ഓസ്ട്രേലിയയിലെ നോർത്തേൺ ടെറിട്ടറിയിലെ മൂന്നാമത്തെ വലിയ പട്ടണമാണ് ആലീസ് സ്പ്രിങ്സ്. From Wikipedia, the free encyclopedia
ഓസ്ട്രേലിയയിലെ നോർത്തേൺ ടെറിട്ടറിയിലെ മൂന്നാമത്തെ വലിയ പട്ടണമാണ് ആലീസ് സ്പ്രിങ്സ് (Eastern Arrernte: Mparntwe). പൊതുവായി "ദ ആലിസ്" അല്ലെങ്കിൽ "ആലിസ്" എന്നറിയപ്പെടുന്ന, ആലീസ് സ്പ്രിങ്സ് പട്ടണം ഓസ്ട്രേലിയയുടെ ഭൂമിശാസ്ത്രപരമായ കേന്ദ്രത്തിലാണ് സ്ഥിതിചെയ്യുന്നത്.[3]
ആലിസ് സ്പ്രിങ്സ് Alice Springs നോർത്തേൺ ടെറിട്ടറി | |||||||||
---|---|---|---|---|---|---|---|---|---|
നിർദ്ദേശാങ്കം | 23°42′0″S 133°52′12″E | ||||||||
ജനസംഖ്യ | 23,726 (2016 census)[1] | ||||||||
• സാന്ദ്രത | 72.446/km2 (187.63/sq mi) | ||||||||
സ്ഥാപിതം | 1872 | ||||||||
പോസ്റ്റൽകോഡ് | 0870-0872 | ||||||||
ഉയരം | 545 m (1,788 ft) | ||||||||
വിസ്തീർണ്ണം | 327.5 km2 (126.4 sq mi)[2] (2011 urban) | ||||||||
സമയമേഖല | ACST (UTC+9:30) | ||||||||
സ്ഥാനം | |||||||||
LGA(s) | ആലീസ് സ്പ്രിങ്സ് ടൗൺ കൌൺസിൽ | ||||||||
Territory electorate(s) |
| ||||||||
ഫെഡറൽ ഡിവിഷൻ | ലിംഗിയാരി | ||||||||
|
2016-ലെ ജനസംഖ്യാ കണക്കെടുപ്പ് പ്രകാരം ആലീസ് സ്പ്രിംഗ്സിലെ നഗര ജനസംഖ്യ ഏകദേശം 24,000 ആയിരുന്നു.[1] ഇത് ഓസ്ട്രേലിയൻ വടക്കൻ പ്രദേശത്തെ ജനസംഖ്യയുടെ ഏകദേശം 10 ശതമാനം വരുന്നു. അഡ്ലെയ്ഡ്, ഡാർവിൻ എന്നിവിടങ്ങളിലും ഇത് ഏകദേശം തുല്യമാണ്. ഇതിനു ചുറ്റുമുള്ള പ്രദേശം സെൻട്രൽ ഓസ്ട്രേലിയ അഥവാ റെഡ് സെന്റർ എന്നറിയപ്പെടുന്നു. വിവിധ മരുഭൂമികൾ അടങ്ങിയ വരണ്ട അന്തരീക്ഷമാണിവിടെയുള്ളത്. ആലീസ് സ്പ്രിംഗ്സിലെ താപനിലയിൽ മിക്കപ്പോഴും ഗണ്യമായ വ്യത്യാസങ്ങൾ സംഭവിക്കുന്നു. വേനൽക്കാലത്തെ പരമാവധി താപനില 35.6 ഡിഗ്രി വരെയും ശൈത്യകാലത്തെ താപനില ശരാശരി 5.1 ഡിഗ്രി വരെയും ആയിരിക്കും.[4]
ആലീസ് സ്പ്രിംഗ്സ് സമീപകാലത്ത് നിരവധി പ്രശ്നങ്ങളെ അഭിമുഖീകരിച്ചിട്ടുണ്ട്. ഇതിൽ പ്രധാനമായും ഇവിടെ വർഷങ്ങളായി നിലനിൽക്കുന്ന ശക്തമായ വംശീയ വിഭജനം, കുറ്റകൃത്യങ്ങളുടെ വർദ്ധനവ് എന്നിവയാണ്.[5]
അറേൻടെ ആദിവാസികൾ[6] സെൻട്രൽ ഓസ്ട്രേലിയൻ മരുഭൂമിക്കു സമീപം ആലീസ് സ്പ്രിംഗ്സിന്റെ പരിസരപ്രദേശത്ത് ആയിരക്കണക്കിന് വർഷങ്ങൾക്കു മുൻപുതന്നെ താമസമാക്കിയിരുന്നു. ഈ അധിനിവേശത്തിന് കുറഞ്ഞത് 30,000 വർഷങ്ങൾ പഴക്കമുള്ളതായി തദ്ദേശീയ തെളിവുകൾ സൂചിപ്പിക്കുന്നു.[7] ആലീസ് സ്പ്രിംഗ്സിന്റെ ആദിവാസി നാമം എംപാർന്ത്വെ (Mparntwe) എന്നാണ്.[8] നിരവധി അറേൻടെ ആദിമനിവാസികൾ ആലീസ് സ്പ്രിംഗ്സിന് പുറത്തുള്ള സ്ഥലങ്ങളിലും പരിസരങ്ങളിലുമായി താമസിക്കുന്നു.
മൂന്നു പ്രധാന ആദിവാസി സമൂഹങ്ങളായ പടിഞ്ഞാറൻ, കിഴക്കൻ, മധ്യ അറേൻടെ ജനത അവരുടെ പരമ്പരാഗത ഭൂമിയായ ആലീസ് സ്പ്രിംഗ്സ്, മക്ഡൊണെൽ റേഞ്ചസ് എന്നിവിടങ്ങളിൽ താമസിക്കുന്നു. അരണ്ട, അരറന്റ, അരുന്ത (Aranda, Arrarnta, Arunta) എന്നീ അക്ഷരവ്യത്യാസങ്ങളിലും ഇവർ അറിയപ്പെടുന്നു. തെക്ക്-കിഴക്ക്, മധ്യ, വടക്കൻ, കിഴക്കൻ, വടക്ക്-കിഴക്ക് എന്നിങ്ങനെ അഞ്ചു അറേൻടെ ഭാഷകൾ നിലവിലുണ്ട്.[9]
അറെൻടെ രാജ്യം പർവതനിരകൾ, വാട്ടർഹോളുകൾ, മലയിടുക്കുകൾ തുടങ്ങി പലതരം പ്രകൃതിദത്ത ആവാസ വ്യവസ്ഥകളാൽ സമ്പന്നമാണ്. ഇത് പലതരം പ്രകൃതിദത്ത ആവാസ വ്യവസ്ഥകൾ സൃഷ്ടിക്കുന്നു. അറെൻടെയുടെ പരമ്പരാഗത കഥകൾ പ്രകാരം ആലീസ് സ്പ്രിംഗ്സിന് ചുറ്റുമുള്ള മരുഭൂമിയിൽ കാറ്റർപില്ലറുകൾ, കാട്ടുനായ്ക്കൾ, സഞ്ചരിക്കുന്ന ആൺകുട്ടികൾ, രണ്ട് സഹോദരിമാർ, യൂറോ, മറ്റ് പൂർവ്വിക വ്യക്തികൾ എന്നിവരാണ് ഈ ഭൂപ്രകൃതി രൂപപ്പെടുത്തിയത്.[8]
ആലീസ് സ്പ്രിംഗ്സിലും പരിസരത്തും പരമ്പരാഗത പ്രാധാന്യമുള്ള നിരവധി ഇടങ്ങളിൽ ആന്ത്വെർക്ക് (എമിലി ഗ്യാപ്പ്), അക്യൂലറെ (ബില്ലി ഗോട്ട് ഹിൽ), എൻടാരൈപ്പ് (ഹെവിട്രീ ഗ്യാപ്പ്), അറ്റ്നെൽകെന്റിയാർലിവേക്ക് (അൻസാക് ഹിൽ), അൽഹെകുലിയേൽ (മൗണ്ട് ഗില്ലെൻ) എന്നിവ ഉൾപ്പെടുന്നു.[8]
1861-62 ൽ ജോൺ മക്ഡോൾ സ്റ്റുവർട്ട് സെൻട്രൽ ഓസ്ട്രേലിയയിലൂടെ ഒരു പര്യവേഷണം നടത്തുകയും പിന്നീട് പടിഞ്ഞാറ് ആലീസ് സ്പ്രിംഗ്സ് ആയിത്തീരുകയും അതുവഴി ഭൂഖണ്ഡത്തിന്റെ തെക്ക് നിന്ന് വടക്കോട്ട് ഒരു മാർഗ്ഗം തെളിക്കപ്പെടുകയും ചെയ്തു.[10]
പത്ത് വർഷത്തിന് ശേഷം ഓസ്ട്രേലിയൻ ഓവർലാന്റ് ടെലിഗ്രാഫ് ലൈനിൽ (ഒടിഎൽ) ഒരു റിപ്പീറ്റർ സ്റ്റേഷൻ നിർമ്മിച്ചതോടെ വെള്ളക്കാരുടെ ഒരു കുടിയേറ്റകേന്ദ്രം സ്ഥാപിക്കപ്പെട്ടു. ഇത് അഡ്ലെയ്ഡ് മുതൽ ഡാർവിനേയും ഗ്രേറ്റ് ബ്രിട്ടനേയും ബന്ധിപ്പിച്ചു. 1872-ൽ ഒ.ടി.എൽ പൂർത്തിയായി. ഇത് സ്റ്റുവർട്ടിന്റെ പാത കണ്ടെത്തുകയും സ്ഥിര താമസത്തിനുള്ള സൗകര്യമൊരുക്കുകയും ചെയ്തു. സാധാരണ വരണ്ട ടോഡ് നദിയിലെ സ്ഥിരമായ വാട്ടർഹോളാണെന്ന് കരുതപ്പെടുന്ന സ്ഥലത്തിനടുത്താണ് ആലീസ് സ്പ്രിംഗ്സ് ടെലിഗ്രാഫ് സ്റ്റേഷൻ സ്ഥിതിചെയ്യുന്നത്.[11] സൗത്ത് ഓസ്ട്രേലിയയിലെ മുൻ പോസ്റ്റ് മാസ്റ്റർ ജനറലായ സർ ചാൾസ് ടോഡിന്റെ ഭാര്യയുടെ പേരിലാണ് ഈ സെറ്റിൽമെന്റിന് ആലീസ് സ്പ്രിംഗ്സ് എന്ന് പേരിട്ടത്. ടോഡ് നദിക്ക് സർ ചാൾസിന്റെ പേരാണ് നൽകിയിരുന്നത്.
