മദ്ധ്യപ്രദേശിലെ ജില്ല From Wikipedia, the free encyclopedia
മധ്യപ്രദേശിന്റെ മധ്യഭാഗത്ത് സ്ഥിതിചെയ്യുന്ന ജില്ലയാണ് നരസിംഹ്പൂർ. വടക്കു നർമദാനദിക്കും തെക്കു സത്പുരാ നിരകൾക്കും മധ്യേയുള്ള ഇടുങ്ങിയ എക്കൽ തടത്തിൽ, സമുദ്രനിരപ്പിൽ നിന്ന് സുമാർ 353 മീറ്റർ ഉയരത്തിൽ സ്ഥിതിചെയ്യുന്ന സരസിംഹ്പൂരിന് 5133 ച.കി.മീ. വിസ്തൃതിയുണ്ട്. നരസിംഹക്ഷേത്രമാണ് ജില്ലാനാമത്തിന് ആധാരം.
നരസിംഹ്പൂർ ജില്ല नरसिंहपुर जिला | |
---|---|
നരസിംഹ്പൂർ ജില്ല (Madhya Pradesh) | |
രാജ്യം | ഇന്ത്യ |
സംസ്ഥാനം | Madhya Pradesh |
ഭരണനിർവ്വഹണ പ്രദേശം | Jabalpur |
ആസ്ഥാനം | നരസിംഹ്പൂർ |
• ലോകസഭാ മണ്ഡലങ്ങൾ | Hoshangabad |
(2011) | |
• ആകെ | 1,092,141 |
• സാക്ഷരത | 76.79 per cent |
• സ്ത്രീപുരുഷ അനുപാതം | 917 |
വെബ്സൈറ്റ് | ഔദ്യോഗിക വെബ്സൈറ്റ് |
നരസിംഹ്പൂർ ജില്ലയുടെ സമ്പദ്ഘടനയിൽ കാർഷികമേഖലയ്ക്കാണ് പ്രാമുഖ്യം. മുഖ്യവിളകളിൽ ഗോതമ്പ്, ജോവർ, എണ്ണക്കുരുക്കൾ എന്നിവ ഉൾപ്പെടുന്നു. വനവിഭവങ്ങളും കൽക്കരി-മാർബിൾ നിക്ഷേപങ്ങളും ജില്ലയുടെ സമ്പദ് വ്യവസ്ഥയെ നിർണായകമായി സ്വാധീനിക്കുന്നുണ്ട്. ജില്ലാ വിസ്തൃതിയുടെ 24 ശതമാനത്തോളം വ്യാപിച്ചിരിക്കുന്ന വനങ്ങളധികവും ഉഷ്ണമേഖലാ ഇലപൊഴിയും വിഭാഗത്തിൽപ്പെട്ടവയാണ്. നിരവധി തേക്കിൻ കാടുകളും ജില്ലയിലുണ്ട്.
നർമദാനദിയും പോഷകനദികളുമാണ് നരസിംഹ്പൂരിലെ പ്രധാന ജലസ്രോതസ്സുകൾ. മഴക്കാലത്ത് കരകവിഞ്ഞൊഴുകുന്ന ഈ നദികളിൽ പ്രധാനനദികൾ ഒഴികെ മിക്കവയും വേനൽക്കാലത്ത് വറ്റിവരണ്ടുപോവുക പതിവാണ്.
നരസിംഹ്പൂർ ജില്ലയിലെ ജനങ്ങളിൽ ഭൂരിഭാഗവും ഹിന്ദുക്കളാണ്; മുസ്ലിങ്ങൾക്കാണ് രണ്ടാം സ്ഥാനം. ഹിന്ദിയാണ് മുഖ്യവ്യവഹാര ഭാഷ.
എന്നിവയാണ് ജില്ലയിലെ പ്രധാന വിദ്യാഭ്യാസ സ്ഥാപനങ്ങൾ.
കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർവ്വവിജ്ഞാനകോശത്തിലെ നരസിംഹ്പൂർ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.