ചെമ്മീൻ (ചലച്ചിത്രം)
മലയാള ചലച്ചിത്രം / From Wikipedia, the free encyclopedia
തകഴി ശിവശങ്കരപ്പിള്ളയുടെ ചെമ്മീൻ എന്ന നോവലിനെ അടിസ്ഥാനമാക്കി, 1965-ൽ രാമു കാര്യാട്ട് സംവിധാനം ചെയ്ത മലയാളചലച്ചിത്രമാണ് ചെമ്മീൻ. എസ്.എൽ. പുരം സദാനന്ദനാണ് തകഴിയുടെ വിഖ്യാത നോവലിനെ ആസ്പദമാക്കി ഈ ചിത്രത്തിന്റെ തിരക്കഥ രചിച്ചത്. മധു, സത്യൻ, കൊട്ടാരക്കര ശ്രീധരൻ നായർ, ഷീല, എസ്.പി. പിള്ള, അടൂർ ഭവാനി, ഫിലോമിന എന്നിവരാണ് പ്രധാനവേഷങ്ങളിൽ അഭ്രപാളിയിൽ അണിനിരന്നത്.
- ചെമ്മീൻ എന്ന നോവലിനെക്കുറിച്ചറിയാൻ, ദയവായി ചെമ്മീൻ (നോവൽ) കാണുക.
- ചെമ്മീൻ എന്ന നാടകത്തെക്കുറിച്ചറിയാൻ, ദയവായി ചെമ്മീൻ (നാടകം) കാണുക.
വസ്തുതകൾ ചെമ്മീൻ, സംവിധാനം ...
ചെമ്മീൻ | |
---|---|
![]() ചലച്ചിത്രത്തിന്റെ പോസ്റ്റർ | |
സംവിധാനം | രാമു കാര്യാട്ട് |
നിർമ്മാണം | ബാബു ഇസ്മയിൽ സേട്ടു |
കഥ | തകഴി ശിവശങ്കരപിള്ള |
തിരക്കഥ | എസ്.എൽ. പുരം സദാനന്ദൻ |
ആസ്പദമാക്കിയത് | ചെമ്മീൻ by തകഴി |
അഭിനേതാക്കൾ | |
സംഗീതം | സലിൽ ചൗധരി |
ഗാനരചന | വയലാർ |
ഛായാഗ്രഹണം | മാർകസ് ബാർട്ട്ലി യു. രാജഗോപാൽ |
ചിത്രസംയോജനം | ഋഷികേശ് മുഖർജി കെ.ഡി. ജോർജ്ജ് |
സ്റ്റുഡിയോ | കണ്മണി ഫിലിംസ് |
വിതരണം | കണ്മണി ഫിലിംസ് |
റിലീസിങ് തീയതി | 1965 ഓഗസ്റ്റ് 19 |
രാജ്യം | ഇന്ത്യ |
ഭാഷ | മലയാളം |
അടയ്ക്കുക
1965-ലെ ഏറ്റവും മികച്ച ചലച്ചിത്രത്തിനുള്ള രാഷ്ട്രപതിയുടെ സുവർണ്ണ കമലം ഈ സിനിമയ്ക്ക് ലഭിച്ചു[1]. ഒരു ദക്ഷിണേന്ത്യൻ സിനിമയ്ക്ക് ആദ്യമായിട്ടാണ് ഈ അംഗീകാരം ലഭിച്ചത്. സാങ്കേതികപരമായും ഈ ചിത്രം മികച്ച് നിന്നു. ഈസ്റ്റ്മാൻ കളറിൽ പുറത്തിറങ്ങിയ ആദ്യ മലയാളചലച്ചിത്രങ്ങളിലൊന്നായിരുന്നു ചെമ്മീൻ.