From Wikipedia, the free encyclopedia
ഇന്ത്യയിലെ തമിഴ്നാട് സംസ്ഥാനത്തിൽ സ്ഥിതി ചെയ്യുന്ന കാഞ്ചീപുരത്തെ നെയ്ത്തുകാർ പരമ്പരാഗതമായി നെയ്യുന്ന പട്ടുസാരിയാണ് കാഞ്ചീപുരം സാരി. ബനാറസി സാരികളോട് കിടപിടിക്കുന്ന തെന്നിന്ത്യൻ സാരികളാണ് കാഞ്ചീപുരം സാരികൾ.[1]2005-ൽ കാഞ്ചീപുരം സാരി ഭൗമസൂചികയിൽ ഇടം നേടി.[2][3] 2008-ലെ കണക്കുകൾ പ്രകാരം ഏകദേശം 5,000 കുടുംബങ്ങൾ കാഞ്ചീപുരം സാരി നിർമ്മാണത്തിൽ ഏർപ്പെടിരിക്കുന്നു..[4] പട്ടുനൂലും പരുത്തിനൂലും ഉല്പാദിപ്പിക്കുന്ന ഇരുപത്തിയഞ്ച് വ്യവയാസ സംരംഭങ്ങളും അറുപത് ഡൈയിങ് യൂണിറ്റുകളും ഈ പ്രദേശത്ത് സ്ഥിതി ചെയ്യുന്നു..[5] ഓരോ വർഷവും നെയ്യപ്പെടുന്ന കാഞ്ചീപുരം സാരികളുടെ എണ്ണം നാലു ലക്ഷത്തിനും അഞ്ചു ലക്ഷത്തിനും ഇടയിലാണ്[6]
Kancheepuram Silk | |
---|---|
വിവരണം | കാഞ്ചീപുരത്ത് നെയ്ത പട്ടുസാരികൾ |
തരം | handicraft |
പ്രദേശം | Kancheepuram, Tamil Nadu |
രാജ്യം | India |
രജിസ്റ്റർ ചെയ്തത് | 2005-06 |
പദാർത്ഥം | silk |
കൃഷ്ണദേവരായരുടെ കാലത്താണ് കാഞ്ചീപുരത്തിനു പ്രാമുഖ്യം കൈവന്നത്, ഈ കാലഘട്ടത്തിൽ ആണ് ആന്ധ്രാപ്രദേശിൽനിന്നും തമിഴ്നാടിലേക്ക് നെയ്ത്തുകാരായ ദേവാംഗ, ശാലിഗർ സമുദായത്തിൽപ്പെട്ടവർ കുടിയേറിയത്, പട്ടുസാരികൾ നെയ്യുന്നതിൽ വിദഗ്ദ്ധരായിരുന്നു ഇവർ.[6]
ദക്ഷിണേന്ത്യയിൽ (കർണാടക) നിന്നുള്ള പട്ടുനൂലും ഗുജറാത്തിലെ സൂറതിൽ[7] നിന്നുമുള്ള കസവും ഉപയോഗിച്ചാണ് കാഞ്ചീപുരം സാരി നെയ്യുന്നത് .[8] സാരിയും ബോർഡറും വേറേവേറേ നെയ്ത് കൂട്ടിയോജിപ്പിക്കുകയാണ് ചെയ്യുന്നത്[9]. 57% വെള്ളിയും 0.6% സ്വർണ്ണവും ചേർത്തുണ്ടാക്കിയ കസവാണ് ഉപയോഗിക്കുന്നത്. മുന്താണിയ്ക്കും ബോർഡറിനും ഉപയോഗിക്കുന്ന നിറങ്ങൾ സാരിയുടെ നിറങ്ങളിൽനിന്നും വ്യത്യസ്തമായതാണ്, കാഞ്ചീപുരം സാരി നെയ്യുന്നതിനായി ഒരു എട്ടു മുതൽ പതിനഞ്ച് ദിവസങ്ങൾ വരെ എടുക്കാറുണ്ട്.[6] കാഞ്ചീപുരത്തിന്റെ സമീപപ്രദേശങ്ങളിലെ ക്ഷേത്രങ്ങളുടെ സ്വാധീനം സാരികളിലെ പ്രതീകങ്ങളിൽ ദൃശ്യമാണ്, സൂര്യൻ, ചന്ദ്രൻ, മയിൽ, ഹംസം, തത്തകൾ, രഥങ്ങൾ, പുഷ്പങ്ങൾ, സിംഹങ്ങൾ, നാണയങ്ങൾ തുടങ്ങിയവ കാഞ്ചീപുരം സാരികളിൽ തുന്നിയിരിക്കുന്നതായി കാണാം. മുല്ലപ്പൂക്കൾ വിതറിയിരിക്കുന്നതുപോലേയും [10] (മല്ലിനഗ്ഗു) സമാന്തരരേഖകളും(താണ്ഡവാളം)[6] ചില സാരികളിൽ കാണാം.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.