From Wikipedia, the free encyclopedia
മലയാള ചലച്ചിത്ര മേഖലയിലും ടെലിവിഷനിലും സാന്നിധ്യമുറപ്പിച്ച ഒരു പ്രമുഖ നടനാണ് കൃഷ്ണപ്രസാദ്. അയലത്തെ അദ്ദേഹം, ഒരു യാത്രാമൊഴി, കമലദളം, വെട്ടം, ബാംഗ്ലൂർ ഡേയ്സ്, പേരറിയാത്തവർ എന്നിവയാണ് അദ്ദേഹം അഭിനയിച്ച പ്രധാന ചിത്രങ്ങൾ. സ്ത്രീ, സമയം, സമക്ഷം തുടങ്ങി ഒട്ടനവധി ടെലിവിഷൻ സീരിയലുകളിലും അദ്ദേഹം എണ്ണമറ്റ കഥാപാത്രങ്ങളെ അവതരിപ്പിച്ചിരിക്കുന്നു.
കൃഷ്ണപ്രസാദ് | |
---|---|
ജനനം | കൃഷ്ണപ്രസാദ് ചങ്ങനാശേരി, കോട്ടയം. |
തൊഴിൽ | സിനിമ നടൻ |
ജീവിതപങ്കാളി(കൾ) | രശ്മി |
കുട്ടികൾ | പ്രാർത്ഥന കൃഷ്ണ, പ്രപഞ്ച കൃഷ്ണ |
കൃഷ്ണപ്രസാദ് കേരള സംസ്ഥാനത്ത് കോട്ടയം ജില്ലയിലെ ചങ്ങനാശേരി സ്വദേശിയാണ്. ചങ്ങനാശേരി എൻ.എസ്.എസ്. ഹിന്ദു കോളജിലായിരുന്നു അദ്ദേഹം വിദ്യാഭ്യാസം ചെയ്തത്. കോളജ് ജീവിതകാലത്തുതന്നെ അദ്ദേഹം സംഗീതത്തിലും കലയിലും വളരെയേറെ താത്പര്യം കാണിച്ചിരുന്നു. പ്രസിദ്ധ നടിയായ പാർവ്വതി (അശ്വതി പി. കുറുപ്പ്) ചങ്ങനാശേരി എൻ.എസ്. എസ്. കോളജിൽ അദ്ദേഹത്തിന്റെ സഹപാഠിയായിരുന്നു. 1991 ലും 1992 ലും മഹാത്മാഗാന്ധി യൂണിവേഴ്സിറ്റി യൂത്ത് ഫെസ്റ്റിവലിൽ അദ്ദേഹം വിജയിയായിരുന്നു. അദ്ദേഹത്തിന്റെ സഹധർമ്മിണി രശ്മിയാണ്. ഈ ദമ്പതിമാർക്ക് പ്രാർത്ഥന കൃഷ്ണ, പ്രപഞ്ച കൃഷ്ണ എന്നിങ്ങനെ രണ്ട് പെൺകുട്ടികളാണുള്ളത്. ഒരു സമർപ്പിത കൃഷിക്കാരൻകൂടിയായ കൃഷ്ണപ്രസാദിനാണ് 2010-ലെ യുവ കർഷകനുള്ള അവാർഡ് ലഭിച്ചത്. കേരള സംസ്ഥാന ചലച്ചിത്ര അക്കാദമിയിലും കേരള ലളിതകലാ അക്കാദമിയിലും അംഗമായി അദ്ദേഹം പ്രവർത്തിച്ചിട്ടുണ്ട്.
പ്രസിദ്ധ സംവിധായകനായിരുന്ന പി. പദ്മരാജൻ സംവിധാനം ചെയ്ത 'മൂന്നാം പക്കം' എന്ന ചിത്രത്തിലൂടെയാണ് കൃഷ്ണപ്രസാദ് അഭിനയരംഗത്തേക്ക് പ്രവേശിക്കുന്നത്. അദ്ദേഹം അഭിനയിച്ച മറ്റു പ്രമുഖ ചിത്രങ്ങൾ വേനൽക്കിനാവുകൾ, തച്ചോളി വർഗ്ഗീസ് ചെകവർ, കാഞ്ഞിരപ്പള്ളി കറിയാച്ചൻ, അയലത്തെ അദ്ദേഹം, കുസൃതിക്കാറ്റ്, മീനത്തിൽ താലികെട്ട്, അമ്മ അമ്മായിയമ്മ, സമ്മർ പാലസ്, വെട്ടം, സീസൺസ്, കന്മദം, കമലദളം, ഷിക്കാർ, ദൈവത്തിന്റെ സ്വന്തം ക്ലീറ്റസ്, ബാംഗ്ലൂർ ഡേസ്, ആമയും മുയലും, പേരറിയാത്തവർ, രക്തരക്ഷസ് 3D, വലിയ ചിറകുള്ള പക്ഷികൾ, മൺസൂൺ, ഫയർമാൻ എന്നിവയാണ്. അനേകം ടെലിവിഷൻ സീരിയലുകളിലും കൃഷ്ണപ്രസാദ് തന്റെ സാന്നിദ്ധ്യമറിയിച്ചിട്ടുണ്ട്. സ്ത്രീ, സമയം, സമക്ഷം എന്നിവ ഇതിൽ പ്രമുഖങ്ങളാണ്. സോപ്പ് ഓപ്പറയായ സമക്ഷത്തിലെ അതുല്യമായ അഭിനയത്തിന് അദ്ദേഹത്തിന് ക്രിട്ടിക്സ് അവാർഡ് ലഭിച്ചിട്ടുണ്ട്.