1887-ൽ നിലവിലെ ആലീസ് സ്പ്രിംഗ്സിന് 100 കിലോമീറ്റർ (62 മൈൽ) കിഴക്കായി അൾട്ടുങ്കയിൽ നിന്ന് അല്ലുവിയൽ സ്വർണം കണ്ടെത്തുന്നതുവരെ കാര്യമായ യൂറോപ്യൻ കുടിയേറ്റം സംഭവിച്ചിരുന്നില്ല.[12]
പട്ടണത്തിന്റെ ആദ്യത്തെ ഗണ്യമായ കെട്ടിടം പാർസൺ സ്ട്രീറ്റിൽ 1909-ൽ നിർമ്മിച്ച സ്റ്റുവർട്ട് ടൗൺ ഗാവോൾ ആയിരുന്നു. 1909 ൽ 20 ൽ താഴെ യൂറോപ്യൻ ജനസംഖ്യയുള്ള പട്ടണത്തിലാണ് ഇത് നിർമ്മിച്ചത്. ഗാവോളിന്റെ ആദ്യ തടവുകാരിൽ പലരും കന്നുകാലികളെ കൊന്നതിന് തടവിലാക്കപ്പെട്ട ആദിവാസി പുരുഷന്മാരായിരുന്നു.[13] 1921-ൽ ഫ്രാൻസിസ് സ്റ്റുവാർട്ട് ബ്രിഗ്സ് എന്ന പൈലറ്റ് പറത്തിയ വിമാനമാണ് ആദ്യമായി ഇവിടെ വന്നിറങ്ങിയത്.[14] 1926-ൽ സെൻട്രൽ ഓസ്ട്രേലിയയിലെ ആദ്യത്തെ ആശുപത്രിയായ അഡ്ലെയ്ഡ് ഹൗസ്, നഗരത്തിലെ യൂറോപ്യൻ ജനസംഖ്യ 40 ആയിരുന്നപ്പോൾ നിർമ്മിക്കപ്പെട്ടു. 1929-ൽ ആലീസിലേക്കുള്ള ട്രെയിൻ പാത നിർമ്മിക്കപ്പെട്ടതോടെ പട്ടണത്തിലെ യൂറോപ്യൻ ജനസംഖ്യ വളരാൻ തുടങ്ങി. 1930-കളുടെ പകുതി വരെ ആദിവാസി സെൻട്രേലിയൻസിന്റെ ജനസംഖ്യ യൂറോപ്യൻ സെൻട്രേലിയൻസിനേക്കാൾ കവിഞ്ഞിരുന്നു.[15] 1926 മുതൽ 1931 വരെ ടെറിട്ടറി ഓഫ് സെൻട്രൽ ഓസ്ട്രേലിയൻ സർക്കാരിന്റെ കേന്ദ്രമായിരുന്നു ആലീസ് സ്പ്രിംഗ്സ്.[16][17] 1933 ഓഗസ്റ്റ് 31 വരെ ഈ നഗരം സ്റ്റുവർട്ട് എന്നാണ് അറിയപ്പെട്ടിരുന്നത്.[18]
ബ്രിട്ടീഷ്-ഓസ്ട്രേലിയൻ ഗതാഗതത്തിന്റെ ആദിമ സമ്പ്രദായം ഒട്ടക ട്രെയിനുകളായിരുന്നു. അന്നത്തെ ബ്രിട്ടീഷ് ഇന്ത്യയുടെ (ഇന്നത്തെ പാകിസ്താൻ) വടക്കുപടിഞ്ഞാറൻ അതിർത്തിയിലെ പത്താൻ ഗോത്രങ്ങളിൽ നിന്നുള്ള കുടിയേറ്റക്കാരായിരുന്നു ഇതിന്റെ നടത്തിപ്പുകാർ. ഹെർഗോട്ട് സ്പ്രിംഗ്സ് ആസ്ഥാനമായിരുന്ന ഇവർ പ്രാദേശികമായി അറിയപ്പെടുന്നത് അഫ്ഗാൻ കാമലിയേഴ്സ് എന്നും ഇപ്പോൾ അറിയപ്പെടുന്നതുപോലെ മാരി എന്നുമായിരുന്നു. 1929-ൽ റെയിൽവേ സൗകര്യം പട്ടണത്തിലെത്തിയപ്പോൾ നിരവധി കാമലിയേഴ്സ് ആലീസ് സ്പ്രിംഗ്സിലേക്ക് മാറി. ഇവർ റെയിൽഹെഡ്ഡിൽ നിന്നും സ്റ്റേഷനുകളിലേക്കും വടക്കൻ പ്രദേശങ്ങളിലേക്കും സാധനങ്ങൾ എത്തിച്ചിരുന്നു. ഇപ്പോൾ ടൗൺ കൗൺസിൽ പ്രവർത്തിക്കുന്ന ബ്ലോക്കിലാണ് അവർ താമസിച്ചിരുന്നത്. രണ്ടാംലോക മഹായുദ്ധം പൊട്ടിപ്പുറപ്പെടുന്നതുവരെ ആലീസ് സ്പ്രിംഗ്സിന്റെ സമ്പദ്വ്യവസ്ഥ സ്വർണ്ണഖനിയിലധിഷ്ഠിതമായിരുന്നു.[15]
അഡ്ലെയ്ഡിൽ നിന്ന് 2004 ഫെബ്രുവരി 4 ന് ആദ്യത്തെ പാസഞ്ചർ ട്രെയിൻ ഡാർവിനിലെത്തിയപ്പോൾ ആലീസ് സ്പ്രിംഗ്സ് റെയിൽ മാർഗ്ഗം ഡാർവിനുമായി ബന്ധിപ്പിച്ചു.
രണ്ടാം ലോക മഹായുദ്ധം ആലീസ് സ്പ്രിംഗ്സിൽ കാര്യമായ മാറ്റങ്ങൾ വരുത്തി.[19] യുദ്ധത്തിനുമുമ്പ് 500-ൽ താഴെ ആളുകളുടെ ഒറ്റപ്പെട്ട വാസസ്ഥലമായിരുന്നു ആലീസ് സ്പ്രിങ്സ്. എങ്കിലും യുദ്ധസമയത്ത് നഗരം വളരെ സജീവമായ ഒരു സൈനിക താവളമായിരുന്നു. ഇവിടം നമ്പർ 9 ഓസ്ട്രേലിയൻ സ്റ്റേജിംഗ് ക്യാമ്പ് എന്നറിയപ്പെടുന്നു. ഡാർവിനിലേക്കുള്ള നാല് ദിവസത്തെ നീണ്ട യാത്രയ്ക്കിടെയുള്ള ഒരു പ്രധാന താവളമായിരുന്നു ഇത്. ആലീസ് സ്പ്രിംഗ്സിലെ റെയിൽവേ സ്റ്റേഷൻ സൈനിക നടപടികളിലൂടെ ഏറ്റെടുക്കുകയും അവിടെ നിയോഗിച്ച സൈനികരുടെ എണ്ണം അതിവേഗം വർദ്ധിക്കുകയും ചെയ്തു. ജപ്പാനീസ് സേന ഡാർവിനെ ഭീഷണിപ്പെടുത്തിയപ്പോൾ നോർത്തേൺ ടെറിട്ടറിയുടെ തലസ്ഥാനത്തേക്കുള്ള ഗതാഗത മാർഗ്ഗവും വിതരണത്തിനുള്ളതുമായ കടൽ മാർഗങ്ങളും അടച്ചു. ഡാർവിന്റെ കുടിയൊഴിപ്പിക്കലിൽ ധാരാളം പട്ടാളക്കാരെയും തിരഞ്ഞെടുക്കപ്പെട്ട ഉദ്യോഗസ്ഥരെയും ടെറിട്ടറി സർക്കാറിന്റെ രേഖകളും ഉൾപ്പെടെ കൊണ്ടുവന്നു. ആലീസ് സ്പ്രിംഗ്സ് നോർത്തേൺ ടെറിട്ടറിയുടെ യുദ്ധകാല സിവിലിയൻ തലസ്ഥാനമായി. ഡാർവിനിൽ ജാപ്പനീസ് വ്യോമസേന ബോംബെറിഞ്ഞപ്പോൾ ധാരാളം സൈനികരും അവരുടെ ഭാരിച്ച ഉപകരണങ്ങളും അതിവേഗം ആലീസ് സ്പ്രിംഗ്സിലേക്ക് മാറ്റി.[20]
ആലീസ് സ്പ്രിംഗ്സിൽ പോസ്റ്റുചെയ്ത സൈനികരുടെ എണ്ണം ഏകദേശം 8,000 ആയി ഉയർന്നു. കൂടാതെ അതിലൂടെ കടന്നുപോകുന്ന ഉദ്യോഗസ്ഥരുടെ എണ്ണം 200,000 ത്തോളം ആയിരുന്നു.[21] യുദ്ധം അവസാനിച്ചതോടെ സൈനിക ക്യാമ്പുകളും കുടിയൊഴിപ്പിക്കപ്പെട്ടവരും പുറപ്പെട്ടതോടെ ആലീസ് സ്പ്രിംഗ്സിന്റെ ജനസംഖ്യ അതിവേഗം കുറഞ്ഞു വന്നു. അമേരിക്കൻ ജനറൽ ഡഗ്ലസ് മക്അർതർ ഉൾപ്പെടെ 200,000 ആളുകൾ സന്ദർശിച്ചതോടെ ആലീസ് സ്പ്രിംഗ്സ് ഗണ്യമായ പ്രശസ്തി നേടിയെടുക്കുകയും യുദ്ധം മൂലം നിരവധി ഘടനകങ്ങൾ അവശേഷിക്കുകയും ചെയ്തു. ക്യാമ്പിന്റെ വിനോദത്തിനായി സൃഷ്ടിച്ച ചരിത്രപരമായി വിശേഷിപ്പിക്കുന്ന ടോട്ടം തിയേറ്റർ ഇന്നും നിലനിൽക്കുന്നു. ഓസ്ട്രേലിയൻ ആർമി 109-ാമത് ഓസ്ട്രേലിയൻ ജനറൽ ആശുപത്രി ആലീസ് സ്പ്രിംഗ്സിൽ സ്ഥാപിച്ചു. റോയൽ ഓസ്ട്രേലിയൻ വ്യോമസേനയാണ് സെവൻ മൈൽ എയറോഡ്രോം നിർമ്മിച്ചത്. യുദ്ധവുമായി ബന്ധപ്പെട്ട പ്രവർത്തനങ്ങൾക്ക് ആലീസ് സ്പ്രിംഗ്സിനും ലാറിമയ്ക്കും ഇടയിലുള്ള റോഡ് സീലിങ് ചെയ്യുകയും ആലീസ് സ്പ്രിംഗ്സിന്റെ ജലവിതരണം വിപുലീകരിക്കൽ, റെയിൽഹെഡ് മെച്ചപ്പെടുത്തൽ എന്നിവ ആവശ്യമായിരുന്നു. യുദ്ധവുമായി ബന്ധപ്പെട്ട പ്രവർത്തനങ്ങൾ ആയിരക്കണക്കിന് അധിക സൈനിക ഉപകരണങ്ങളും വാഹനങ്ങളും അവശേഷിക്കുകയും ആലീസ് സ്പ്രിംഗ്സിന്റെ ജനസംഖ്യയിൽ ഗണ്യമായ വർദ്ധനവ് കാണിക്കുകയും ചെയ്തു.[21][22]
രണ്ടാം ലോകമഹായുദ്ധസമയത്ത് 1942 മെയ് 20-ന് പൂർത്തീകരിച്ച് 1944 നവംബറിൽ അടച്ച RAAF നമ്പർ 24 ഇൻലന്റ് എയർക്രാഫ്റ്റ് ഫ്യുവൽ ഡിപ്പോയുടെ (IAFD) സ്ഥലമായിരുന്നു ആലീസ് സ്പ്രിംഗ്സ്. ഓരോന്നും സാധാരണയായി നാല് ടാങ്കുകൾ അടങ്ങിയതാണ്. 31 ഇന്ധന ഡിപ്പോകൾ ഓസ്ട്രേലിയയിലുടനീളം നിർമ്മിച്ചു. അതിലൂടെ മൊത്തം 1,800,000 ഡോളർ മുടക്കിൽ RAAF നും യുഎസ് ആർമി എയർഫോഴ്സിനും വിമാന ഇന്ധനം സംഭരിക്കുകയും വിതരണം ചെയ്യുകയും ചെയ്തു.[23]
1960 കളിൽ യുഎസ് / ഓസ്ട്രേലിയൻ പൈൻ ഗ്യാപ്പ് സംയുക്ത പ്രതിരോധ ഉപഗ്രഹ നിരീക്ഷണ കേന്ദ്രം വികസിപ്പിച്ചെടുത്ത ആലീസ് സ്പ്രിംഗ്സ് ഒരു പ്രധാന പ്രതിരോധ സ്ഥലമായി മാറി. ഇപ്പോൾ ഇവിടെ ഇരു രാജ്യങ്ങളിലെയും 700 ഓളം തൊഴിലാളികൾ ഇവിടെ താമസിക്കുന്നു.
