ലൈംഗികപ്രത്യുൽപ്പാദനം
From Wikipedia, the free encyclopedia
രണ്ടു ജീവികൾക്കിടയിൽ ജനിതകവസ്തുക്കളുടെ കൈമാറ്റം വഴി നടക്കുന്ന പ്രത്യുൽപ്പാദനമാണ് ലൈംഗികപ്രത്യുൽപ്പാദനം. ഇതിനുമുന്നോടിയായി മാതൃ-പിതൃജീവികളിൽ നിന്ന് ക്രോമസോം സംഖ്യ പകുതിയായി കുറയ്ക്കുന്ന ഊനഭംഗം എന്ന കോശവിഭജനം നടക്കുന്നു. പുതുതായി രൂപപ്പെടുന്ന മാതൃ- പിതൃ സ്വഭാവങ്ങളെ വഹിക്കുന്ന ആൺ-പെൺ ബീജങ്ങൾ ബീജസംയോഗം എന്ന പ്രക്രിയവഴി കൂടിച്ചേർന്ന് സിക്താണ്ഡം എന്ന ഒറ്റകോശമുണ്ടാകുന്നു. സിക്താണ്ഡം പടിപടിയായി ക്രമഭംഗം എന്ന കോശവിഭജനത്തിന് വിധേയമായി പൂർണ്ണവളർച്ചയെത്തിയ ജീവിയായി മാറുന്നു. രണ്ടുവ്യത്യസ്ത ലിംഗകോശങ്ങൾ ചേർന്നുരൂപപ്പെട്ടവയായതിനാൽ പുതുതായുണ്ടായ ജീവികൾ മാതൃ-പിതൃജീവികളിൽ നിന്ന് ജനിതകഘടനയിൽ തീർത്തും വ്യത്യസ്തരായിരിക്കും. ബഹുകോശജീവികളിൽ പ്രബലരായ മനുഷ്യരിൽ പുംബീജവും അണ്ഡവും തമ്മിൽ ആന്തരബീജസംയോഗത്തിലൂടെ യോജിച്ച് പുതിയ സന്താനങ്ങൾ രൂപപ്പെടുന്നു.