സെൻട്രൽ റെറ്റിനൽ വെയിൻ ഒക്ലൂഷൻ
കണ്ണിലെ റെറ്റിനയെ ബാധിക്കുന്ന ഒരു അസുഖം / From Wikipedia, the free encyclopedia
കണ്ണിന്റെ റെറ്റിനയെ ബാധിക്കുന്ന ഒരു അസുഖമാണ് സെൻട്രൽ റെറ്റിനൽ വെയിൻ ഒക്ലൂഷൻ (സിആർവിഒ). സാധാരണയായി ത്രോംബോസിസ് മൂലം സെൻട്രൽ റെറ്റിനൽ വെയിൻ അടയുന്നത് കാരണമാണ് ഇത് സംഭവിക്കുന്നത്. ഈ സിരക്ക് തുല്യമായി റെറ്റിനയിൽ കാണുന്ന ധമനിയായ സെൻട്രൽ റെറ്റിനൽ ആർട്ടറിയും ഇതുപോലെ അടയാം. സെൻട്രൽ റെറ്റിനൽ ആർട്ടറിയും വെയിനും റെറ്റിനയിലെ രക്ത വിതരണത്തിന്റെ ഏക ഉറവിടമായതിനാൽ, ഇവ അടയുന്നത് മൂലം ഇസ്കെമിയ (രക്ത വിതരണത്തിലെ തടസ്സം), എഡിമ (വീക്കം) എന്നിവ കാരണം റെറ്റിനയ്ക്ക് കനത്ത നാശനഷ്ടമുണ്ടാകുകയും ക്രമേണ അന്ധതയ്ക്ക് കാരണമാകുകയും ചെയ്യും.[1]
വസ്തുതകൾ സെൻട്രൽ റെറ്റിനൽ വെയിൻ ഒക്ലൂഷൻ, സ്പെഷ്യാലിറ്റി ...
സെൻട്രൽ റെറ്റിനൽ വെയിൻ ഒക്ലൂഷൻ | |
---|---|
കണ്ണിന്റെ ഘടനകൾ, നമ്പർ 21 റെറ്റിനൽ വെയിൻ ആണ്. | |
സ്പെഷ്യാലിറ്റി | നേത്രവിജ്ഞാനം |
അടയ്ക്കുക
സിആർവിഒ, ഒക്കുലാർ ഇസ്കെമിക് സിൻഡ്രോമിന് കാരണമാകും. ഈ രോഗത്തിന്റെ മിതമായ രൂപമാണ് നോൺസ്കെമിക് സിആർവിഒ. ഇത് ക്രമേണ കൂടുതൽ കഠിനമായ ഇസ്കെമിക് തരത്തിലേക്ക് പുരോഗമിച്ചേക്കാം. അതേപോലെ സിആർവിഒ ഗ്ലോക്കോമയ്ക്കും കാരണമാകും.