സമീപകാലത്തെ പ്രധാന വ്യവസായം ടൂറിസമാണ്. അഡ്ലെയ്ഡ്-ഡാർവിൻ റെയിൽവേയുടെ മധ്യഭാഗത്താണ് ആലീസ് സ്പ്രിംഗ്സ് സ്ഥിതി ചെയ്യുന്നത്.[24] ഭൂഖണ്ഡത്തിന്റെ ഏതാണ്ട് കൃത്യം മധ്യത്തിലാണ് ആലീസ് സ്പ്രിംഗ്സ്. അടുത്തുള്ള സമുദ്രത്തിൽ നിന്ന് 1,200 കിലോമീറ്ററും (750 മൈൽ) പ്രധാന നഗരങ്ങളായ ഡാർവിൻ, അഡ്ലെയ്ഡ് എന്നിവിടങ്ങളിൽ നിന്ന് 1,500 കിലോമീറ്ററും (930 മൈൽ) ആണ് ഇവിടേക്കുള്ള ദൂരം.
ആധുനിക പട്ടണമായ ആലീസ് സ്പ്രിംഗ്സിന് യൂറോപ്യൻസിന്റെയും ആദിവാസികളുടെയും സ്വാധീനങ്ങളുണ്ട്. നഗരത്തിന്റെ കേന്ദ്രബിന്ദുവായ ടോഡ് മാൾ നിരവധി ആദിവാസി ആർട്ട് ഗാലറികളും കമ്മ്യൂണിറ്റി ഇവന്റുകളും ഉൾക്കൊള്ളുന്നു. കാമൽ കപ്പ്, ഹെൻലി-ഓൺ-ടോഡ് റെഗറ്റ, ബിയാനി ഫെസ്റ്റിവൽ, ടാറ്റ്സ് ഫിങ്കെ ഡെസേർട്ട് റേസ് തുടങ്ങി നിരവധി സവിശേഷ സംഭവങ്ങൾക്ക് ആലീസ് സ്പ്രിംഗ്സിന്റെ മരുഭൂമി ജീവിതശൈലി പ്രചോദനമായി മാറി.
ഓവർലാന്റ് ടെലിഗ്രാഫ് സ്റ്റേഷൻ, ഓൾഡ് കോർട്ട്ഹൗസ് ആന്റ് റെസിഡൻസി, ഹാർട്ലി സ്ട്രീറ്റ് സ്കൂൾ എന്നിവ ഉൾപ്പെടെ നിരവധി ചരിത്രപരമായ കെട്ടിടങ്ങൾ ആലീസ് സ്പ്രിംഗ്സിലുണ്ട്. മധ്യ ഓസ്ട്രേലിയയിലെ ആദ്യത്തെ മെഡിക്കൽ സൗകര്യമായിരുന്നു അഡ്ലെയ്ഡ് ഹൗസ് (In front of you). 1926-ൽ രണ്ട് നഴ്സുമാരുമായി ഇത് പ്രവർത്തനം ആരംഭിച്ചു. റവ. ജോൺ ഫ്ലിൻ ഒരു പ്രത്യേക തണുപ്പിക്കൽ സംവിധാനം ഉപയോഗിച്ച് ഈ കെട്ടിടം രൂപകല്പന ചെയ്തു. ജോൺ ഫ്ലിൻ മെമ്മോറിയൽ ചർച്ച് ഇതിന്റെ ഇടതുവശത്തായി സ്ഥിതി ചെയ്യുന്നു.[25] ആൽഫ് ട്രെയ്ഗർ നടത്തിയ ലോകത്തിലെ ആദ്യത്തെ വിജയകരമായ പോർട്ടബിൾ വയർലെസ് റേഡിയോ പരീക്ഷണം ഇവിടെയാണ് നടന്നത്. ഇന്ന് ഇതൊരു മ്യൂസിയമായി സംരക്ഷിക്കുന്നു. നഗരത്തിനു ചുറ്റുമുള്ള പ്രധാന വിനോദസഞ്ചാര കേന്ദ്രവും സേവന കേന്ദ്രവുമാണിത്.[26]
നിരവധി വലിയ ഹോട്ടലുകൾ, ലോകോത്തര കൺവെൻഷൻ സെന്റർ, സന്ദർശക സ്ഥലങ്ങൾ, റെസ്റ്റോറന്റുകൾ, മറ്റ് സേവനങ്ങൾ എന്നിവ ഉൾക്കൊള്ളുന്ന ഒരു വലിയ പട്ടണമാണ് ആലീസ് സ്പ്രിങ്സ്.
ആലിസ് സ്പ്രിങ്ങിനു ചുറ്റുമുള്ള വരണ്ടതും പൊക്കം കുറഞ്ഞ പുല്ലുകൾ നിറഞ്ഞതുമായ പ്രദേശം സെൻട്രൽ റേഞ്ചസ് സെറിക് സ്ക്രബ് ഏരിയയുടെ ഭാഗമാണ്. കൂടാതെ മക്ഡോണൽ റെയിഞ്ചും ആലിസ് സ്പ്രിങിൽ ഉൾപ്പെടുന്നു. നഗരത്തിന്റെ കിഴക്കും പടിഞ്ഞാറും ഓർമിസ്റ്റൺ ഗോർഗ്, ഓർമിസ്റ്റൺ ഗോർഗ് ക്രീക്ക്, റെഡ് ബാങ്ക് ഗോർഗ്, ഗ്ലെൻ ഹെലൻ ഗോർഗ് തുടങ്ങിയ മലയിടുക്കുകളിൽ നീന്തൽ സൗകര്യങ്ങളും നടപ്പാതകളും നിരവധി ഉണ്ട്. ലാറപിന്റ ട്രെയിൽ 223 കിലോമീറ്റർ നീളത്തിൽ മക്ഡോണൽ റെയിഞ്ചിന്റെ ഭാഗമായി നിലനിൽക്കുന്നു. ഇവിടെയുള്ള സഞ്ചാരം ഒരു മികച്ച നടപ്പനുഭവമാണ്.
ആലീസ് സ്പ്രിംഗ്സിന്റെ തെക്കുകിഴക്കായി സ്ഥിതി ചെയ്യുന്ന സിംസൺ മരുഭൂമി പാറക്കെട്ടുകളും ചുവന്ന മണൽത്തീരങ്ങളും നിറഞ്ഞതാണ്. ചേമ്പേഴ്സ് പില്ലർ, റെയിൻബോ വാലി തുടങ്ങിയ രസകരമായ പാറക്കെട്ടുകളും ഉൾക്കൊള്ളുന്ന ഇവിടം ഓസ്ട്രേലിയയിലെ വലിയ മരുഭൂമി പ്രദേശങ്ങളിലൊന്നാണ്.
കോപ്പൻ കാലാവസ്ഥാ വിഭാഗീകരണ രീതി അനുസരിച്ച് ആലീസ് സ്പ്രിംഗ്സിന് ചൂടുള്ള മരുഭൂമിയിലെ കാലാവസ്ഥയുണ്ട്.[27][28] തന്മൂലം വളരെ ചൂടുള്ളതും വരണ്ടതുമായ വേനൽക്കാലവും നേരിയ ശൈത്യകാലവുമാണുള്ളത്. സെൻട്രൽ ഓസ്ട്രേലിയയിലാണ് ആലീസ് സ്പ്രിംഗ്സ് സ്ഥിതിചെയ്യുന്നത്. റെഡ് സെന്റർ എന്നും ഇതിനെ വിളിക്കുന്നു. വിവിധ മരുഭൂമികൾ അടങ്ങിയ വരണ്ട അന്തരീക്ഷമാണുള്ളത്. ട്രോപിക് ഓഫ് കാപ്രിക്കോണിന് തൊട്ട് തെക്കായാണ് ആലിസ് സ്പ്രിങ്സ് സ്ഥിതിചെയ്യുന്നത്. മക്ഡൊണെൽ പർവതനിരകളുടെ വടക്കുവശത്തായാണ് ടോഡ് നദി. ശരാശരി വാർഷിക മഴ 285.9 മില്ലിമീറ്ററാണ്. ഇതുമൂലം ഉയർന്ന ബാഷ്പപ്രവാഹവും വരണ്ട മരുഭൂമിയിലെ കാലാവസ്ഥയ്ക്കും കാരണമാകുന്നു.[29]
ആലിസ് സ്പ്രിങ്സ് (ആലിസ് സ്പ്രിങ്സ് വിമാനത്താവളം 1940–2019) പ്രദേശത്തെ കാലാവസ്ഥ | |||||||||||||
---|---|---|---|---|---|---|---|---|---|---|---|---|---|
മാസം | ജനു | ഫെബ്രു | മാർ | ഏപ്രി | മേയ് | ജൂൺ | ജൂലൈ | ഓഗ | സെപ് | ഒക് | നവം | ഡിസം | വർഷം |
റെക്കോർഡ് കൂടിയ °C (°F) | 45.6 (114.1) |
44.7 (112.5) |
42.7 (108.9) |
39.9 (103.8) |
35.0 (95) |
31.6 (88.9) |
31.6 (88.9) |
35.2 (95.4) |
38.8 (101.8) |
42.6 (108.7) |
44.9 (112.8) |
45.6 (114.1) |
45.6 (114.1) |
ശരാശരി കൂടിയ °C (°F) | 36.4 (97.5) |
35.2 (95.4) |
32.8 (91) |
28.4 (83.1) |
23.1 (73.6) |
19.9 (67.8) |
19.8 (67.6) |
22.7 (72.9) |
27.3 (81.1) |
31.1 (88) |
33.7 (92.7) |
35.4 (95.7) |
28.8 (83.8) |
ശരാശരി താഴ്ന്ന °C (°F) | 21.5 (70.7) |
20.7 (69.3) |
17.6 (63.7) |
12.6 (54.7) |
8.2 (46.8) |
5.0 (41) |
4.0 (39.2) |
6.0 (42.8) |
10.3 (50.5) |
14.8 (58.6) |
17.9 (64.2) |
20.3 (68.5) |
13.2 (55.8) |
താഴ്ന്ന റെക്കോർഡ് °C (°F) | 10.0 (50) |
8.5 (47.3) |
6.1 (43) |
1.4 (34.5) |
−2.7 (27.1) |
−6.0 (21.2) |
−7.5 (18.5) |
−4.1 (24.6) |
−1.0 (30.2) |
1.3 (34.3) |
3.5 (38.3) |
9.3 (48.7) |
−7.5 (18.5) |
വർഷപാതം mm (inches) | 40.6 (1.598) |
41.7 (1.642) |
30.9 (1.217) |
16.5 (0.65) |
18.5 (0.728) |
13.2 (0.52) |
14.9 (0.587) |
8.7 (0.343) |
8.5 (0.335) |
20.2 (0.795) |
28.9 (1.138) |
38.2 (1.504) |
279.7 (11.012) |
ശരാ. മഴ ദിവസങ്ങൾ | 4.9 | 4.6 | 3.2 | 2.1 | 2.9 | 2.7 | 2.6 | 1.9 | 2.3 | 4.4 | 5.6 | 6.0 | 43.2 |
മാസം സൂര്യപ്രകാശം ലഭിക്കുന്ന ശരാശരി മണിക്കൂറുകൾ | 306.0 | 276.8 | 300.7 | 285.0 | 263.5 | 252.0 | 282.1 | 306.9 | 300.0 | 313.1 | 303.0 | 310.0 | 3,499.1 |
ഉറവിടം: ഓസ്ട്രേലിയൻ ബ്യൂറോ ഓഫ് മെറ്റീരോളജി[30] |
2016-ലെ ജനസംഖ്യാ കണക്കെടുപ്പ് പ്രകാരം ആലീസ് സ്പ്രിംഗ്സ് നഗരപരിധിയിൽ 23,726 പേർ ഉണ്ടായിരുന്നു.
