കലൂർ
From Wikipedia, the free encyclopedia
എറണാകുളം ജില്ലയിലെ കൊച്ചി നഗരത്തിലുള്ള പ്രധാന പ്രദേശമാണ് കലൂർ. ഈ പ്രദേശത്തുള്ള ഒരു പ്രധാന കവലയുടെയും പേര് കലൂർ എന്നുതന്നെയാണ്. ദേശീയപാത 47-നടുത്താണ് കലൂർ ജംഗ്ഷൻ സ്ഥിതി ചെയ്യുന്നത്. കൊച്ചിയിലെ രണ്ട് പ്രധാന റോഡുകളായ ബാനർജി റോഡ്, കെ. കെ. റോഡ് എന്നിവയും പേരണ്ടൂർ റോഡും കലൂർ ജംഗ്ഷനിൽ വച്ച് കൂടിച്ചേരുന്നു. കലൂരിന് കിഴക്കുള്ള അടുത്ത പ്രധാന ജംഗ്ഷൻ പാലാരിവട്ടം ജംഗ്ഷനാണ്. പടിഞ്ഞാറുള്ള പ്രധാന കവല ലിസ്സി ജംഗ്ഷനാണ്.
കലൂർ | |
നിർദ്ദേശാങ്കം: (find coordinates) | |
രാജ്യം | ഇന്ത്യ |
സംസ്ഥാനം | കേരളം |
ജില്ല(കൾ) | എറണാകുളം ജില്ല |
ലോകസഭാ മണ്ഡലം | എറണാകുളം |
സിവിക് ഏജൻസി | കൊച്ചി മുനിസിപ്പൽ കോർപ്പറേഷൻ |
സമയമേഖല | IST (UTC+5:30) |
കാലാവസ്ഥ താപനില • വേനൽ • ശൈത്യം |
• 35 °C (95 °F) • 20 °C (68 °F) |
കൊച്ചിയിലെ ജവഹർലാൽ നെഹ്രു സ്റ്റേഡിയം കലൂരിലാണ് സ്ഥിതി ചെയ്യുന്നത് എന്നത് കലൂരിന്റെ പ്രാധാന്യം വർദ്ധിപ്പിക്കുന്നു. കൊച്ചിയിലെ മറ്റു പ്രധാന പ്രദേശങ്ങളിലേയ്ക്ക് കലൂരിൽ നിന്ന് റോഡ് വഴി ബന്ധമുണ്ട്. ഇവിടെ ഒരു പ്രധാന ബസ് സ്റ്റാൻഡുമുണ്ട്. എറണാകുളം നോർത്ത് സ്റ്റേഷനാണ് അടുത്തുള്ള പ്രധാന റെയിൽവേ സ്റ്റേഷൻ. അന്താരാഷ്ട്ര വിമാനത്താവളത്തിലേയ്ക്ക് ഇവിടെ നിന്ന് 35 കിലോമീറ്റർ ദൂരമുണ്ട്.
കലൂരിലൂടെയാണ് കൊച്ചി മെട്രോ റെയിൽ പാത കടന്നുപോകുന്നത്.