![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a0/Palayur_Church_exterior.jpg/640px-Palayur_Church_exterior.jpg&w=640&q=50)
പാലയൂർ പള്ളി
From Wikipedia, the free encyclopedia
തൃശ്ശൂർ ജില്ലയിൽ ചാവക്കാടിനടുത്ത് പാലയൂരിൽ സ്ഥിതി ചെയ്യുന്ന അതി പുരാതനമായ ക്രിസ്തീയ ദേവാലയമാണ് പാലയൂർ പള്ളി ( Palayur Church / Palayoor Church) . ദേശീയ അന്തർദേശീയ തീർത്ഥാടന കേന്ദ്രവും,ഭാരതത്തിലെ ആദ്യ ക്രിസ്തീയ ദേവാലയങ്ങളിൽ ഒന്നാണ് പാലയൂർ പള്ളി. ക്രി.വ 52-ൽ തോമാശ്ലീഹ സ്ഥാപിച്ചതായി വിശ്വസിക്കപ്പെടുന്നു. ആദ്യം അദ്ദേഹം അവിടെ ഒരു കുരിശ് മാത്രം സ്ഥാപിക്കുകയും പിന്നീട് പള്ളി പണികഴിപ്പിക്കുകയും ചെയ്തുവെന്നുമാണ് വിശ്വാസം. അദ്ദേഹം ഇന്ത്യയിൽ സ്ഥാപിച്ച ഏഴ് പള്ളികളുടെ ഭാഗമായിരുന്നു, മറ്റുള്ളവ ക്രാംഗനൂർ, കൊക്കമംഗലം, കോട്ടക്കാവ്, കൊല്ലം, നിരാനം, ചായൽ (നിലക്കൽ) എന്നിവിടങ്ങളിലായിരുന്നു അവ. പള്ളി ആദ്യം നിലനിന്നിരുന്ന ഇടത്ത് പള്ളിയുടെ ആദ്യരൂപം നിലനിർത്തിയിരിക്കുന്നു.. പതിനേഴാം നൂറ്റാണ്ടിൽ ജിയാക്കോമോ ഫെനിഷ്യോ ഈ സ്ഥലത്തിന്റെ പ്രധാന പവിത്രതയെ ബലിയർപ്പിക്കാതെ തന്നെ വളരെയധികം മെച്ചപ്പെടുത്തലുകൾ നടത്തി പള്ളി വലുതാക്കി.[1]
ഈ ലേഖനത്തിന്റെ ആധികാരികത പരിശോധിക്കുന്നതിന് കൂടുതൽ സ്രോതസ്സുകളിൽ നിന്നുള്ള അവലംബങ്ങൾ ആവശ്യമാണ്. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
![](http://upload.wikimedia.org/wikipedia/commons/thumb/a/a0/Palayur_Church_exterior.jpg/640px-Palayur_Church_exterior.jpg)
സീറോ മലബാർ കത്തോലിക്കാ സഭയുടെ തൃശൂർ അതിരൂപതയിലുൾപ്പെടുന്നതാണ് ഈ പള്ളി.വലിയ നൊയമ്പിൽ ഓശാന ഞായറിന് മുമ്പുള്ള ഞായർ തൃശൂർ അതിരൂപതയുടെ കീഴിലുള്ള പളളികളിൽ നിന്ന് പാലയൂർ പള്ളിയിലേക്ക് മഹാതീർത്ഥാടനം നടത്തുന്നു. ജൂലൈ മൂന്നിന് മാർ തോമാശ്ലീഹായുടെരക്തസാക്ഷി ദിനത്തിന്റ ശ്രാദ്ധ ഊട്ട് നടത്തുന്നു.[2] പാലയൂർ പളളി, ചരിത്ര മ്യൂസിയം, ശ്ലീഹാ സ്ഥാപിച്ച കൽകുരിശ് , ബോട്ട് കുളം, ലോകത്തിലെ ഏറ്റവും വലിയ തോമാശ്ലീഹായുടെ ശിൽപം, ചരിത്ര പ്രസിദ്ധമായ തളിയകുളം, എന്നിവയാണ് ഇവിടെ തീർത്ഥാടകർക്ക് സന്ദർശിക്കാവുന്നത്. ചാവക്കാട് തൃശൂർ റൂട്ടിൽ ആണ് പള്ളി സ്ഥതി ചെയ്യുന്നത് ചാവക്കാട് ബസ് സ്റ്റാഡിൽ നിന്ന് ഒരുകിലോമീറ്ററും ,ഗുരുവായൂർ റെയിൽവേ സ്റ്റേഷനിൽ നിന്ന് നാലു കിലോ മീറ്ററും ,നെടുമ്പാശ്ശേരി വിമാന താവളത്തിൽ നിന്ന് 90 കിലോമീറ്ററും മാറി സ്ഥ്തി ചെയ്യുന്നു.