2013 മുതൽ ആലീസ് സ്പ്രിംഗ്സിന്റെ ജനസംഖ്യ കുറഞ്ഞു.[31] 27,972 എന്ന 2015 ജൂണിലെ ജനസംഖ്യാ കണക്ക് 2014-ലെ കണക്കിൽ നിന്നും 1% കുറവാണ്.[31] ആലീസ് സ്പ്രിംഗ്സിന്റെ ജനസംഖ്യയുടെ 75% ഓസ്ട്രേലിയയിലാണ് ജനിച്ചതെങ്കിലും, 2006 ലെ സെൻസസ് പ്രകാരം കുടിയേറ്റക്കാരുടെ ജനന സ്ഥലങ്ങൾ യുണൈറ്റഡ് കിംഗ്ഡം (3%), യുണൈറ്റഡ് സ്റ്റേറ്റ്സ് ഓഫ് അമേരിക്ക (3%), ന്യൂസിലാന്റ് (2%), ഫിലിപ്പീൻസ് (1%) എന്നിങ്ങനെയായിരുന്നു.[32] 2006-ൽ ആലീസ് സ്പ്രിംഗ്സിലെ ഏറ്റവും വലിയ വംശപരമ്പര ഗ്രൂപ്പുകൾ ഓസ്ട്രേലിയൻ (9,814 അല്ലെങ്കിൽ 31%), ഇംഗ്ലീഷ് (6,970 അല്ലെങ്കിൽ 22%), ഐറിഷ് (2,217 അല്ലെങ്കിൽ 7%), സ്കോട്ടിഷ് (1,825 അല്ലെങ്കിൽ 7%), ഓസ്ട്രേലിയൻ ആദിവാസി (1,790 അല്ലെങ്കിൽ 6 %), ജർമ്മൻ (1,502 അല്ലെങ്കിൽ 5%), ഇറ്റാലിയൻ (529 അല്ലെങ്കിൽ 2%) എങ്ങിങ്ങനെയാണ്.[33] ഇംഗ്ലിഷ് കൂടാതെ ആലിസ് സ്പ്രിങ്സിൽ പ്രധാനമായി അരറെന്റെ, വാൾപിരി, ലുരിറ്റ്ജ, പിറ്റ്ജന്ത്ജത്ജാര, ഇറ്റാലിയൻ എന്നീ ഭാഷകൾ സംസാരിക്കുന്നു.[32]
2006-ലെ സെൻസസ് അനുസരിച്ച് ആലീസ് സ്പ്രിംഗ്സിന്റെ ജനസംഖ്യയുടെ ഏകദേശം 19% ആദിമ ഓസ്ട്രേലിയക്കാരാണ്[32]. നോർത്തേൺ ടെറിട്ടറിയുടെ 28%[34] ആലീസ് സ്പ്രിംഗ്സിന്റെ സെൻസസ് കണക്ക് കുറച്ചുകാണാൻ സാധ്യതയുണ്ട്.[35]
ആലീസ് സ്പ്രിങ്സ് സെൻട്രൽ ഓസ്ട്രേലിയയുടെ പ്രാദേശിക കേന്ദ്രമായതിനാൽ ആ പ്രദേശത്തിന്റെ വിവിധ ഭാഗങ്ങളിൽ നിന്നും അതിനുമപ്പുറത്തും നിന്നുമുള്ള ആദിവാസികളെ ഇത് ആകർഷിക്കുന്നു. നഗരത്തിലെ സേവനങ്ങൾ ഉപയോഗിക്കാൻ നിരവധി ആദിവാസി ആളുകൾ പതിവായി സന്ദർശിക്കാറുണ്ട്. ആദിവാസി നിവാസികൾ സാധാരണയായി പ്രാന്തപ്രദേശങ്ങളിലും പ്രത്യേക ആവശ്യത്തിനുള്ള പാട്ടത്തിനെടുത്ത സ്ഥലങ്ങളിലും (അല്ലെങ്കിൽ ടൗൺ ക്യാമ്പുകളിൽ) കൂടാതെ തെക്ക് അമോംഗുനയിലും ചുറ്റുമുള്ള പ്രദേശങ്ങളിലെ ആദിവാസി ദേശങ്ങളിൽ ചെറിയ കുടുംബങ്ങളായും താമസിക്കുന്നു.
ആലീസ് സ്പ്രിംഗ്സ് പ്രദേശത്തിന്റെ പരമ്പരാഗത ഉടമകൾ സെൻട്രൽ അറെൻടെ ജനതയാണ്.[36] മധ്യ ഓസ്ട്രേലിയയിലെ ഏറ്റവും വലിയ പട്ടണമായതിനാൽ ഇവിടെ വാൾപിരി, വാരുമുങ്കു, കെയ്റ്റെറ്റി, അലിവാരെ, ലുരിറ്റ്ജ, പിന്റുപ്പി, പിറ്റ്ജന്ത്ജത്ജാര, യാങ്കുനിറ്റ്ജത്ജാര, നാഗന്യാറ്റ്ജറ, പെർടേം, ഈസ്റ്റേൺ, വെസ്റ്റേൺ അറെൻടെ എന്നീ ഭാഷകൾ സംസാരിക്കുന്നവരുണ്ട്.[37]
1954-ൽ യുണൈറ്റഡ് സ്റ്റേറ്റ്സ് എയർഫോഴ്സ് ഡിറ്റാച്ച്മെന്റ്-421 സ്ഥാപിതമായതു മുതൽ അമേരിക്കക്കാർ തുടർച്ചയായി ആലീസ് സ്പ്രിംഗ്സിൽ താമസിക്കുന്നു. അമേരിക്കൻ-ഓസ്ട്രേലിയൻ സംയുക്ത പദ്ധതിയായ ജോയിന്റ് ജിയോളജിക്കൽ ആൻഡ് ജിയോഗ്രാഫിക്കൽ റിസർച്ച് സ്റ്റേഷൻ (ജെജിജിആർഎസ്) ഷ്വാർസ് ക്രസന്റിൽ സ്ഥിതി ചെയ്യുന്നു. പ്രാദേശികമായി "ഡെറ്റ് 421" അഥവാ "ദി ഡെറ്റ്" എന്നറിയപ്പെടുന്ന ഈ യൂണിറ്റ് 25 ഓളം അമേരിക്കൻ കുടുംബങ്ങളെ ആലീസ് സ്പ്രിംഗ്സിൽ താൽക്കാലിക താമസക്കാരായി താമസിക്കാൻ സ്പോൺസർ ചെയ്തിട്ടുണ്ട്.[38]
പ്രദേശവുമായുള്ള ദീർഘകാല സുഹൃദ്ബന്ധം പ്രതിഫലിപ്പിക്കുന്നതിനായി 1995 ജൂലൈ 1ന് ആലീസ് സ്പ്രിംഗ്സ് ടൗൺ കൗൺസിൽ ഡിറ്റാച്ച്മെന്റ് 421 മൂലം ആലീസ് സ്പ്രിംഗ്സിലേക്ക് പ്രവേശിക്കാനുള്ള സ്വാതന്ത്ര്യം നൽകി.[39] ഓസ്ട്രേലിയൻ-യുഎസ് സംയുക്ത സാറ്റലൈറ്റ് ട്രാക്കിംഗ് സ്റ്റേഷനായ പൈൻ ഗ്യാപ്പ് ഇവിടെ നിന്നും 19 കിലോമീറ്റർ അകലെ സ്ഥിതി ചെയ്യുന്നു. ഇവിടെ നിരവധി അമേരിക്കക്കാരും ഓസ്ട്രേലിയക്കാരും ജോലി ചെയ്യുന്നു. 1970-കളുടെ തുടക്കം മുതൽ ആലീസ് സ്പ്രിംഗ്സിലെ അമേരിക്കൻ ജനസംഖ്യയുടെ ഭൂരിഭാഗവും പൈൻ ഗ്യാപ്പുമായി ബന്ധപ്പെട്ടിരുന്നു. 700 ഓളം പേർ ഇവിടെ ജോലി ചെയ്യുന്നു.
നിലവിൽ ആലീസ് സ്പ്രിംഗ്സിലെ 2,000 താമസക്കാർക്ക് അമേരിക്കൻ പൗരത്വം ഉണ്ട്. അമേരിക്കൻ സ്വാതന്ത്ര്യദിനം, താങ്ക്സ്ഗിവിങ് തുടങ്ങിയതുൾപ്പടെ അമേരിക്കൻ പൊതു അവധിദിനങ്ങൾ ഓസ്ട്രേലിയക്കാർ ചേർന്ന് ആഘോഷിക്കുന്നു. ആലീസ് സ്പ്രിംഗ്സിലെ അമേരിക്കക്കാർ ബേസ്ബോൾ, ബാസ്കറ്റ് ബോൾ, സോക്കർ മത്സരങ്ങൾ ഉൾപ്പെടെ വിവിധ അസോസിയേഷനുകളിലും കായിക ടീമുകളിലും പങ്കെടുക്കുന്നു.[40]
വിയറ്റ്നാമീസ്, ചൈനീസ്, തായ്, ഇന്ത്യൻ വംശീയ വിഭാഗങ്ങൾ ഉൾപ്പെടെ മറ്റ് വിദേശ സംസ്കാരങ്ങളിലെ നിരവധി ചെറുകിട കുടിയേറ്റ സമൂഹങ്ങൾ ആലീസ് സ്പ്രിംഗ്സിൽ താമസിക്കുന്നു. ചെറുതും ഒറ്റപ്പെട്ടതുമായ ഇത്തരം ഒരു പട്ടണത്തിൽ അവരുടെ സാന്നിധ്യത്തിന്റെ ഏറ്റവും വ്യക്തമായ സ്വാധീനം അവരുടേതായ പരമ്പരാഗത ഭക്ഷണവിഭവങ്ങൾ വിളമ്പുന്ന വിവിധ ഭക്ഷണശാലകൾ തുറക്കുന്നു എന്നതാണ്.
