![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0b/Aerial_image_of_Grand_Prismatic_Spring_%2528view_from_the_south%2529.jpg/640px-Aerial_image_of_Grand_Prismatic_Spring_%2528view_from_the_south%2529.jpg&w=640&q=50)
കരോട്ടിനോയ്ഡ്
From Wikipedia, the free encyclopedia
മഞ്ഞ, ഓറഞ്ച്, ചുവന്ന ജൈവ വർണ്ണവസ്തുക്കൾ ആയ ടെട്രാറ്റെർപെനോയിഡുകൾ എന്നും വിളിക്കുന്ന കരോട്ടിനോയ്ഡ് സസ്യങ്ങളും ആൽഗകളും കൂടാതെ നിരവധി ബാക്ടീരിയകളും ഫംഗസും ഉൽപാദിപ്പിക്കുന്നു.[1]മത്തങ്ങ, കാരറ്റ്, ധാന്യം, തക്കാളി, കനെറികൾ, അരയന്നക്കൊക്ക്, ഡാഫോഡിൽസ് എന്നിവയ്ക്ക് കരോട്ടിനോയിഡുകൾ സവിശേഷമായ നിറം നൽകുന്നു.[1] കൊഴുപ്പുകളിൽ നിന്നും മറ്റ് അടിസ്ഥാന ജൈവ ഉപാപചയ നിർമ്മാണ ഘടകങ്ങളിൽ നിന്നും കരോട്ടിനോയിഡുകൾ ഉത്പാദിപ്പിക്കാൻ കഴിയുന്നു. ചാഴി, മുഞ്ഞ, ചിലന്തി എന്നിവ കരോട്ടിനോയിഡുകൾ ഉൽപാദിപ്പിക്കാൻ കഴിയുന്ന ജീവികളാണ്. [2][3][4] വൈറ്റ്ഫ്ലൈസിലെ എൻഡോസിംബിയോട്ടിക് ബാക്ടീരിയയാണ് ഇത് ഉത്പാദിപ്പിക്കുന്നത്.[5] മാംസഭോജികൾ ആയ മൃഗങ്ങളുടെ ഭക്ഷണത്തിലെ കൊഴുപ്പിൽ നിന്ന് നേടുന്ന സംയുക്തങ്ങളായ കരോട്ടിനോയിഡുകൾ മൃഗങ്ങളുടെ ഫാറ്റി ടിഷ്യുകളിൽ സൂക്ഷിക്കുന്നു.[1] മനുഷ്യർ കൊഴുപ്പടങ്ങിയ ഭക്ഷണം കഴിക്കുമ്പോൾ കരോട്ടിനോയിഡുകൾ ആഗിരണം ചെയ്യുന്നത് മെച്ചപ്പെടുന്നു.[6] കരോട്ടിനോയ്ഡ് അടങ്ങിയ പച്ചക്കറികൾ എണ്ണയിൽ പാകം ചെയ്യുന്നത് കരോട്ടിനോയ്ഡിന്റെ ജൈവ ലഭ്യത വർദ്ധിപ്പിക്കുന്നു.[1][6]
![Thumb image](http://upload.wikimedia.org/wikipedia/commons/thumb/0/0b/Aerial_image_of_Grand_Prismatic_Spring_%28view_from_the_south%29.jpg/640px-Aerial_image_of_Grand_Prismatic_Spring_%28view_from_the_south%29.jpg)
