ജൂഡ് ആന്തണി ജോസഫ്

ജൂഡ് ആന്റണി ജോസഫ് (സിജോ ജോസഫ്) ഒരു ഇന്ത്യൻ മലയാള ചലച്ചിത്ര സംവിധായകനും തിരക്കഥാകൃത്തും നടനുമാണ്. 2014-ൽ ഓം ശാന്തി ഓശാന എന്ന ചിത്രത്തിലൂടെയാണ് അദ്ദേഹത്തിന്റെ ആദ്യ സംവിധാന അരങ്ങേറ്റം, 45-ാമത് കേരള സംസ്ഥാന ചലച്ചിത്ര അവാർഡുകളിൽ ജനപ്രിയ അപ്പീലും സൗന്ദര്യാത്മക മൂല്യവുമുള്ള മികച്ച ചിത്രമായി ഇത് തിരഞ്ഞെടുക്കപ്പെട്ടു.എറണാകുളം ജില്ലയിലെ ആലുവ സ്വദേശിയാണ്.^[1]

ജൂഡ് ആന്തണി ജോസഫ്
ജനനം	25 April 1983 (1983-04-25) (41 വയസ്സ്)
ദേശീയത	ഇന്ത്യ
പൗരത്വം	ഇന്ത്യ
കലാലയം	LBS College of Engineering കാസർഗോഡ്
തൊഴിൽ	ചലച്ചിത്രസംവിധായകൻ
സജീവ കാലം	2008-Present
ജീവിതപങ്കാളി	ഡീയാന ആൻ ജെയിംസ്(February 2015-Present)

വ്യക്തിജീവിതം

ഇൻഫോസിസിൽ സോഫ്റ്റ്‌വെയർ എഞ്ചിനിയറായി കുറച്ച് കാലം ജോലി ചെയ്തു (2006-2009). നടൻ നിവിൻ പോളിയുമായി അടുത്ത സൗഹൃദം.^[2] 14 ഫെബ്രുവരി 2015 ഡയാന ആൻ ജെയിംസിനെ വിവാഹം കഴിച്ചു.^[3][4][5] 2017 ഏപ്രിലിൽ വനിതാ മേയറെ അസഭ്യം പറഞ്ഞതിന് ജൂഡ് അറസ്റ്റിലായി. പിന്നീട് ജാമ്യത്തിൽ വിട്ടു.^[6]പിന്നീട് 2017 ഡിസംബറിൽ, ഒരു ജനപ്രിയ വനിതാ അഭിനേതാവിനെക്കുറിച്ചുള്ള സ്ത്രീവിരുദ്ധ ഫേസ്ബുക്ക് പോസ്റ്റിന് അദ്ദേഹത്തിന് വ്യാപകമായ വിമർശനം ലഭിച്ചു.^[7][8]

ചലച്ചിത്രലോകത്തിൽ

ഭാവന മീഡിയ വിഷനിന്റെ ബാനറിൽ ദീപു കരുണാകരൻ സംവിധാനം ചെയ്തു 2008-ൽ പുറത്തിറങ്ങിയ ക്രേസി ഗോപാലൻ എന്ന ചിത്രത്തിന്റെ സഹസംവിധായകനായി രംഗപ്രവേശനം. 2014-ൽ ഓം ശാന്തി ഓശാനയുടെ തിരക്കഥയും സംവിധാനവും നിർവഹിച്ചു. 2015-ൽ പ്രേമം സിനിമയിൽ അതിഥിവേഷത്തിൽ അഭിനയിച്ചു.

സംവിധാനം

വർഷം	ചിത്രം	കുറിപ്പ്
2014	ഓം ശാന്തി ഓശാന	മിഥുൻ മാനുവൽ തോമസിനൊപ്പം രചനയിലും പങ്കാളി
2016	ഒരു മുത്തശ്ശി ഗദ	രചനയും നിർവഹിച്ചു
2021	സാറാസ്	ആമസോൺ പ്രൈം വീഡിയോയിലൂടെ O.T.T റിലീസ്
2023	2018

അഭിനയം

വർഷം	ചിത്രം	കഥാപാത്രം	കുറിപ്പ്
2015	പ്രേമം	ഡോളീ ഡിക്രൂസ്	ചെറിയ വേഷം
2016	ആക്ഷൻ ഹീറോ ബിജു	ഷിന്റോ	ചെറിയ വേഷം
2016	വേട്ട	സംവിധായകൻ	ചെറിയ വേഷം
2016	ഒരു മുത്തശ്ശി ഗദ	യുവ ജനാർദ്ദന കുറുപ്പ് / ബ്രില്ലി	ചെറിയ വേഷം
2016	തോപ്പിൽ ജോപ്പൻ	തോമസുകുട്ടി
2017	വെളിപാടിന്റെ പുസ്തകം	വിജ്ഞാനകോശം
2017	പോക്കിരി സൈമൺ	തടവുകാരൻ	Cameo
2018	സ്ട്രീറ്റ് ലൈറ്റ്സ്	പീയൂഷ്
2018	ഒരു കുട്ടനാറ്റൻ ബ്ലോഗ്	പ്രകാശൻ
2018	കായംകുളം കൊച്ചുണ്ണി	ബ്രാഹ്മണൻ
2019	ലവ് ആക്ഷൻ ഡ്രാമ	ഷിനോജ്
2019	മനോഹരം	സുധീന്ദ്രൻ

ടെലിവിഷൻ

വർഷം	ചിത്രം	കഥാപാത്രം	ചാനൽ
2018–2019	ഡാൻസ് കേരള ഡാൻസ്	വിധികർത്താവ്	സീ കേരളം

ഷോർട്ട്ഫിലിമുകൾ

വർഷം	തലക്കെട്ട്	സംവിധായകൻ	കുറിപ്പുകൾ
2014	നക്ഷത്രങ്ങളുടെ രാജകുമാരൻ	സ്വയം	മമ്മൂട്ടിയുടെ ജീവചരിത്രം
2014	യെല്ലോ പെൻ	സ്വയം
2020	മറ്റൊരു കടവിൽ കുളിസീൻ 2	രാഹുൽ കെ ഷാജി	പ്രധാന നടൻ, കുളിസീൻ ഷോർട്ട്ഫിലിമിന്റെ തുടർച്ച

പുറത്തേക്കുള്ള കണ്ണികൾ

• ജൂഡ് ആന്തണി ജോസഫ് ഫേസ്‌ബുക്കിൽ
• ഇന്റർനെറ്റ് മൂവി ഡാറ്റാബേസിൽ നിന്ന് ജൂഡ് ആന്തണി ജോസഫ്