ഇന്ത്യയിലെ സ്ത്രീകൾ
speech on protection of modern womens in malayalam / From Wikipedia, the free encyclopedia
ഇന്ത്യയിലെ സ്ത്രീകൾ ഇന്ത്യയിൽ ജനിച്ചതോ ജിവിക്കുന്നതോ എവിടെനിന്നും വന്നതോ ആയ സ്ത്രീകളാണ്. ഇന്ത്യയിലെ സ്ത്രീകളുടെ സ്ഥിതി കഴിഞ്ഞ അനേകം വർഷങ്ങളായി വളരെയധികം മാറ്റങ്ങൾക്കു വിധേയമായിട്ടുണ്ട്. [5]പ്രാചീനമായ കാലത്തുള്ള അവരുടെ സ്ഥിതിയിൽനിന്നും മദ്ധ്യകാലമായപ്പോഴെയ്ക്കും മോശമായി. [6][7]എന്നാൽ അതിനുശേഷം സാമൂഹ്യ പരിഷ്കർത്താക്കളുടെ പ്രവർത്തനഫലമായി, സ്ത്രീകളുടെ ചരിത്രം മാറി. ഇന്ന് ആധുനികകാലത്ത്, ഇന്ത്യയിലെ സ്ത്രീകൾ, പ്രസിഡന്റ്, പ്രധാനമന്ത്രി, ലോകസഭാസ്പീക്കർ, പ്രതിപക്ഷനേതാവ്, കേന്ദ്രമന്ത്രിമാർ, സംസ്ഥാനങ്ങളുടെ മുഖ്യമന്ത്രിമാർ, ഗവർണർമാർ തുടങ്ങി ഉയർന്ന സ്ഥാനങ്ങൾ വഹിച്ചുപോന്നിട്ടുണ്ട്.
Gender Inequality Index[1] | |
---|---|
Value | 0.563 (2014) |
Rank | 130th out of 188 |
Maternal mortality (per 100,000) | 174 (2015)[2] |
Women in parliament | 12.2% (2014) |
Females over 25 with secondary education | 27% (2014) |
Women in labour force | 29.0% (2014)[3] |
Global Gender Gap Index[4] | |
Value | 0.683 (2016) |
Rank | 87th out of 144 |
ബ്രിട്ടീഷ് ഈസ്റ്റ് ഇന്ത്യാ കമ്പനി ഭരണകാലത്തും (1757-1857), ബ്രിട്ടീഷ് രാജ് (1858-1947) കാലത്തും, ബംഗാൾ സതി റെഗുലേഷൻ, 1829, ഹിന്ദു വിധവകളുടെ പുനർവിവാഹ നിയമം, 1856, പെൺ ശിശുഹത്യ തടയൽ നിയമം 1870, സമ്മത പ്രായം നിയമം, 1891 .എന്നിവ ഉൾപ്പെടെ, സ്ത്രീകളുടേ നില മെച്ചപ്പെടുത്തൽ ലക്ഷ്യമിട്ടുള്ള നടപടികൾ നടപ്പിലാക്കി. പുതുതായി വന്ന ഇന്ത്യൻ ഭരണഘടന, ലൈംഗികതയെ അടിസ്ഥാനമാക്കിയുള്ള വിവേചനം നിരോധിക്കുകയും അവർക്കായി പ്രത്യേക നടപടികൾ കൈക്കൊള്ളാൻ സർക്കാരിന് അധികാരം നൽകുകയും ചെയ്യുന്നുണ്ട്. [8] ഇന്ത്യൻ ഭരണഘടന പ്രകാരമുള്ള സ്ത്രീകളുടെ അവകാശങ്ങളിൽ പ്രധാനമായും സമത്വം, അന്തസ്സ്, വിവേചനത്തിൽ നിന്നുള്ള സ്വാതന്ത്ര്യം എന്നിവ ഉൾപ്പെടുന്നു; കൂടാതെ, സ്ത്രീകളുടെ അവകാശങ്ങളെ നിയന്ത്രിക്കുന്ന വിവിധ നിയമങ്ങൾ ഇന്ത്യയിലുണ്ട്. [9] [10]
ഇന്ത്യയിലെ അനേകം സംസ്ഥാനങ്ങൽ സ്ത്രീകളുടെ അവകാശങ്ങൾ സംരക്ഷിക്കാനായി ഇതിനുപുറമേ പ്രത്യേകം നിയമങ്ങൾ പാസ്സാക്കിവരുന്നു. [11][12]
2011ലെ കണക്കുപ്രകാരം ഇന്ത്യൻ പ്രസിഡന്റ്, ലോകസഭാസ്പീക്കർ, പ്രതിപക്ഷ നേതാവ്, ലോകസഭാസ്പീക്കർ എന്നിവർ സ്ത്രീകളാണ്. എന്നിരുന്നാലും ഇന്ത്യയിലെ സ്ത്രീകൾ അനേകം പ്രശ്നങ്ങൾ അഭിമുഖീകരിച്ചുവരുന്നുണ്ട്. ബലാത്കാരത്തിലൂടെ അക്രമണാത്മകമായി അവരെ ഇരയാക്കുന്നു. ആസിഡ് ആക്രമണം, സ്ത്രീധനകൊലകൾ, വൈവാഹികബലാത്സംഗം, ബാലികമാരെ ബലമായി ലൈംഗികത്തൊഴിലാളികളാക്കുക തുടങ്ങിയവ ഇന്ത്യയിലെ സ്ത്രീകൾ അഭിമുഖീകരിക്കുന്നു. 2012ൽ ഇന്ത്യയെ സ്ത്രീകളുടെ കാര്യത്തിൽ ഏറ്റവും മോശം രാജ്യമായി ചിത്രീകരിച്ചിട്ടുണ്ട്. [13][14][15]