![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/ml/thumb/5/53/Arsenal_FC.svg/langml-640px-Arsenal_FC.svg.png&w=640&q=50)
ആഴ്സണൽ എഫ്.സി.
ഇംഗ്ലീഷ് പ്രൊഫഷണൽ ഫുട്ബോൾ ക്ലബ് / From Wikipedia, the free encyclopedia
വടക്കൻ ലണ്ടനിലെ ഹോളോവേ ആസ്ഥാനമാക്കി പ്രവർത്തിക്കുന്ന ഒരു ഇംഗ്ലീഷ് ഫുട്ബോൾ ക്ലബ്ബാണ് ആഴ്സണൽ ഫുട്ബോൾ ക്ലബ് (ഇംഗ്ലീഷ്: Arsenal Football Club). ഇംഗ്ലീഷ് ഫുട്ബോളിലെ ഏറ്റവും മികച്ച ക്ലബ്ബുകളിലൊന്നായ ആഴ്സണൽ ഇപ്പോൾ പ്രീമിയർ ലീഗിലാണ് കളിക്കുന്നത്. 13 തവണ ഒന്നാം ഡിവിഷൻ-പ്രീമിയർ ലീഗ് ജേതാക്കളായ ഇവർ 11 തവണ എഫ്.എ. കപ്പ് നേടിയിട്ടുണ്ട്.
![]() | |||||||||||||||||||||||||||||||||||||||||||||||||
പൂർണ്ണനാമം | ആഴ്സണൽ ഫുട്ബോൾ ക്ലബ് | ||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
വിളിപ്പേരുകൾ | ദ ഗണ്ണേഴ്സ് (പീരങ്കിപ്പട) | ||||||||||||||||||||||||||||||||||||||||||||||||
സ്ഥാപിതം | 1886-ൽ ഡയൽ സ്ക്വയർ എന്ന പേരിൽ | ||||||||||||||||||||||||||||||||||||||||||||||||
മൈതാനം | എമിറേറ്റ്സ് സ്റ്റേഡിയം (കാണികൾ: 60,355[1]) | ||||||||||||||||||||||||||||||||||||||||||||||||
ഉടമ | ![]() | ||||||||||||||||||||||||||||||||||||||||||||||||
ചെയർമാൻ | ![]() | ||||||||||||||||||||||||||||||||||||||||||||||||
മാനേജർ | ![]() | ||||||||||||||||||||||||||||||||||||||||||||||||
ലീഗ് | പ്രീമിയർ ലീഗ് | ||||||||||||||||||||||||||||||||||||||||||||||||
2013–14 | പ്രീമിയർ ലീഗ്, നാലാം സ്ഥാനം | ||||||||||||||||||||||||||||||||||||||||||||||||
വെബ്സൈറ്റ് | ക്ലബ്ബിന്റെ ഹോം പേജ് | ||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||
1886-ലാണ് ക്ലബ് സ്ഥാപിതമായത്. 1893-ൽ ഫുട്ബോൾ ലീഗിൽ തെക്കേ ഇംഗ്ലണ്ടിൽ നിന്നുള്ള ആദ്യ അംഗമായി. 1930-കളിൽ ആഴ്സണൽ പ്രധാന ട്രോഫികൾ ആദ്യമായി കരസ്ഥമാക്കി. ആ കാലയളവിൽ ഇവർ 5 തവണ ഫുട്ബോൾ ലീഗ് കിരീടവും 2 തവണ എഫ്.എ. കപ്പും നേടി. രണ്ടാം ലോകമഹായുദ്ധത്തിനുശേഷം പ്രകടനം മോശമായ ആഴ്സണൽ 1970-71-ൽ ലീഗും എഫ്.എ. കപ്പും നേടി തിരിച്ചുവരവു നടത്തി. യുവേഫ ചാമ്പ്യൻസ് ലീഗ് ഫൈനലിലെത്തിയ ലണ്ടനിൽനിന്നുള്ള ആദ്യ ക്ലബ് ആഴ്സണലാണ്. തോൽവിയറിയാതെ ഒരു പ്രീമിയർ ലീഗ് സീസൺ മുഴുവൻ കളിച്ച ഏക ക്ലബ്ബും ആഴ്സണൽതന്നെ.[2]
ചുവപ്പും വെള്ളയുമാണ് ക്ലബ്ബിന്റെ പരമ്പരാഗത നിറങ്ങൾ. പലതവണ ഇവർ തങ്ങളുടെ ആസ്ഥാനം മാറ്റിയിട്ടുണ്ട്. തെക്കുകിഴക്കൻ ലണ്ടനിലെ വൂൾവിച്ചിൽ സ്ഥാപിതമായ ക്ലബ് 1913-ൽ ഹൈബറിയിലെ ആഴ്സണൽ സ്റ്റേഡിയത്തിലേക്കു മാറി. 2006-ൽ നിലവിലെ ഹോം ഗ്രൗണ്ടായ ഹോളോവേയിലെ എമിറേറ്റ്സ് സ്റ്റേഡിയത്തിലേക്ക് ആഴ്സണൽ കൂടുമാറി.
വളരെ വലിയൊരു ആരാധകവൃന്ദം ആഴ്സണലിനുണ്ട്. ലോകത്തിലെ ഏറ്റവും സമ്പന്നമായ അഞ്ചാമത്തെ ഫുട്ബോൾ ക്ലബ്ബാണ് ആഴ്സണൽ. 2014-ലെ കണക്കുകളനുസരിച്ച് $130 കോടിയിലധികമാണ് ക്ലബ്ബിന്റെ മൂല്യം.[3]