മലയാള ചലച്ചിത്രം From Wikipedia, the free encyclopedia
ഭരതന്റെ സംവിധാനത്തിൽ 1993-ൽ പുറത്തിറങ്ങിയ മലയാളചലച്ചിത്രമാണ് വെങ്കലം. ലോഹിതദാസ് ആണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. പി. ഭാസ്കരൻ എഴുതിയ ഗാനങ്ങൾക്ക് രവീന്ദ്രൻ ആണ് സംഗീതസംവിധാനം നിർവ്വഹിച്ചത്.
വെങ്കലം | |
---|---|
സംവിധാനം | ഭരതൻ |
നിർമ്മാണം | വി.വി. ബാബു |
രചന | എ.കെ. ലോഹിതദാസ് |
അഭിനേതാക്കൾ | മുരളി മനോജ് കെ. ജയൻ മാള അരവിന്ദൻ ഉർവശി കെ.പി.എ.സി. ലളിത |
സംഗീതം | |
ഗാനരചന | പി. ഭാസ്കരൻ |
ഛായാഗ്രഹണം | രാമചന്ദ്രബാബു |
ചിത്രസംയോജനം | ബി. ലെനിൻ വി.ടി. വിജയൻ |
സ്റ്റുഡിയോ | സൃഷ്ടി ആർട്സ് |
റിലീസിങ് തീയതി | 1993 |
രാജ്യം | ഇന്ത്യ |
ഭാഷ | മലയാളം |
ലോഹകർമ്മം കുലത്തൊഴിലാക്കിയ മൂശാരി സമുദായവും അവരിൽ മുൻകാലങ്ങളിൽ നിലനിന്നിരുന്ന ബഹുഭർതൃസമ്പ്രദായക്രമവും ആധുനികകാലരീതികളുമായുള്ള സംഘർഷമാണ് ഈ ചലച്ചിത്രത്തിന്റെ ഇതിവൃത്തം.
ഈ ചിത്രത്തിലെ നാലു ഗാനങ്ങളും വളരെ പ്രശസ്തമായിരുന്നു. കെ.എസ്. ചിത്ര പാടിയ പത്തുവെളുപ്പിന് എന്ന ഗാനത്തിന്റെ പുരുഷശബ്ദത്തിലുള്ള പതിപ്പ് കാസറ്റുകളിൽ ഉൾപ്പെടുത്തിയിരുന്നു. ചലച്ചിത്രത്തിൽ ഉൾപ്പെടുത്താതിരുന്ന ഈ ഗാനത്തിലൂടെയാണ് ബിജു നാരായണൻ ചലച്ചിത്രപിന്നണിഗാനരംഗത്ത് പ്രശസ്തനായത്.
ഗാനം | പാടിയത് | രചന | സംഗീതം |
---|---|---|---|
ആറാട്ടു കടവിങ്കൽ ... | കെ.ജെ. യേശുദാസ്, കെ.എസ്. ചിത്ര | പി. ഭാസ്കരൻ | രവീന്ദ്രൻ |
ഒത്തിരി ഒത്തിരി ..... | കെ.ജെ. യേശുദാസ് ,ലതിക | പി. ഭാസ്കരൻ | രവീന്ദ്രൻ |
പത്തു വെളുപ്പിന് .... | കെ.എസ്. ചിത്ര | പി. ഭാസ്കരൻ | രവീന്ദ്രൻ |
ശീവേലി മുടങ്ങി ...... | കെ.ജെ. യേശുദാസ് | പി. ഭാസ്കരൻ | രവീന്ദ്രൻ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.