ആലീസ് സ്പ്രിംഗ്സിൽ സഞ്ചാരികളുൾ വളരെയധികം എത്തിച്ചേരുന്നു. വിദേശസഞ്ചാരികൾ, ഓസ്ട്രേലിയൻ വിനോദസഞ്ചാരികൾ, അടുത്തുള്ള മധ്യ ഓസ്ട്രേലിയൻ കമ്മ്യൂണിറ്റികളിൽ നിന്ന് സന്ദർശിക്കുന്ന ആദിവാസി ഓസ്ട്രേലിയക്കാർ, ഹ്രസ്വകാല കരാറുകളിൽ എത്തുന്ന ഓസ്ട്രേലിയക്കാരോ അഥവാ അന്തർദ്ദേശീയ തൊഴിലാളികളോ ആണ് പൊതുവെ ഇവിടെ സഞ്ചാരികളായി വരുന്നത്. തൊഴിലാളികളെ പട്ടണത്തിലേക്ക് എത്തിക്കുന്ന പ്രധാന തൊഴിൽ സ്രോതസ്സ് ഖനികളാണ്. വിദേശ സഞ്ചാരികൾ സാധാരണയായി ഉളുരു-കാറ്റാ ജുട്ട ദേശീയോദ്യാനത്തിലേക്കുള്ള യാത്രയിൽ ഇതിലൂടെ കടന്നുപോകുന്നു. അതേസമയം ഓസ്ട്രേലിയൻ വിനോദസഞ്ചാരികൾ മാസ്റ്റേഴ്സ് ഗെയിംസ്, ഫിങ്കെ ഡെസേർട്ട് റേസ് എന്നിവ പോലുള്ള പരിപാടികളുടെ ഭാഗമായാണ് സാധാരണയായി ഇവിടെ എത്തുന്നത്. തന്മൂലം നഗരത്തിലെ ജനസംഖ്യ ദിവസങ്ങൾക്കുള്ളിൽ ആയിരക്കണക്കിന് എന്ന രീതിയിൽ മാറ്റങ്ങൾ ഉണ്ടാക്കുന്നു.[41]
ആലീസ് സ്പ്രിംഗ്സ് കൗൺസിൽ ആലീസ് സ്പ്രിംഗ്സ് മേഖലയെയും അതിന്റെ പ്രാന്തപ്രദേശങ്ങളെയും ചില ഗ്രാമപ്രദേശങ്ങളെയും നിയന്ത്രിക്കുന്നു. ആലീസ് സ്പ്രിംഗ്സ് ടൗൺ കൌൺസിൽ 1971 മുതൽ ആലീസ് സ്പ്രിംഗ്സ് ഭരിക്കുന്നു.[42] ഈ നഗരത്തെ വാർഡുകളായി വിഭജിച്ചിട്ടില്ല. മേയറും എട്ട് ആൾഡർമാരും ഉൾപ്പെടെ ആലീസ് സ്പ്രിംഗ്സ് കൗൺസിലിൽ ഒമ്പത് അംഗങ്ങളുണ്ട്. കൗൺസിൽ യോഗങ്ങൾ എല്ലാ മാസവും അവസാന തിങ്കളാഴ്ചയാണ് നടക്കുന്നത്. ആലീസ് സ്പ്രിംഗ്സ് റീജിയനെ ഭരിക്കുന്നത് പുതുതായി സൃഷ്ടിച്ച മക്ഡൊണെൽ റീജിയൺ ലോക്കൽ ഗവൺമെന്റ് ഏരിയയാണ്, ഇതിനായി ആലീസ് സ്പ്രിംഗ്സ് കൗൺസിൽ സീറ്റായി പ്രവർത്തിക്കുന്നു. 1971 ജൂൺ 25-നാണ് ആദ്യത്തെ കൗൺസിൽ തിരഞ്ഞെടുപ്പ് നടന്നത്. 1971 ജൂലൈ 1 ന് ആലീസ് സ്പ്രിംഗ്സ് മുനിസിപ്പാലിറ്റിയായി. കൗൺസിലിന്റെ ആദ്യ യോഗം ജൂലൈ 5-ന് നടന്നു.[42] നാലുവർഷമാണ് കൌൺസിലിന്റെ കാലാവധി.
ആലീസ് സ്പ്രിംഗ്സിനും പരിസര പ്രദേശത്തിനും നോർത്തേൺ ടെറിട്ടറി ലെജിസ്ലേറ്റീവ് അസംബ്ലിയിലേക്ക് തിരഞ്ഞെടുക്കപ്പെട്ട നാല് അംഗങ്ങളുണ്ട്. അരാലുൻ, ബ്രെയ്റ്റ്ലിംഗ് എന്നീ ഇലക്ട്രൽ ഡിവിഷനുകൾ ആലീസ് സ്പ്രിങ്സിനുള്ളിൽ സ്ഥിതി ചെയ്യുന്നു. സ്റ്റുവർട്ട്, നമത്ജിറ എന്നിവ ഗ്രാമീണമേഖലയിലാണ്. വർഷങ്ങളായി കൺട്രി ലിബറൽ പാർട്ടിയുടെ ശക്തികേന്ദ്രമായിരുന്നു ഇവിടം. വടക്കുകിഴക്കൻ ഭാഗം ലേബർ പാർട്ടിയുമായി ചായ്വ് പുലർത്തുന്നു. എങ്കിലും 2016-ലെ തിരഞ്ഞെടുപ്പിൽ നാടകീയമായി മാറ്റങ്ങൾ വന്നു. മുൻ ചീഫ് മിനിസ്റ്ററും ആലീസ് സ്പ്രിംഗ്സ് നിവാസിയുമായ ആദം ഗൈൽസിന് ലേബർ പാർട്ടിയോട് പരാജയപ്പെട്ട് ബ്രൈറ്റ്ലിംഗ് നഷ്ടപ്പെട്ടു. മുൻ സിഎൽപി അംഗം സ്വതന്ത്രനായിക്കൊണ്ട് അരാലുൻ നിലനിർത്തി. നമത്ജിറയും സ്റ്റുവർട്ടും ലേബർ പാർട്ടി നിലനിർത്തി. സിഎൽപി ആദ്യമായി ആലീസ് സ്പ്രിംഗ്സിൽ നിന്ന് പൂർണ്ണമായും പരാജയപ്പെട്ടു.
ഈ പ്രദേശത്ത് ആദ്യമായി എത്തിയ ക്ഷീര വ്യവസായത്തിന്റെ സേവന നഗരമായി ആലീസ് സ്പ്രിംഗ്സ് പ്രവർത്തിച്ചു. റെയിൽ പാത ആരംഭിച്ചതിലൂടെ സമ്പദ്വ്യവസ്ഥയിൽ ഉണർവ്വുണ്ടായി.[43] ഇന്ന് 5,46,046 ചതുരശ്ര കിലോമീറ്റർ (2,10,830 ചതുരശ്ര മൈൽ) പ്രദേശിക വിസ്തീർണ്ണമുള്ള ഇവിടെ 38,749 പ്രാദേശിക ജനസംഖ്യയുണ്ട്. ഇവിടെ നിരവധി ഖനന-ക്ഷീരവ്യവസായ സംഘങ്ങൾ, പൈൻ ഗ്യാപ്പിലെ സംയുക്ത പ്രതിരോധ ബഹിരാകാശ ഗവേഷണ സൗകര്യം, ഉലുരു-കാറ്റാ ജുറ്റ ദേശീയോദ്യാനം, വാട്ടാർക്ക ദേശീയോദ്യാനം, മക്ഡൊണെൽ റേഞ്ചുകൾ എന്നിവിടങ്ങളിലെ വിനോദ സഞ്ചാര കേന്ദ്രങ്ങൾ എന്നിവ ഉൾപ്പെടുന്നു.
നോർത്തേൺ ടെറിട്ടറി ഗവൺമെന്റാണ് ആലീസ് സ്പ്രിംഗ്സിലെ ഏറ്റവും വലിയ തൊഴിലുടമ. ഇതിൽ 8% ജോലിക്കാരും സർക്കാർ സേവനങ്ങളിലും 7% സ്കൂൾ വിദ്യാഭ്യാസത്തിലും 4% ആലീസ് സ്പ്രിംഗ്സ് ഹോസ്പിറ്റലിലും ജോലി ചെയ്യുന്നു.[32] ആലീസ് സ്പ്രിംഗ്സിന്റെ സമ്പദ്വ്യവസ്ഥ ആഭ്യന്തര, അന്തർദേശീയ വിനോദസഞ്ചാരത്തെ ആശ്രയിച്ചിരിക്കുന്നു.[32]
ടെറിട്ടറി ഡിസ്കവറീസിനൊപ്പം എല്ലാ പ്രധാന ടൂർ കമ്പനികൾക്കും ആലീസ് സ്പ്രിംഗ്സിൽ ഒരു കേന്ദ്രമുണ്ട്. അതിൽ എഎടി കിംഗ്സ് & എപിടിയും കൂടാതെ നിരവധി പ്രാദേശിക ടൂർ ഓപ്പറേറ്റർമാർ, എമു റൺ ടൂർസ്, അങ്കാനു വായ്! ടൂർസ് എന്നിവർക്കും കേന്ദ്രങ്ങളുണ്ട്. ആലീസ് വാണ്ടററും വേഔട്ട്ബാക്ക് ഡെസേർട്ട് സഫാരീസും പ്രാദേശികമായി മാത്രമുള്ള ഇക്കോടൂറിസം അംഗീകൃത ഓപ്പറേറ്റർമാരാണ്.
ആലീസ് സ്പ്രിംഗ്സിൽ നിരവധി ഹോട്ടലുകളും 4½ സ്റ്റാർ ലാസെറ്റേഴ്സ് ഹോട്ടൽ കാസിനോയും മുതൽ ബാക്ക്പാക്കർ ഹോസ്റ്റലുകൾ വരെയുള്ള നിരവധി ഹോട്ടലുകൾ പ്രവർത്തിക്കുന്നു. കൂടാതെ കാരവൻ പാർക്കുകളും ഉണ്ട്.
ഓസ്ട്രേലിയയിലെ റോയൽ ഫ്ലൈയിംഗ് ഡോക്ടർ സേവനത്തിനായി ഒരു ഡിസ്പാച്ച് സെന്റർ ഇവിടെ പ്രവർത്തിക്കുന്നു.
വിദ്യാഭ്യാസ-പരിശീലന വകുപ്പ് (ഡിഇടി) വിദ്യാഭ്യാസത്തിനായി പ്രദേശവ്യാപകമായി മേൽനോട്ടം വഹിക്കുന്നു. തദ്ദേശീയരായ വിദ്യാർത്ഥികളെയും പ്രത്യേകമായി കേന്ദ്രീകരിച്ചും മറ്റെല്ലാ വിദ്യാർത്ഥികൾക്കും വിദ്യാഭ്യാസം മെച്ചപ്പെടുത്തുന്നതിനായി ഇത് പ്രവർത്തിക്കുന്നു.[44]
ആലീസ് സ്പ്രിങ്സിൽ പത്തൊൻപത് പൊതുവിദ്യാലയങ്ങളും കൂടാതെ സ്വകാര്യ സ്കൂളുകളും തദ്ദേശിയ-വിദേശ വിദ്യാർത്ഥികൾക്കായി സേവനം നൽകുന്നു. വിദൂര പ്രദേശങ്ങളിലെ വിദ്യാർത്ഥികൾക്കായി ആലീസ് സ്പ്രിംഗ്സ് സ്കൂൾ ഓഫ് എയർ വഴി ഡിസ്റ്റൻസ് വിദ്യാഭ്യാസം നൽകുന്നു. ആലീസ് സ്പ്രിംഗ്സിൽ 3,843 പ്രൈമറി, സെക്കൻഡറി വിദ്യാർത്ഥികളെ സ്കൂളുകളിൽ ചേർത്തിട്ടുണ്ട്.[45] 2,187 കുട്ടികൾ പ്രാഥമിക വിദ്യാഭ്യാസത്തിലും 1,656 കുട്ടികൾ സെക്കൻഡറി വിദ്യാഭ്യാസത്തിലും പഠിക്കുന്നു. സർക്കാർ സ്കൂളുകളിൽ 1,932 വിദ്യാർത്ഥികളും സ്വതന്ത്ര സ്കൂളുകളിൽ 1,055 കുട്ടികളും ചേർന്നിട്ടുണ്ട്.[45]
ചാൾസ് ഡാർവിൻ സർവകലാശാലയുടെ ആലീസ് സ്പ്രിംഗ്സ് കാമ്പസ് TAFE-യും ഉന്നത വിദ്യാഭ്യാസവും നൽകുന്നു.[46] 1980-ൽ ഉചിതമായ സാങ്കേതികവിദ്യ കേന്ദ്രം സ്ഥാപിക്കുകയും അതിലൂടെ തദ്ദേശവാസികൾക്ക് അവരുടെ ജീവിതനിലവാരം ഉയർത്താൻ സഹായിക്കുകയും പ്രോത്സാഹിപ്പിക്കുകയും ചെയ്യുന്നു.
