വിജയ നിർമ്മല

ഇന്ത്യൻ ചലച്ചിത്രരംഗത്തെ അഭിനേത്രിയും സംവിധായകയുമായ വിജയ നിർമ്മല (തെലുഗു - విజయ నిర్మల) 1946 ഫെബ്രുവരി 20-നു ജനിച്ചു. ഏറ്റവു കൂടുതൽ ചലച്ചിത്രങ്ങൾ സംവിധാനം ചെയ്ത വനിത എന്ന ബഹുമതിനേടി 2002-ൽ ഗിന്നസ് ബുക്കിൽ ഇടം പിടിച്ചു. ഇവർ 47 ചിത്രങ്ങൾ സംവിധാനം ചെയ്തിട്ടുണ്ട്.^[1]

വിജയ നിർമ്മല
ജനനം	1946 ഫെബ്രുവരി 20
മരണം	27 ജൂൺ 2019(2019-06-27) (പ്രായം 73) കോണ്ടിനന്റർ ആശുപത്രി , ഹൈദ്രാബാദ്,
മരണ കാരണം	വാർദ്ധക്യസഹജം
ജീവിതപങ്കാളി(കൾ)	ഘട്ടമനേനി കൃഷ്ണ 1969 മുതൽ
കുട്ടികൾ	നരേഷ് (നടൻ)

തൊഴിൽജീവിതം

ഇവർ 1957-ൽ 11-ആമത്തെ വയസിൽ ബാലനടിയായി പാണ്ടുരംഗ മാഹാത്മ്യം എന്ന ഫിലിമിലൂടെ രംഗപ്രവേശം ചെയ്തു. പ്രേം നസീറിന്റെ നായികയായി മലയാളത്തിന്റെ എക്കാലത്തെയും അഭിമാനമായ ഭാർഗ്ഗവീനിലയത്തിൽ അഭിനയിച്ചു.^[2] തെലുഗു ഫിലിം രംഗുല രത്നംത്തിലൂടെ അവർ അരങ്ങേറ്റം നടത്തി.^[3] എങ്കവീട്ടുപെൺ എന്ന തമിഴ്ഫിലിമിൽ അഭിനയിച്ചുകൊണ്ട് അവർ തമിഴിൽ അരങ്ങേറ്റം കുറിക്കുകയും തുടർന്ന് പണമാ പാശമാ, എൻ അണ്ണൻ,ഞാണൊലി, ഉയിരാ മാനമാ എന്നീ ചിത്രങ്ങളിലും അഭ്നയിച്ചു.^[1] അവരുടെ രണ്ടാമത്തെ തെലുഗു ഫിലിമായ സാക്ഷിയുടെ സെറ്റിൽ നിന്നാണ് രണ്ടാം ഭർത്താവായ കൃഷ്ണയെ കണ്ടുപിടിച്ചത് (1967). കൃഷ്ണയുമായി 47 ഫിലിമിൽ അഭിനയിച്ചു. തുടർന്ന് സംവിധാനത്തിലേക്കു കടന്നു ^[1] 1973ൽ ഐ വി ശശിയുടെയും ആനന്ദിന്റെയും നിർമ്മാണത്തിൽ കവിത എന്ന മലയാളം സിനിമ സവിധാനം ചെയ്തു. അടൂർ ഭാസി,വിൻസന്റ്, തിക്കുറിശ്ശി, വിജയ നിർമ്മല, മീന, ഫിലോമിന,കവിയൂർ പൊന്നമ്മ എന്നിവർ അഭിനയിച്ചു.^[4]

മലയാളത്തിലും തമിഴിലുമായി 25 വീതവും ചിത്രങ്ങളിൽ അഭിനയിച്ചു. തെലുഗു ചിത്രങ്ങൾ ഉൾപ്പെടെ ഇവർ 200-ൽ പരംചലച്ചിത്രങ്ങളിൽ ഇതുവരെ അഭിനയിച്ചു കഴിഞ്ഞു.^[1] ബാലാജി ടെലിഫിലിംസിന്റെ പെല്ലി കനുക എന്ന ടെലിഫിലിമിലൂടെ വിജയനിർമ്മല മിനിസ്ക്രീനിൽ പ്രവെശിച്ചു. വളരെ പെട്ടെന്നു തന്നെ അവർ വിജയ കൃഷ്ണ മൂവിസ് എന്ന സ്വന്തം ബാനറിൽ 15 ഓളം ചിത്രങ്ങൾ നിർമിച്ചു. മൂന്നു ലക്ഷം രൂപയുടെ ബഡ്ജറ്റുമായി അവരുടെ സംവിധാനത്തിന്റെ തുടക്കം മലയാളചിത്രത്തിലായിരുന്നു. തെലുഗിൽ 40 ചിത്രങ്ങൾ സവിധാനം ചെയ്ത അവരുടെ തുടക്കം മീന 1973 ചിത്രത്തോടുകൂടിയായിരുന്നു. 2019 ജൂണ് 26 അവർ അന്തരിച്ചു.^[5]

വിജയ നിർമ്മലയുടെ ആദ്യവിവാഹത്തിൽ ജനിച്ച മകനാണ് നരേഷ് അദ്ദേഹവും ഒരു നടനാണ്. 1969 അവർ ഒരു നടനായ കൃഷ്ണയെ വിവാഹം കഴിച്ചു. കൃഷ്ണയുടെ ആദ്യഭാര്യ ഇന്ദിരയുടെയെയും അവരുടെ മക്കളുടെയും പ്രിയങ്കരിയാണ് വിജയ നിർമ്മല.^[6]

തെലുഗു ചലച്ചിത്രവ്യവസായത്തിന് വിജയ നിർമ്മല നൽകിയ സേവനത്തിന് 2008-ൽ അവരെ രഘുപതി വെങ്കയ്യ അവർഡ് നൽകി ആദരിച്ചു.^[7]

