ഇസ്താംബുൾ
From Wikipedia, the free encyclopedia
തുർക്കിയുടെ ഒരു പ്രധാന സാംസ്കാരിക, ധനകാര്യ കേന്ദ്രമാണ് ഇസ്താംബുൾ. ചരിത്രപരമായി ബൈസാന്റിയം എന്നും പിന്നീട് കോൺസ്റ്റാന്റിനോപ്പിൾ എന്നും അറിയപ്പെട്ടു. യൂറോപ്പിലെ ഏറ്റവും ഉയർന്ന ജനസംഖ്യയുള്ള നഗരമാണിത്. ഇസ്താംബുൾ പ്രവിശ്യയിലെ 27 ജില്ലകൾ ഈ നഗരത്തിൽ ഉൾപ്പെടുന്നു. തുർക്കിയുടെ വടക്ക് പടിഞ്ഞാറൻ ദിക്കിലാണ് നഗരം സ്ഥിതി ചെയ്യുന്നത്. ബോസ്ഫറസ് കടലിടുക്കിന്റെ ഇരു വശങ്ങളിലുമായി യൂറോപ്യൻ വൻകരയിലേക്കും (ത്രേസ്) ഏഷ്യൻ വൻകരയിലേക്കും (അനറ്റോളിയ) നീണ്ടുകിടക്കുന്ന ഒരു നഗരമാണിത്. രണ്ട് വൻകരകളിലായി സ്ഥിതി ചെയ്യുന്ന ലോകത്തിലെ ഒരേയൊരു മെട്രോപോളിസാണ് ഇസ്താംബുൾ. വളരെ ദൈർഘ്യമേറിയ ഇതിന്റെ ചരിത്രത്തിൽ റോമൻ സാമ്രാജ്യം (330–395), കിഴക്കൻ റോമൻ (ബൈസാന്റിയൻ) സാമ്രാജ്യം (395–1204 ഉം 1261–1453), ലാറ്റിൻ സാമ്രാജ്യം (1204–1261), ഒട്ടോമൻ സാമ്രാജ്യം (1453–1922) എന്നിവയുടെയെല്ലാം തലസ്ഥാനമായിരുന്നു.
ഇസ്താംബുൾ | ||
---|---|---|
| ||
Coordinates: 41°00′49″N 28°57′18″E | ||
രാജ്യം | തുർക്കി | |
പ്രദേശം | മർമര | |
പ്രവിശ്യം | ഇസ്താംബുൾ | |
സ്ഥാപിതം | 667 ബി.സി. ബൈസാന്തിയം എന്ന പേരിൽ | |
റോമൻ/ബൈസന്തൈൻ കാലഘട്ടം | ഏ.ഡി. 330 കോൺസ്റ്റാന്റിനോപ്പിൾ എന്ന പേരിൽ | |
ഓട്ടോമൻ കാലഘട്ടം | 1453 as Constantinople (internationally) and various other names in local languages | |
ടർക്കിഷ് റിപ്പബ്ലിക്കൻ കാലഘട്ടം | 1923 കോൺസ്റ്റാന്റിനോപ്പിൾ എന്ന പേരിൽ, 1930ൽ ഔദ്യോഗികമായി ഇസ്താംബുൾ എന്നു പുനഃനാമകരണം ചെയ്തു | |
ജില്ലകൾ | 27 | |
• ആകെ | 1,830.92 ച.കി.മീ.(706.92 ച മൈ) | |
ഉയരം | 100 മീ(300 അടി) | |
(2007)[1] | ||
• ആകെ | 11,372,613 (4th) | |
• ജനസാന്ദ്രത | 6,211/ച.കി.മീ.(16,090/ച മൈ) | |
സമയമേഖല | UTC+2 (EET) | |
• Summer (DST) | UTC+3 (EEST) | |
പോസ്റ്റൽ കോഡ് | 34010 to 34850 and 80000 to 81800 | |
ഏരിയ കോഡ് | (+90) 212 (യൂറോപ്യൻ ഭാഗം) (+90) 216 (ഏഷ്യൻ ഭാഗം) | |
Licence plate | 34 | |
വെബ്സൈറ്റ് | Istanbul Portal |
യുനെസ്കോ ലോക പൈതൃക സ്ഥാനം | |
---|---|
സ്ഥാനം | തുർക്കി, ഓട്ടൊമൻ സാമ്രാജ്യം, ബൈസന്റൈൻ സാമ്രാജ്യം, Latin Empire, ബൈസന്റൈൻ സാമ്രാജ്യം, റോമാ സാമ്രാജ്യം [2] |
Area | 5,343 km2 (5.751×1010 sq ft) |
മാനദണ്ഡം | I, II, III, IV |
അവലംബം | 356 |
നിർദ്ദേശാങ്കം | 41°00′36″N 28°57′37″E |
രേഖപ്പെടുത്തിയത് | (Unknown വിഭാഗം) |
Endangered | – (–) |
വെബ്സൈറ്റ് | www |
ഇവിടുത്തെ ചരിത്രപ്രാധാന്യമുള്ള സ്ഥലങ്ങൾ 1985ൽ യുനെസ്കോ ലോക പൈതൃക കേന്ദ്രങ്ങളുടെ പട്ടികയിൽ ഉൾപ്പെടുത്തി. നീല മസ്ജിദ് എന്ന് പൊതുവേ അറിയപ്പെടുന്ന സുൽത്താൻ അഹ്മദ് മസ്ജിദ്, ആയ സോഫിയ, കോറ പള്ളി എന്നിവ പ്രധാനപ്പെട്ട ചരിത്രസ്മാരകങ്ങളാണ്.