മൈക്രോസോഫ്റ്റ് ഹോളോലെൻസ്
From Wikipedia, the free encyclopedia
മൈക്രോസോഫ്റ്റ് വികസിപ്പിച്ചെടുത്തതും നിർമ്മിച്ചതുമായ ഒരു ജോഡി മിക്സഡ് റിയാലിറ്റി സ്മാർട്ട് ഗ്ലാസുകളാണ് മൈക്രോസോഫ്റ്റ് ഹോളോ ലെൻസ്, പ്രോജക്റ്റ് ബരാബൂ എന്നാണ് ഇത് അറിയപ്പെടുന്നത്. വിൻഡോസ് 10 കമ്പ്യൂട്ടർ ഓപ്പറേറ്റിംഗ് സിസ്റ്റത്തിന് കീഴിൽ വിൻഡോസ് മിക്സ്ഡ് റിയാലിറ്റി പ്ലാറ്റ്ഫോം പ്രവർത്തിക്കുന്ന ആദ്യത്തെ ഹെഡ്-മൗണ്ടഡ് ഡിസ്പ്ലേയാണ് ഹോളോ ലെൻസ്. ഹോളോ ലെൻസിൽ ഉപയോഗിക്കുന്ന ട്രാക്കിംഗ് സാങ്കേതികവിദ്യ 2010 ൽ അവതരിപ്പിച്ച മൈക്രോസോഫ്റ്റിന്റെ എക്സ്ബോക്സ് ഗെയിമിംഗ് കൺസോളിനുള്ള ആഡ്-ഓൺ ആയ കിനെറ്റിൽ അതിന്റെ മുൻരൂപം കണ്ടെത്താൻ കഴിയും.[2]ഹോളോ ലെൻസിന്റെ പ്രീ-പ്രൊഡക്ഷൻ പതിപ്പ്, ഡവലപ്മെന്റ് പതിപ്പ്, എന്നിവ മാർച്ച് 30, 2016 ന് ഇറക്കി, ഇത് യുണൈറ്റഡ് സ്റ്റേറ്റ്സിലെയും കാനഡയിലെയും ഡവലപ്പർമാർക്ക് 3000 ഡോളർ വിലയ്ക്ക് നൽകാൻ ഉദ്ദേശിക്കുന്നു.[3][4]ഹോളോ ലെൻസിലെ ആശയത്തെയും ഹാർഡ്വെയറിനെയും അടിസ്ഥാനമാക്കി മൈക്രോസോഫ്റ്റുമായി സഹകരിച്ച് സാംസങും അസൂസും മൈക്രോസോഫ്റ്റിന് സ്വന്തമായി ഒരു മിക്സഡ്-റിയാലിറ്റി ഉൽപ്പന്നങ്ങൾ നിർമ്മിക്കാൻ സഹായിക്കുന്നു.[5][6]2016 ഒക്ടോബർ 12 ന് മൈക്രോസോഫ്റ്റ് ഹോളോ ലെൻസിന്റെ ആഗോള തലത്തിൽ വിതരണം ചെയ്യുമെന്ന് പ്രഖ്യാപിക്കുകയും ഓസ്ട്രേലിയ, അയർലൻഡ്, ഫ്രാൻസ്, ജർമ്മനി, ന്യൂസിലാന്റ്, യുണൈറ്റഡ് കിംഗ്ഡം എന്നിവിടങ്ങളിൽ പ്രീഓർഡറിനായി ഹോളോ ലെൻസ് ലഭ്യമാകുമെന്ന് പരസ്യപ്പെടുത്തുകയും ചെയ്തു.[7]ബിറ്റ്ലോക്കർ സുരക്ഷ പോലുള്ള എന്റർപ്രൈസ് സവിശേഷതകളുള്ള ഒരു വാണിജ്യ സ്യൂട്ടും (വിൻഡോസിന്റെ പ്രോ പതിപ്പിന് സമാനമാണ്) ഉണ്ട്. മെയ് 2017 വരെ ഈ സ്യൂട്ട് 5,000 ഡോളറിനാണ് വിറ്റഴിച്ചത്.[8]ക്ലയന്റുകൾക്ക് മുഴുവൻ നിക്ഷേപം നടത്താതെ തന്നെ ഹോളോലെൻസ് വാടകയ്ക്ക് കൊടുക്കുവാൻ മൈക്രോസോഫ്റ്റ് തീരുമാനിച്ചു. ഹോളോലൻസ് വാടകയ്ക്ക് നൽകുന്നതിന് മൈക്രോസോഫ്റ്റ് അബ്കോമന്റ്സ് എന്ന കമ്പനിയുമായെ പങ്കാളിയാക്കി.[9]
ഡെവലപ്പർ | Microsoft |
---|---|
Manufacturer | Microsoft |
ഉദ്പന്ന കുടുംബം | Windows 10 |
തരം | Mixed reality augmented reality head-mounted display smartglasses |
Generation | 2 |
പുറത്തിറക്കിയ തിയതി |
(Development Edition 2) announced May 2, 2019
|
ആദ്യത്തെ വില | $3,000[1] $5,000 (Commercial Suite) |
ഓപ്പറേറ്റിംഗ് സിസ്റ്റം | Windows Mixed Reality |
സി.പി.യു | Intel 32-bit (1GHz) |
സ്റ്റോറേജ് കപ്പാസിറ്റി | 64 GB (flash memory) |
മെമ്മറി | |
ഡിസ്പ്ലേ | 2.3 megapixel widescreen head-mounted display |
ഇൻപുട് |
|
കണ്ട്രോളർ ഇൻപുട് | Gestural commands via sensors and HPU |
ക്യാമറ | 2.4 MP |
ടച്ച് പാഡ് | Side Panel |
കണക്ടിവിറ്റി |
|
ഭാരം | 579 g (1.28 lb) |
പിന്നീട് വന്നത് | HoloLens 2 |
വെബ്സൈറ്റ് | ഔദ്യോഗിക വെബ്സൈറ്റ് |
2019 ഫെബ്രുവരി 24 ന് സ്പെയിനിലെ ബാഴ്സലോണയിൽ നടന്ന മൊബൈൽ വേൾഡ് കോൺഗ്രസിൽ ഹോളോ ലെൻസ് 2 പ്രഖ്യാപിച്ചു,[10] പ്രീഓഡർ ചെയ്താൽ 3500 ഡോളറിന് ലഭ്യമാണ്.[11][12]