2019 ജൂൺ 26 ന് അർദ്ധരാത്രി തൻറെ 75 ആമത്തെ വയസിൽ ഹൃദയാഘാതത്തെ തുടർന്ന് ഹൈദരാബാദിലെ ഗച്ചിബൗളിയിലെ കോണ്ടിനെന്റൽ ആശുപത്രിയിൽവച്ച് വിജയ നിർമ്മല അന്തരിച്ചു.^[8][9]

ചലച്ചിത്രസംഭാവന

നമ്പർ	വർഷം	സിനിമ	ഭാഷ	കഥാപാത്രം
1	1957	പാണ്ഡുരംഗമഹത്യം	തെലുഗു	ബാല കൃഷ്ണുഡു
2	1958	ഭൂകൈലാസ്	തെളുഗു	ദേവി സീത
3	1964	ഭാർഗ്ഗവീനിലയം	മലയാളം[10]	ഭാർഗവി
4	1965	എങ്ക വീട്ടു പെൺ	തമിഴ്l
5	1965	മാഞ്ചി കുടുംബം	തെളുഗു
6	1965	റോസി	മലയാളം
7	1965	കന്യാകുമാരി	മലയാളം
8	1966	ചിത്തി	തമിഴ്
9	1966	പൂച്ചക്കണ്ണി (ചലച്ചിത്രം) |പൂച്ചക്കണ്ണി	മലയാളം
10	1966	രംഗുളരത്നം	തെളുഗു
11	1967	പൂളരംഗുഡു	തെളുഗു	പദ്മ
12	1967	സാക്ഷി	തെളുഗു
13	1967	പൂജ	മലയാളം
14	1967	ഉദ്യോഗസ്ഥ	മലയാളം
15	1967	അന്വേഷിച്ചു കണ്ടെത്തിയില്ല	മലയാളം
16	1968	കറുത്ത പൗർണ്ണമി	മലയാളം
17	1968	അസാധ്യഡു	തെളുഗു	രാധ
18	1968	ബംഗലു ഗജലു	തെളുഗു	രാധ
19	1968	സോപ്പു ചീപ്പു കണ്ണാടി	Tamil	ലത
20	1969	ആത്മീയുലു	തെളുഗു	സരോജ
21	1970	നിശാഗന്ധി	മലയാളം
22	1970	വിവാഹം സ്വർഗ്ഗത്തിൽ	മലയാളം
23	1970	അക്ക ചെല്ലീലു	തെളുഗു	വക്കീൽ വിജയ
24	1971	ബൊമ്മ ബരുസ	തെളുഗു
25	1971	മൊസഗല്ലഗു മൊസഗുദു	തെളുഗു	രാധ
26	1971	ആന വളർത്തിയ വാനമ്പാടിയുടെ മകൻ	മലയാളം
27	1972	റ്റാറ്റാ മനവദു	തെളുഗു	റാണി
28	1972	പണ്ഡത്തി കാപുരം	തെളുഗു
29	1972	കളിപ്പാവ	മലയാളം
30	1972	പുള്ളിമാൻ	മലയാളം
31	1972	പോസ്റ്റ്മാനെ കാണ്മാനില്ല	മലയാളം	Nalini
32	1973	തേനരുവി	മലയാളം
33	1973	കാറ്റുവിതച്ചവൻ	മലയാളം
34	1973	പൊന്നാപുരം കോട്ട	മലയാളം
35	1973	കവിത	മലയാളം
36	1973	ദേവുഡു ചെസിന മനുഷലു	തെളുഗു
37	1973	സാഹസമെ നാ ഊപിരി	തെളുഗു
38	1973	പിന്നി	തെളുഗു
39	1973	ബുധിമന്തുഡു	തെളുഗു
40	1973	പട്ടനവാസം	തെളുഗു
41	1973	മറിന മനിഷി	തെളുഗു
42	1973	മീന	തെളുഗു
43	1974	ദുർഗ്ഗ	മലയാളം
44	1974	അല്ലൂരി ശ്രീരാമരാജു	തെളുഗു	സീത
45	1976	പാടിപന്തലു	തെളുഗു
46	1977	കുരുക്ഷേത്രമു	തെളുഗു	ദ്രൗപദി
47	1989	പിന്നി	തെളുഗു	ലക്ഷ്മി

അവലംബം

1. "ആർക്കൈവ് പകർപ്പ്". Archived from the original on 2003-11-14. Retrieved 2013-06-23.
2. B. Vijayakumar (2009-11-16). "Bhargavi Nilayam 1948". Chennai, India: The Hindu. Archived from the original on 2011-06-29. Retrieved 2013-06-23. {{cite news}}: Italic or bold markup not allowed in: |publisher= (help)
3. "ആർക്കൈവ് പകർപ്പ്". Archived from the original on 2017-10-11. Retrieved 2013-06-23.
4. http://www.m3db.com/film/940
5. "ആർക്കൈവ് പകർപ്പ്". Archived from the original on 2011-02-11. Retrieved 2013-06-23.
6. "Bestowed with bliss". The Hindu. Chennai, India. 2007-08-04. Archived from the original on 2009-05-03. Retrieved 2013-06-23.
7. Ragupathi Venkaiah Award to Vijaya Nirmala^{[പ്രവർത്തിക്കാത്ത കണ്ണി]}
8. https://www.thenewsminute.com/article/vijaya-nirmala-veteran-director-actor-and-mahesh-babu-s-mother-passes-away-73-104358
9. https://www.ndtv.com/entertainment/actress-director-vijaya-nirmala-dies-at-73-2059943
10. http://www.malayalachalachithram.com/movieslist.php?a=7428