1,100-ലധികം അറിയപ്പെടുന്ന കരോട്ടിനോയിഡുകൾ [7]കാണപ്പെടുന്നുണ്ട്. അവയെ സാന്തോഫിൽസ് (ഓക്സിജൻ അടങ്ങിയിരിക്കുന്നു), കരോട്ടിനുകൾ (അവ പൂർണ്ണമായും ഹൈഡ്രോകാർബണുകളാണ്, ഓക്സിജനും അടങ്ങിയിട്ടില്ല)[1] എന്നിങ്ങനെ രണ്ട് വിഭാഗങ്ങളായി തിരിക്കാം. എല്ലാം ടെട്രാറ്റെർപീനുകളുടെ ഡെറിവേറ്റീവുകളാണ്. അതായത് അവ 8 ഐസോപ്രീൻ തന്മാത്രകളിൽ നിന്ന് ഉത്പാദിപ്പിക്കപ്പെടുന്നു. 40 കാർബൺ ആറ്റങ്ങൾ ഇതിൽ അടങ്ങിയിരിക്കുന്നു. പൊതുവേ, കരോട്ടിനോയിഡുകൾ 400–550 നാനോമീറ്റർ (വയലറ്റ് മുതൽ പച്ച പ്രകാശം വരെ) വരെയുള്ള തരംഗദൈർഘ്യങ്ങളെ ആഗിരണം ചെയ്യുന്നു. ഇത് സംയുക്തങ്ങൾക്ക് മഞ്ഞ, ഓറഞ്ച് അല്ലെങ്കിൽ ചുവപ്പ് നിറങ്ങളിൽ ആഴത്തിലുള്ള നിറമുണ്ടാക്കുന്നു. 15-30% വൃക്ഷങ്ങളുടെ ശരത്കാല ഇലകളുടെ നിറത്തിൽ കരോട്ടിനോയിഡുകൾ പ്രധാന വർണ്ണവസ്തുവാണ്.[1]എന്നാൽ പല സസ്യ നിറങ്ങളും, പ്രത്യേകിച്ച് ചുവപ്പും പർപ്പിളും പോളിഫെനോൾ മൂലമാണ് സംഭവിക്കുന്നത്.
![Thumb image](http://upload.wikimedia.org/wikipedia/commons/thumb/7/75/Updated_graphic_24.2.16.png/640px-Updated_graphic_24.2.16.png)
കരോട്ടിനോയിഡുകൾ സസ്യങ്ങളിലും ആൽഗകളിലും രണ്ട് പ്രധാന പങ്ക് വഹിക്കുന്നു. പ്രകാശസംശ്ലഷണത്തിലെ ഉപയോഗത്തിനായി അവ പ്രകാശോർജ്ജം ആഗിരണം ചെയ്യുക മാത്രമല്ല ഫോട്ടോഡാമേജിൽ നിന്ന് ഹരിതകത്തിനെ സംരക്ഷിക്കുകയും ചെയ്യുന്നു.[8] കരോട്ടിനോയിഡുകളിൽ അടങ്ങിയിരിക്കുന്ന ബീറ്റാ അയണോൺ വലയങ്ങൾക്ക് (ബീറ്റാ കരോട്ടിൻ, ആൽഫ കരോട്ടിൻ, ബീറ്റാ-ക്രിപ്റ്റോക്സാന്തിൻ, ഗാമാ കരോട്ടിൻ എന്നിവയുൾപ്പെടെ) വിറ്റാമിൻ എയുടെ പ്രവർത്തനം (അവ റെറ്റിനോളിലേക്ക് പരിവർത്തനം ചെയ്യാമെന്നർത്ഥം) കാണപ്പെടുന്നു. കണ്ണിൽ, ല്യൂട്ടിൻ, മിസോ-സിയാക്സാന്തിൻ, സിയാക്സാന്തിൻ എന്നിവ മാക്യുലർ പിഗ്മെന്റുകളായി കാണപ്പെടുന്നു. ഇവയുടെ ദൃഷ്ടിഗോചരമായ പ്രവർത്തനത്തിന്റെ പ്രാധാന്യം ക്ലിനിക്കൽ ഗവേഷണത്തിന്റെ ഭാഗമായിരുന്നു.[1][9]കരോട്ടിനോയിഡുകൾക്ക് മനുഷ്യരിൽ ആന്റിഓക്സിഡന്റ് പ്രവർത്തനം ഉണ്ടെന്നോ കരോട്ടിനോയ്ഡ് ഭക്ഷണ പദാർത്ഥങ്ങൾ രോഗങ്ങളുടെ സാധ്യത കുറയ്ക്കുകയോ തടയുകയോ ചെയ്യുന്നുവെന്ന് വ്യക്തമാക്കുന്നതിന് മതിയായ തെളിവുകളോ ഇല്ല.[1]