നഗരത്തിന്റെ പ്രധാന കേന്ദ്രമായ ടോഡ് മാൾ നിരവധി ആദിവാസി ആർട്ട് ഗാലറികളും കമ്മ്യൂണിറ്റി ഇവന്റുകളും ഒരുക്കുന്നു. ആലീസ് സ്പ്രിംഗ്സിലെ മരുഭൂ ജീവിതശൈലി, ആലീസ് ഡെസേർട്ട് ഫെസ്റ്റിവൽ, റെഡ് സെന്റർ NATS, പാർട്ട്ജിമ, ക്യാമൽ കപ്പ്, ഹെൻലി-ഓൺ-ടോഡ് റെഗറ്റ, ബീനി ഫെസ്റ്റിവൽ, ഫിങ്കെ ഡെസേർട്ട് റേസ് തുടങ്ങി നിരവധി സവിശേഷ സംഭവങ്ങൾക്ക് പ്രചോദനമായി. ആലീസ് സ്പ്രിംഗ്സിൽ നിന്ന് അപുതുല (ഫിങ്കെ) കമ്മ്യൂണിറ്റിയിലേക്കുള്ള ഫിങ്കെ ഡെസേർട്ട് റേസ് 460 കിലോമീറ്റർ ദൂരം ചുറ്റിക്കറങ്ങുന്നു.[47]
ആലീസ് സ്പ്രിംഗ്സ് സെൻട്രൽ ഓസ്ട്രേലിയയിലെ അബോറിജിനൽ ആർട്ട് ക്യാപിറ്റൽ എന്നറിയപ്പെടുന്നു.[48] നിരവധി പ്രാദേശിക, ആദിവാസി ആർട്ട് ഗാലറികളുടെ ആസ്ഥാനമായ ഇവിടെ തദ്ദേശീയ ഓസ്ട്രേലിയൻ കലകൾ കൂടുതൽ ആധിപത്യം പുലർത്തുന്നു. ഇവയിലൂടെ മധ്യ ഓസ്ട്രേലിയയിലെ സമൃദ്ധമായ സംസ്കാരവും സ്വദേശ പാരമ്പര്യങ്ങളും പ്രദർശിപ്പിക്കപ്പെടുന്നു. മധ്യ ഓസ്ട്രേലിയൻ ആദിവാസി വാസസ്ഥലമായ പാപ്പുന്യ സമൂഹത്തിൽ പെയിന്റിംഗ് പ്രസ്ഥാനം ആരംഭിച്ചതിനുശേഷം ആദിവാസി കല കുതിച്ചുയർന്നു. ഇത് മറ്റ് തദ്ദേശീയ സമൂഹങ്ങളെ കീഴടക്കി. എമിലി ക്ങ്വാർറെ, മിന്നി പ്വെർലെ, ക്ലിഫോർഡ് പോസ്സം ജപാൽട്ട്ജാരി, ആൽബർട്ട് നമത്ജിറ, വെൻടെൻ റൂബൻജ എന്നിവരുൾപ്പെടെയുള്ള ആദിവാസി കലാകാരന്മാൽ സെൻട്രൽ ഓസ്ട്രേലിയ പ്രശസ്തമാണ്.
മ്യൂസിയം ഓഫ് സെൻട്രൽ ഓസ്ട്രേലിയ / സ്ട്രെഹ്ലോ റിസർച്ച് സെന്റർ ഈ പ്രദേശത്തിന്റെ ചരിത്രവും സംസ്കാരവുമായി ബന്ധപ്പെടുത്തിയിരിക്കുന്ന ഏറ്റവും പ്രധാനപ്പെട്ട സ്വാഭാവികമായ ചരിത്രവും ഗ്രന്ഥശേഖരങ്ങളും അവതരിപ്പിക്കുന്നു. മധ്യ ഓസ്ട്രേലിയയിലെ അറെൻടെ ജനങ്ങളുമായി ബന്ധിപ്പിച്ചിരിക്കുന്ന വസ്തുക്കളും സ്ട്രെഹ്ലോ ശേഖരങ്ങളിൽ അടങ്ങിയിരിക്കുന്നു. അരാലുൻ സെന്റർ ഫോർ ആർട്സ് ആൻഡ് എന്റർടൈൻമെന്റ് ലോകോത്തര ബാലെകളും ഓർക്കസ്ട്രകളും പ്രാദേശിക അനുഷ്ഠാനങ്ങളും അവതരിപ്പിക്കുന്നു.[49] നാഷണൽ പയനിയർ വിമൻസ് ഹാൾ ഓഫ് ഫെയിമും ആലീസ് നഗരത്തിലുണ്ട്.[50]
പട്ടണത്തിൽ മികച്ച ചില ചെറിയ മ്യൂസിയങ്ങൾ പ്രവർത്തിക്കുന്നുണ്ട്. നോർത്ത് സ്റ്റുവർട്ട് ഹൈവേയിലെ ഓൾഡ് ടൈമേഴ്സ് ട്രേഗർ മ്യൂസിയത്തിലെ വിപുലമായ ചരിത്ര ശേഖരത്തിൽ പട്ടണത്തിന്റെ ആദ്യകാല അഫ്ഗാൻ, ജർമ്മൻ നിവാസികളിൽ നിന്നുള്ള പുരാവസ്തുക്കൾ, പരമ്പരാഗത ആദിവാസി പുരാവസ്തുക്കൾ, യൂറോപ്യൻ, ആദിവാസി സംസ്കാരങ്ങളുടെ ആദ്യകാല സംയോജനം കാണിക്കുന്ന വസ്തുക്കൾ, സ്പിനിഫെക്സ്-ഹാൻഡിൽഡ് ഗ്ലാസ്-ബ്ലേഡ് കത്തി എന്നിവ സംരക്ഷിച്ചിരിക്കുന്നു. അറെൻടെ ആർട്ടിസ്റ്റ് എർലികിലികയുടെ സോപ്പ്സ്റ്റോൺ കൊത്തുപണികൾ ഇവിടുത്തെ ശേഖരത്തിൽ ഉൾപ്പെടുത്തിയിട്ടുണ്ട്. [51]
നഗരത്തിനു സമീപത്തുള്ള മക്ഡൊണെൽ റേഞ്ചുകളിൽ കാൽനടയാത്രയും ഫിങ്കെ ഗോർഗ് നാഷണൽ പാർക്കിൽ ഫോർ വീൽ ഡ്രൈവ് ട്രാക്കുകളിലൂടെ വാഹനം ഓടിക്കലും ഔട്ട്ഡോർ വിനോദങ്ങളിൽ ഉൾപ്പെടുന്നു.
ചുറ്റുമുള്ള മരുഭൂ പരിസ്ഥിതിയുടെ നിരവധി വശങ്ങളെക്കുറിച്ച് സന്ദർശകരെ ബോധവത്കരിക്കുന്നതിനാണ് ആലീസ് സ്പ്രിംഗ്സ് ഡെസേർട്ട് പാർക്ക് നിർമ്മിച്ചത്. ഓസ്ട്രേലിയൻ അരിഡ് ലാന്റ്സ് ബൊട്ടാണിക്കൽ ഗാർഡൻ, ഒലിവ് പിങ്ക് ബൊട്ടാണിക് ഗാർഡൻ എന്നിവ നഗര കേന്ദ്രത്തിൽ നിന്ന് അകലെയാണ് സ്ഥിതി ചെയ്യുന്നത്. 30 വർഷത്തോളം പട്ടണത്തിൽ താമസിക്കുകയും 1975-ൽ മരണമടയുകയും ചെയ്ത നരവംശശാസ്ത്രജ്ഞൻ, പ്രകൃതിശാസ്ത്രജ്ഞൻ, കലാകാരൻ എന്നിങ്ങനെ വിവിധ തലങ്ങളിൽ അറിയപ്പെട്ടിരുന്ന ഒലിവ് പിങ്കിന്റെ പേരാണ് ഇതിനു ലഭിച്ചത്. പ്രാദേശികമായി നന്നായി അറിയപ്പെടുന്ന അവരെ എല്ലാവരും മിസ് പിങ്ക് എന്ന് വിളിച്ചിരുന്നു. ആലീസ് സ്പ്രിംഗ്സ് റെപ്റ്റൈൽ സെന്റർ നഗര കേന്ദ്രത്തിൽ സ്ഥിതി ചെയ്യുന്നു.
ടെന്നീസ്, ഹോക്കി, ഓസ്ട്രേലിയൻ റൂൾസ് ഫുട്ബോൾ, ബാസ്കറ്റ് ബോൾ, ബേസ്ബോൾ, ഗോൾഫ്, സോക്കർ, ക്രിക്കറ്റ്, റഗ്ബി, ബോക്സിംഗ് എന്നിവയുൾപ്പെടെ നിരവധി കായിക ഇനങ്ങളിൽ ആലീസ് സ്പ്രിംഗ്സിനു് ഉയർന്ന പങ്കാളിത്തമുണ്ട്.
കളിക്കാരുടെയും കാഴ്ചക്കാരുടെയും കായിക ഇനമെന്ന നിലയിൽ ആലീസ് സ്പ്രിംഗ്സിലെ ഒരു ജനപ്രിയ കായിക വിനോദമാണ് ഓസ്ട്രേലിയൻ റൂൾസ് ഫുട്ബോൾ. 1947-ൽ രൂപീകരിച്ച സെൻട്രൽ ഓസ്ട്രേലിയൻ ഫുട്ബോൾ ലീഗിൽ നിരവധി ടീമുകളുണ്ട്. ഈ കായിക വിനോദത്തിന് തദ്ദേശീയ സമൂഹങ്ങളിൽ പ്രത്യേകിച്ചും പ്രചാരമുണ്ട്. പ്രാദേശിക സ്റ്റേഡിയമായ ട്രേഗർ പാർക്കിന് 10,000 സീറ്റ് ശേഷിയുണ്ട്. ഇത് എ.എഫ്.എല്ലിന് ആതിഥേയത്വം വഹിക്കാൻ പാകത്തിൽ രൂപകൽപ്പന ചെയ്തിരിക്കുന്നു. 2004-ൽ കോളിംഗ്വുഡ് ഫുട്ബോൾ ക്ലബ്ബും പോർട്ട് അഡ്ലെയ്ഡ് ഫുട്ബോൾ ക്ലബ്ബും തമ്മിലുള്ള എഎഫ്എൽ പ്രീ-സീസൺ റീജിയണൽ ചലഞ്ച് മത്സരം നിരവധി കാണികളെ ആകർഷിച്ചു.
