ഫാറൂഖ് ഷെയ്ക്ക്
ഇന്ത്യൻ ചലച്ചിത്ര അഭിനേതാവ് / From Wikipedia, the free encyclopedia
ഇന്ത്യൻ നടനും, ജീവകാരുണ്യപ്രവർത്തകനും, ജനപ്രിയ ടെലിവിഷൻ അവതാരകനും ആയിരുന്നു ഫാറൂഖ് ഷെയ്ക്ക്(25 മാർച്ച് 1948 - 28 ഡിസംബർ 2013). 1977 മുതൽ 1989 വരെ ഹിന്ദി ചലച്ചിത്രങ്ങളിലും, 1988 മുതൽ 2002 വരെ ടെലിവിഷൻ പരിപാടികളിലും അദ്ദേഹം സജീവമായിരുന്നു.2008 ൽ ചലച്ചിത്രരംഗത്ത് വീണ്ടും സാന്നിദ്ധ്യമറിയിച്ച ഫാറൂഖ് 2013 ഡിസംബർ 28 ന് തന്റെ മരണം വരെ രംഗത്ത് തുടർന്നു.സമാന്തര സിനിമ അല്ലെങ്കിൽ നവസിനിമാരംഗമായിരുന്നു അദ്ദേഹത്തിന്റെ പ്രധാന മണ്ഡലം . സത്യജിത് റേ, മുസഫർ അലി, ഹൃഷികേശ് മുഖർജി, കേതൻ മേത്ത തുടങ്ങിയ സംവിധായകർക്കൊപ്പം പ്രവർത്തിച്ചിട്ടുണ്ട്[1].
ഫാറൂഖ് ഷെയ്ക്ക് | |
---|---|
ജനനം | (1948-03-25)25 മാർച്ച് 1948 |
മരണം | 28 ഡിസംബർ 2013(2013-12-28) (പ്രായം 65) |
മരണ കാരണം | Heart attack |
ദേശീയത | Indian |
വിദ്യാഭ്യാസം | St. Xavier's College, Mumbai |
തൊഴിൽ | Actor |
ജീവിതപങ്കാളി(കൾ) | Roopa Shaikh |
കുട്ടികൾ | Sanaa Shaikh, Shaaista Shaikh |
ടെലിവിഷൻ പരമ്പരകളിൽ പ്രത്യക്ഷപ്പെട്ട ഫാറൂഖ്, ഫിറോസ് അബ്ബാസ് ഖാൻ സംവിധാനം ചെയ്ത തുമാരി അമൃതാ (1992)യിൽ, ശബാന ആസ്മിയോടൊപ്പം പ്രധാനവേഷത്തിൽ അഭിനയിച്ചു[2]. ടി.വി. ഷോ ആയ ജീന ഇസി കാ നാം ഹെ (സീസൺ 1) അവതരിപ്പിക്കുകയും ചെയ്തു. ലാഹോറിലെ പ്രകടനത്തിനു മികച്ച സഹനടനുള്ള 2010 ലെ ദേശീയ ചലച്ചിത്ര പുരസ്കാരവും നേടിയിട്ടുണ്ട്[3]