ലിംഗഭേദം
From Wikipedia, the free encyclopedia
ജീവശാസ്ത്രത്തിൽ, ജനിതകഗുണങ്ങളെ കൂട്ടിക്കലർത്തുകയും പരസ്പരം ചേർക്കുകയും ചെയ്യുന്ന ഒരു പ്രതിഭാസമാണ് ലൈംഗിക പുനരുല്പാദനം. ഇതിന്റെ പരിണാമപരമായ മെച്ചം മിക്ക ജീവികളിലും ആൺ-പെൺ-ട്രാൻസ് ജെൻഡർ ലിംഗഭേദം ഉണ്ടാകുന്നതിനിടയാക്കിയിട്ടുണ്ട്.[1] ഗാമീറ്റുകൾ എന്ന പ്രത്യേക കോശങ്ങൾ സങ്കലനത്തിലേർപ്പെടുന്നതിലൂടെയാണ് മാതാപിതാക്കളുടെ ജനിതകഗുണങ്ങളുള്ള കുട്ടികളുണ്ടാകുന്നത്. ഗാമീറ്റുകൾക്ക് ആൺ-പെൺ വ്യത്യാസമുണ്ടാവുകയോ (ഹെറ്ററോ ഗാമീറ്റുകൾ) ഇല്ലാതിരിക്കുകയോ (ഐസോഗാമീറ്റുകൾ) ചെയ്യാം. ഹെറ്ററോഗാമീറ്റുകളിലെ ആൺ ഗാമീറ്റുകൾ ചലനശേഷിയുള്ളവയും പെൺ ഗാമീറ്റുകൾ ഭ്രൂണത്തിന്റെ ആദ്യകാല വളർച്ചയ്ക്കാവശ്യമായ പോഷകങ്ങൾ ഉൾക്കൊള്ളുന്നവയുമാണ്.
ഉൽപ്പാദിപ്പിക്കുന്ന ഗാമീറ്റുകളുടെ തരമാണ് ഒരു ജീവി സ്ത്രീയാണോ പുരുഷനാണോ എന്നു തിരിച്ചറിയാനുള്ള ഒരു രീതി. പുരുഷജീവി ബീജം (സ്പേം) എന്ന പുരുഷഗാമീറ്റുകളും സ്ത്രീ അണ്ഡം (ഓവം) എന്ന സ്ത്രീ ഗാമീറ്റും ഉൽപ്പാദിപ്പിക്കുന്നു. ഇവ രണ്ടും ഉൽപ്പാദിപ്പിക്കാൻ ശേഷിയുള്ള ജീവിയെ നപുംസകം (hermaphroditic) എന്നു വിവക്ഷിക്കും.