1963 മുതൽ റഗ്ബി ലീഗ് പ്രാദേശിക കായിക രംഗത്തിന്റെ ഭാഗമാണ്. ഓസ്ട്രേലിയൻ റഗ്ബി ലീഗ് നിരവധി പ്രീ-സീസൺ ഗെയിമുകൾ ആലീസ് സ്പ്രിംഗ്സിൽ ANZAC ഓവലിൽ നടത്തിയിട്ടുണ്ട്. പ്രാദേശികമായ ജൂനിയർ, സീനിയർ റഗ്ബി ലീഗ് മത്സരങ്ങൾക്ക് സെൻട്രൽ ഓസ്ട്രേലിയൻ റഗ്ബി ഫുട്ബോൾ ലീഗ് അനുമതി നൽകുന്നു. സാധാരണയായി മാർച്ച് / ഏപ്രിൽ മാസങ്ങളിൽ ആരംഭിക്കുന്ന സീസൺ ഓഗസ്റ്റ് അവസാനത്തോടെ സമാപിക്കുന്നു. വെസ്റ്റ്സ്, മെമ്മോ, യുണൈറ്റഡ്, വൈക്കിംഗ്സ് എന്നിങ്ങനെ 4 സീനിയർ ടീമുകളുണ്ട്. പ്രാദേശിക മത്സരം സെൻട്രൽ ഓസ്ട്രേലിയൻ റഗ്ബി ഫുട്ബോൾ ലീഗാണ്, ജൂനിയർ, സീനിയർ റഗ്ബി ലീഗ് മത്സരങ്ങൾക്ക് അനുമതി നൽകുന്നു. സീസൺ സാധാരണയായി മാർച്ച് / ഏപ്രിൽ മാസങ്ങളിൽ ആരംഭിച്ച് ഓഗസ്റ്റ് അവസാനമാണ്. ആലീസ് സ്പ്രിംഗ്സിൽ 4 സീനിയർ ടീമുകളുണ്ട്; വെസ്റ്റ്സ്, മെമ്മോ, യുണൈറ്റഡ്, വൈക്കിംഗ്സ്. ശൈത്യകാലങ്ങളിൽ ശനിയാഴ്ച ഉച്ചകഴിഞ്ഞ് ANZAC ഓവലിൽ മത്സരങ്ങൾ നടക്കുന്നു.
1950-കളുടെ പകുതി മുതൽ ആലീസ് സ്പ്രിംഗ്സിൽ പ്രൊഫഷണൽ ബേസ്ബോൾ കളിക്കുന്നു. ഓസ്ട്രേലിയൻ ബേസ്ബോൾ ഫെഡറേഷന്റെ ദേശീയ ഓർഗനൈസേഷന് കീഴിൽ നിലവിൽ ആലീസ് സ്പ്രിംഗ്സ് ബേസ്ബോൾ അസോസിയേഷൻ 5 നും 18 നും ഇടയിൽ പ്രായമുള്ള യുവ കളിക്കാർക്കായി ബേസ്ബോൾ മത്സരങ്ങളും ജിം മക്കോൺവില്ലെ പാർക്കിലും ട്രേഗർ പാർക്കിലെ ലൈൽ കെംപ്സ്റ്റർ ഫീൽഡിലും മുതിർന്നവർക്കുള്ള മത്സരങ്ങളും സംഘടിപ്പിക്കുന്നു.
1950 കളുടെ പകുതി മുതൽ ആലീസ് സ്പ്രിംഗ്സിൽ സംഘടിത ബേസ്ബോൾ കളിക്കുന്നു. നിലവിൽ ഓസ്ട്രേലിയൻ ബേസ്ബോൾ ഫെഡറേഷന്റെ ദേശീയ ഓർഗനൈസേഷന് കീഴിൽ, ആലീസ് സ്പ്രിംഗ്സ് ബേസ്ബോൾ അസോസിയേഷൻ 5 നും 18 നും ഇടയിൽ പ്രായമുള്ള യുവ കളിക്കാർക്കായി ബേസ്ബോൾ മത്സരങ്ങളും ജിം മക്കോൺവില്ലെ പാർക്കിലും ട്രേഗർ പാർക്കിലെ ലൈൽ കെംപ്സ്റ്റർ ഫീൽഡിലും മുതിർന്നവർക്കുള്ള മത്സരം സംഘടിപ്പിക്കുന്നു. ലോകമെമ്പാടുമുള്ള ലിറ്റിൽ ലീഗ് നെറ്റ്വർക്കിന്റെ ഭാഗമായി ആലീസ് സ്പ്രിംഗ്സ് കളിക്കാരും ഓസ്ട്രേലിയൻ നാഷണൽ ലിറ്റിൽ ലീഗ് മത്സരങ്ങളിൽ പങ്കെടുക്കുന്നു.
സ്വത്തുമായി ബന്ധപ്പെട്ട കുറ്റകൃത്യങ്ങൾ ആലീസ് സ്പ്രിംഗ്സിലെ ഒരു സുപ്രധാന സാമൂഹിക പ്രശ്നമാണ്.[52][53] 2010 ൽ പട്ടണത്തിൽ നടന്ന അക്രമ കുറ്റകൃത്യങ്ങൾ അഭൂതപൂർവമായ തലങ്ങളിൽ "നിയന്ത്രണാതീതമായിരുന്നു".[54][55] ആലീസ് സ്പ്രിംഗ്സിനെ ഓസ്ട്രേലിയയിലെ ഏറ്റവും അപകടകരമായ പട്ടണങ്ങളിലൊന്നായും ഓസ്ട്രേലിയയുടെ കൊലപാതക തലസ്ഥാനമായും വിശേഷിപ്പിച്ചിരിക്കുന്നു.[56] കുറ്റകൃത്യങ്ങളുടെ തോത് നഗരത്തിലെ വിനോദസഞ്ചാരവ്യവസായത്തിൽ വലിയ സ്വാധീനം ചെലുത്തിയിട്ടുണ്ട്[57] നിരവധി രാജ്യങ്ങളിൽ നിന്നുള്ള സഞ്ചാരികൾക്ക് നഗരം ഒഴിവാക്കാനോ കൂടുതൽ മുൻകരുതലുകൾ എടുക്കാനോ മുന്നറിയിപ്പ് നൽകിയിട്ടുണ്ട്.[57][58][59]
ആലീസ് സ്പ്രിംഗ്സിൽ അക്രമപരമായ കുറ്റകൃത്യങ്ങൾ സാധാരണമാണ്. ഇതിൽ ഭൂരിഭാഗവും ആദിവാസികളാണ് എന്നതാണ് പ്രത്യേകത. കൂടുതലും ഭാര്യഭർത്താക്കന്മാർ തമ്മിലും ചെറുപ്പക്കാർ തമ്മിലും അക്രമം നടക്കുന്നു.[60] മിക്ക കൊലപാതകങ്ങളും നിരവധി ബലാത്സംഗങ്ങളും വരണ്ട ടോഡ് നദീതീരത്താണ് നടക്കുന്നത്.[61] കൊലപാതകത്തിന് ഇരയായവരിൽ ഭൂരിഭാഗവും ആദിവാസികളും അതിൽ തന്നെ സ്ത്രീകളുമാണ് പ്രധാന ഇരകൾ. ചില വിദേശികളും ഇവിടെ അക്രമിക്കപ്പെട്ടിട്ടുണ്ട്.[61][62]
ആലീസ് സ്പ്രിംഗ്സിലെ ആദിവാസി സമൂഹങ്ങളിലെ സാഹചര്യങ്ങളാണ് ഉയർന്ന കുറ്റകൃത്യങ്ങളുടെ നിരക്കിനു കാരണം.[53][63][64][65] ആലീസ് സ്പ്രിംഗ്സിലെ ആദിവാസി നഗര ക്യാമ്പുകൾ മദ്യപാനം, അക്രമം, നിലവാരമില്ലാത്ത അവസ്ഥ എന്നിവയാൽ കുപ്രസിദ്ധിയാർജിച്ചിരിക്കുന്നു.[66] ആദിവാസി ടൗൺ ക്യാമ്പുകളിൽ ആക്രമണങ്ങൾ സാധാരണമാണ്. ഗാർഹിക പീഡനങ്ങളിൽ നിന്ന് രക്ഷപ്പെടുന്ന നഗരത്തിലെ 95 ശതമാനം ആളുകളും തദ്ദേശവാസികളാണ്.[63] ആദിവാസി സമൂഹങ്ങളിലെ ഗാർഹിക പീഡനത്തിന്റെ തോത് നോർത്തേൺ ടെറിട്ടറി കൊറോണർ "നിയന്ത്രണാതീതമാണ്" എന്ന് വിശേഷിപ്പിച്ചു.[67] ആലീസ് സ്പ്രിംഗ്സിലെ തദ്ദേശീയ ക്യാമ്പുകളെ തദ്ദേശകാര്യ മന്ത്രി മർഡർ ക്യാപിറ്റൽ എന്നാണ് വിശേഷിപ്പിച്ചത്.[68] 2013-ൽ ആലീസ് സ്പ്രിംഗ്സിലെ കുറ്റകൃത്യങ്ങളുടെ നിരക്ക്ആദിവാസി സമൂഹങ്ങളെ പ്രതിസന്ധി ഘട്ടത്തിലെത്തിച്ചു. തുടർന്ന് പ്രാദേശിക സർക്കാർ പോലീസിനെയും മറ്റ് പങ്കാളികളെയും അടിയന്തര യോഗം വിളിച്ചു ചേർത്തു.[69]
ആലീസ് സ്പ്രിംഗ്സിലെ യുവജന കുറ്റകൃത്യങ്ങൾ ഗുരുതരമായ ഒരു പ്രശ്നമാണ്. രാത്രികാലങ്ങളിൽ നിരവധി യുവാക്കൾ അനാഥ തെരുവീഥികളിൽ അലഞ്ഞുനടക്കുകയും ആക്രമണങ്ങളും കവർച്ചകളും നടത്തുകയും സ്വത്തുക്കൾ നശിപ്പിക്കുകയും ചലിക്കുന്ന വാഹനങ്ങൾക്ക് നേരെ കല്ലെറിയുകയും ചെയ്യുന്നു.[70][58][71][72]
നോർത്തേൺ ടെറിട്ടറി നാഷണൽ എമർജൻസി റെസ്പോൺസ് ടീമിൽ നിന്നും രക്ഷപെടാനായി വിദൂര സമൂഹങ്ങളിൽ നിന്ന് തദ്ദേശവാസികൾ നഗരത്തിലേക്ക് വരുന്നതാണ് യുവജന കുറ്റകൃത്യ പ്രശ്നത്തിന് കാരണം.[73][71] ചില കുട്ടികൾ സർക്കാർ ധനസഹായമുള്ള പൊതുഗതാഗതം ഉപയോഗിച്ച് ഗ്രാമങ്ങങ്ങളിൽ നിന്ന് നൂറുകണക്കിന് കിലോമീറ്റർ അകലെ നിന്ന് ആലീസ് സ്പ്രിങ്സിലേക്ക് യാത്രചെയ്യുന്നു.[70] വിദൂര പ്രദേശങ്ങളിൽ നിന്നുള്ള കുട്ടികളെ അന്യായമായി കുറ്റപ്പെടുത്തുന്നതിനെ പ്രാദേശിക എം.പി. ചാൻസി പേച്ച് എതിർത്തു. പ്രശ്നമുള്ള യുവാക്കളിൽ വലിയൊരു പങ്കും ആലീസ് സ്പ്രിംഗ്സിൽ നിന്നുള്ളവരാണെന്ന് ചൂണ്ടിക്കാട്ടി.[70] വീടുകളിൽ ദുരുപയോഗവും ഗാർഹിക പീഡനവും ഒഴിവാക്കാൻ കുട്ടികൾ രാത്രിയിൽ നഗരത്തിൽ സഞ്ചരിക്കുന്നതാണ് ആലീസ് സ്പ്രിംഗ്സിലെ യുവജന കുറ്റകൃത്യ പ്രശ്നത്തിന് കാരണം.[70][58][58][71]
ആലീസ് സ്പ്രിംഗ്സിലെ പാതകളിൽ സഞ്ചരിക്കുന്ന കാറുകളിൽ യുവാക്കൾ കല്ലെറിയുന്നതുമൂലം നിരവധി വാഹനങ്ങൾക്ക് കേടുപാടുകൾ സംഭവിക്കുകയും നിരവധി ആളുകൾക്ക് ഗുരുതരമായി പരിക്കേൽക്കുകയും ചെയ്യുന്ന ഒരു പ്രശ്നമാണ്.[74][75][76][77][78] പോലീസ്, ആംബുലൻസ് അടക്കമുള്ള മറ്റ് അടിയന്തര സേവനങ്ങളിലെ ജോലിക്കാരും ഇത്തരം കല്ലാക്രമണങ്ങളുടെ ഇരകളാണ്.[77][78][75]
പ്രാദേശിക, ദേശീയ റേഡിയോ, ടെലിവിഷൻ സേവനസൗകര്യങ്ങൾ ഇവിടെ ലഭ്യമാണ്. സർക്കാർ ഉടമസ്ഥതയിലുള്ള എ.ബി.സി.യുടെ നാല് പ്രക്ഷേപണ റേഡിയോ സ്റ്റേഷനുകൾ ഇവിടെയുണ്ട്. പ്രാദേശിക റേഡിയോ 783 എബിസി ആലീസ് സ്പ്രിംഗ്സ്, ദേശീയ നെറ്റ്വർക്കുകൾ എബിസി റേഡിയോ നാഷണൽ, എബിസി ക്ലാസിക് എഫ്എം, ട്രിപ്പിൾ ജെ. എന്നിവയാണ് നാലു സ്റ്റേഷനുകൾ. ദേശീയ ക്രിസ്ത്യൻ റേഡിയോ നെറ്റ്വർക്ക് വിഷൻ റേഡിയോ നെറ്റ്വർക്ക് എന്ന ചാലൽ 88.0 എഫ്.എം.ലൂടെ പ്രക്ഷേപണം ചെയ്യുന്നു.
