലൂക്ക്, കാസർഗോഡ് താലൂക്ക്, വെള്ളരിക്കുണ്ട് താലൂക്ക് എന്നിയവാണ് ജില്ലയിലെ മറ്റു താലൂക്കുകൾ. കാഞ്ഞങ്ങാട്, നീലേശ്വരം എന്നിവയാണ് ഈ താലൂക്കിലെ നഗരസഭകൾ.
![Thumb image](http://upload.wikimedia.org/wikipedia/commons/thumb/e/e0/Hosdurg-thaluk.png/640px-Hosdurg-thaluk.png)
ഹൊസ്ദുർഗ് താലൂക്കിന്റെ വടക്ക് ഭാഗം കാസർകോട് താലൂക്കും തെക്ക് കണ്ണൂർ ജില്ലയും കിഴക്ക് വെള്ളരിക്കുണ്ട് താലൂക്കും പടിഞ്ഞാറ് അറബി കടലുമാണ്. ഹോസ്ദുർഗ് താലൂക്കിന്റെ ആകെ വിസ്തൃതി 900.3 കിലോമീറ്റർ സ്ക്വയറാണ് (90030 ഹെക്ടർ). ഈ താലൂക്കിനെ രണ്ടായി വിഭജിച്ചിരിക്കുന്നു. ഫിർകസ് (Firkas)(ഹോസ്ദുർഗ്ഗും നീലേശ്വരവും).കാഞ്ഞങ്ങാടും നീലേശ്വരവും ഈ താലൂക്കിനകത്തെ രണ്ട് മുൻസിപ്പാലിറ്റികളാണ്. ഹോസ്ദുർഗ് കാഞ്ഞങ്ങാട് പട്ടണത്തിന്റെ തെക്കായി സ്ഥിതി ചെയ്യുന്നു. പിന്നീട് ഇത് താലൂക്ക് ആസ്ഥാനകേന്ദ്രമായി പ്രവർത്തിക്കുന്നു. മറ്റ് പ്രധാന സ്ഥലങ്ങളായ തൃക്കരിപ്പൂർ,ചെറുവത്തൂർ, ചീമേനി, ബേക്കൽ കോട്ട എന്നിവ ഈ താലൂക്കിലാണ്. ഹൊസ്ദുർഗ് എന്ന് വാക്ക് വന്നത് കന്നഡയിൽ നിന്നാണ്. പുതിയ (ഹൊസ എന്നത് കന്നഡ പദം) കോട്ട (ദുർഗ എന്നത് സംസ്കൃത പദം) എന്നാണ് മലയാളത്തിൽ ഈ വാക്കിനർഥം.