വാണിജ്യ റേഡിയോ സ്റ്റേഷനുകൾ 8HA 900 kHz ലും സൺ 96.9 MHz ലും കമ്മ്യൂണിറ്റി റേഡിയോ 8CCC 102.1FM ലും തദ്ദേശീയ ബ്രോഡ്കാസ്റ്റർ CAAMA റേഡിയോ 100.5 MHz ലും സേവനം നൽകുന്നു.
ഓസ്ട്രേലിയയിലെ ഏറ്റവും വലിയ തദ്ദേശീയ മാധ്യമ കമ്പനിയാണ് ആലീസ് സ്പ്രിംഗ്സിലുള്ളത്. ഒരു പ്രധാന റേഡിയോ സ്റ്റേഷനും (CAAMA റേഡിയോ) കൂടാതെ മ്യൂസിക് റെക്കോർഡിംഗ് ലേബൽ (CAAMA മ്യൂസിക്), ടെലിവിഷൻ ആന്റ് ഫിലിം പ്രൊഡക്ഷൻ കമ്പനി (CAAMA പ്രൊഡക്ഷൻസ്), CAAMA ടെക്നിക്കൽ എന്നിവ ഉൾപ്പെടുന്നതാണ് സെൻട്രൽ ഓസ്ട്രേലിയൻ അബോറിജിനൽ മീഡിയ അസോസിയേഷൻ (CAAMA). സ്വന്തം റേഡിയോ ശൃംഖലയിലൂടെ തദ്ദേശീയ പ്രതിഭകളുടെ പരിപാടികൾ റെക്കോർഡുചെയ്യാനും പ്രോത്സാഹിപ്പിക്കാനും CAAMA സഹായിക്കുന്നു.[79] കൂടാതെ സിഡികളുടെ വിൽപ്പനയിലൂടെയും ദേശീയ പ്രക്ഷേപകരിൽ CAAMA സിനിമകളുടെയും ഡോക്യുമെന്ററികളുടെയും സ്ക്രീനിംഗ് വഴിയും അവരെ സഹായിക്കുന്നു.[80][81][82]
വാണിജ്യ സ്റ്റേഷനുകളായ ഇംപർജ ടെലിവിഷൻ (കോൾസൈൻ ഐഎംപി -9),[83] സതേൺ ക്രോസ് സെൻട്രൽ (ക്യുക്യു 31), ടെൻ സെൻട്രൽ (സിഡിടി) (സിഡിടി -5), സർക്കാർ ഉടമസ്ഥതയിലുള്ള എബിസി (എബിഎഡി 7), എസ്ബിഎസ് (SBS28) തുടങ്ങി അഞ്ച് ടെലിവിഷൻ സേവനങ്ങൾ ആലീസ് സ്പ്രിംഗ്സിൽ പ്രവർത്തിക്കുന്നു. ഒമ്പത് നെറ്റ്വർക്കുകളുമായി വാണിജ്യപരമായ കരാർ ഇംപാർജയ്ക്കുണ്ട്. സതേൺ ക്രോസ് സെൻട്രലിനും ടെൻ സെൻട്രലിനും സെവൻ നെറ്റ്വർക്കുമായും നെറ്റ്വർക്ക് ടെൻ ഓസ്ട്രേലിയയുമായും പ്രോഗ്രാമിംഗ് അഫിലിയേഷൻ ചെയ്തിരിക്കുന്നു.
ആലീസ് സ്പ്രിംഗ്സിൽ ഡിജിറ്റൽ ടെലിവിഷൻ പ്രക്ഷേപണം നിലവിലുണ്ട്. എബിസി, എസ്ബിഎസ് എന്നിവ നൽകുന്ന പുതിയ ചാനലുകൾക്ക് ഡിജിറ്റൽ സെറ്റ് ടോപ്പ് ബോക്സ് അല്ലെങ്കിൽ ഡിജിറ്റൽ ടെലിവിഷൻ ഉപയോഗിച്ച് ലഭ്യമാണ്. 2013 ഡിസംബർ 31 ന് ആലീസ് സ്പ്രിംഗ്സിലെ അനലോഗ് ടെലിവിഷൻ പ്രക്ഷേപണം അവസാനിപ്പിച്ചു. ആലീസ് സ്പ്രിംഗ്സിലെ സ്റ്റുഡിയോകളിൽ നിന്നാണ് ഇംപാർജ ടെലിവിഷൻ പ്രവർത്തിക്കുന്നത്. ഇതിന് ഒൻപത് നെറ്റ്വർക്കുമായി പ്രോഗ്രാം അഫിലിയേഷൻ കരാറുണ്ട്. പ്രാദേശിക ഓസ്ട്രേലിയൻ റൂൾസ് ഫുട്ബോൾ, റഗ്ബി ലീഗ്, കുട്ടികളുടെ ഷോയ്ക്കായി യമ്പാസ് പ്ലേ ടൈം, വാർത്ത, പ്രാദേശിക കാലാവസ്ഥ, ആലീസിൽ നിർമ്മിച്ച മറ്റ് പരിപാടികൾ എന്നിവ ഇംപാർജയുടെ ഷെഡ്യൂളിൽ വ്യത്യാസങ്ങളുള്ള ഇംപാർജയിലെ പ്രോഗ്രാമിംഗ് ഷെഡ്യൂൾ ഒൻപത് ഡാർവിൻ എൻടിഡി -8, ചാനൽ 9 ബ്രിസ്ബേൻ എന്നിവയ്ക്ക് സമാനമാണ്. ഫെഡറൽ സർക്കാർ ഇംപാർജയ്ക്ക് അനുവദിച്ച രണ്ടാമത്തെ ചാനലിൽ എൻഐടിവി പ്രക്ഷേപണം ചെയ്യുന്നു.
1947 മെയ് 24-ന് സ്ഥാപിതമായ സെൻട്രേലിയൻ അഡ്വക്കേറ്റ് പത്രം ചൊവ്വ, വെള്ളി ദിവസങ്ങളിൽ പ്രസിദ്ധീകരിക്കുന്നു.[84]
അഡ്ലെയ്ഡ്-ഡാർവിൻ റെയിൽവേ പാതയിൽ സ്ഥിതി ചെയ്യുന്ന ആലീസ് സ്പ്രിംഗ്സിൽ നിന്നും ട്രെയിനിൽ പ്രവേശിക്കാൻ സാധിക്കും. അഡ്ലെയ്ഡിനും ഡാർവിനുമിടയിലുള്ള സർവ്വീസിൽ ഗ്രേറ്റ് സതേൺ റെയിൽ നടത്തുന്ന ദി ഘാൻ ട്രെയിൻ ആലീസ് സ്പ്രിംഗ്സ് റെയിൽവേ സ്റ്റേഷനിൽ പ്രവേശിക്കുന്നു. ഓരോ ദിശയിലും ആഴ്ചയിൽ രണ്ടുതവണ ട്രെയിൻ സർവീസ് നടത്തുന്നു.[85]
സെൻട്രൽ ഓസ്ട്രേലിയ റെയിൽവേ നാരോ ഗേജ് റെയിൽവേ ലൈൻ 1929-ൽ ആലിസ് സ്പ്രിംഗ്സിലേക്ക് ആദ്യമായി തുറന്നു. 1926-ൽ നിർമ്മാണം പൂർത്തിയായ നാരോ-ഗേജ് റെയിൽവേ ആണിത്. ഇതു പ്രവർത്തനരഹിതമായിത്തീർന്നതിനെത്തുടർന്ന് ഒടുവിൽ അടച്ചുപൂട്ടി ട്രാക്കുകൾ ഉയർത്തി. പിന്നീട് 2003-ൽ ആലീസ് സ്പ്രിങ്സ് നോർത്ത് മുതൽ ഡാർവിൻ വരെ സാധാരണ ഗേജ് പാതയായി ഉയർത്തി. ഗ്രേറ്റ് സതേൺ റെയിൽവേ നടത്തുന്ന ഘാൻ പാസഞ്ചർ സർവ്വീസ് 2003 മുതൽ അഡ്ലെയ്ഡിനു ഡാർവിനും ഇടയിൽ സർവ്വീസ് നടത്തുന്നു. ചില ഒഴിവാക്കലുകളോടെ ഇത് ആഴ്ചയിൽ ഒരിക്കൽ ഓരോ ദിശയിലേക്കും സർവ്വീസ് നടത്തുന്നു.[86][87]
ആലീസ് സ്പ്രിംഗ്സ് വിമാനത്താവളത്തിൽ നിന്ന് അഡ്ലെയ്ഡ്, അയേഴ്സ് റോക്ക് (ഉലുരു), കെയ്ൻസ്, ഡാർവിൻ, മെൽബൺ, പെർത്ത്, സിഡ്നി എന്നിവിടങ്ങളിലേക്ക് ദിവസേന വിമാനങ്ങൾ സർവ്വീസ് നടത്തുന്നു. ബ്രിസ്ബെയ്നിലേക്ക് ആഴ്ചയിൽ കുറച്ച് കുറച്ച് തവണ നിർത്താതെയുള്ള ഫ്ലൈറ്റുകളും ഉണ്ട്. ക്വാണ്ടാസ്, വിർജിൻ ഓസ്ട്രേലിയ എന്നീ രണ്ട് വിമാനക്കമ്പനികൾ ആലീസ് സ്പ്രിങ്സിലേക്ക് യാത്ര നടത്തുന്നു.[88]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.