നമ്പർ: | വർഷം | ചലച്ചിത്രം | നിർമ്മാതാവ് | സംവിധായകൻ |
1 | 1988 | മൂന്നാം പക്കം | ബാലകൃഷ്ണൻ നായർ | പി. പത്മരാജൻ |
2 | 1989 | സീസൺ | എം. ജി. ഗോപിനാഥ് | പി. പത്മരാജൻ |
3 | 1991 | വേനൽക്കിനാവുകൾ | സാരംഗി ഫിലിംസ് | കെ. എസ്. സേതുമാധവൻ |
4 | 1992 | അയലത്തെ അദ്ദേഹം | മോഹൻ കുമാർ | രാജസേനൻ |
5 | 1992 | ഒരു കൊച്ചു ഭൂമികുലുക്കം | മണി മല്യത്ത്, രാജു മല്യത്ത് | ചന്ദ്രശേഖരൻ |
6 | 1993 | ജോണി | സഞ്ജീവ് ശിവൻ | സംഗീത് ശിവൻ |
7 | 1994 | പക്ഷേ | മോഹൻ കുമാർ | മോഹൻ |
8 | 1994 | സുകൃതം | ചന്ദ്രകാന്ത് ഫിലിംസ് | ഹരികുമാർ |
9 | 1994 | പവിത്രം | തങ്കച്ചൻ | ടി. കെ. രാജീവ് കുമാർ |
10 | 1995 | തച്ചോളി വർഗീസ് ചേകവർ | G.P. വിജയകുമാർ | ടി. കെ. രാജീവ് കുമാർ |
11 | 1995 | അറേബ്യ | ബാബു തിരുവല്ല | ജയരാജ് |
12 | 1995 | കുസൃതിക്കാറ്റ് | മാണി സി. കാപ്പൻ | സുരേഷ് വിനു |
13 | 1996 | സ്വപ്നലോകത്തെ ബാലഭാസ്കരൻ | മഹാരാജാ ശിവാനന്ദൻ | രാജസേനൻ |
14 | 1996 | കാഞ്ഞിരപ്പള്ളി കറിയാച്ചൻ | കുര്യൻ ജെ. പുത്തനങ്ങാടി, സിന്ധു ജോസ് | ജോസ് തോമസ് |
1997 | മാണിക്യക്കൂടാരം | K.R. മേനോൻ | ജോർജ്ജ് മാന്വൽ | |
1998 | മീനത്തിൽ താലികെട്ട് | പ്രേം പ്രകാശ് | രാജൻ ശങ്കരാടി | |
1998 | അമ്മ അമ്മായിയമ്മ | സോമശേഖരൻ | സന്ധ്യാ മോഹൻ | |
2000 | സമ്മർ പാലസ് | P.J. ജോൺ | K മുരളി | |
2001 | നക്ഷത്രങ്ങൾ പറയാതിരുന്നത് | അബ്ദുള്ള ഹൈദർ | CS സുധീഷ് | |
2003 | മീരയുടെ ദുഃഖവും മുത്തുവിന്റെ സ്വപ്നവും | ടോം ജോർജ്ജ് | വിനയൻ | |
2004 | വാണ്ടഡ് | A. ജയൻ | മുരളി നാഗവള്ളി | |
2005 | ഇരുവട്ടം മണവാട്ടി | Girish Balakrishnan Marar | R സനൽ | |
2006 | മഹാസമുദ്രം | G. സുരേഷ് കുമാർ | Dr. S. ജനാർദ്ദനൻ | |
2010 | ശിക്കാർ | K.K. രാജഗോപാൽ | M പത്മകുമാർ | |
2012 | പറുദീസ | തമ്പി ആന്റണി | R. ശരത്. | |
2013 | ഗോഡ് ഫോർ സെയിൽ - ദൈവം വിൽപ്പനയ്ക്ക് | P.T. സലിം | ബാബു ജനാർദ്ദനൻ | |
2013 | ദൈവത്തിന്റെ സ്വന്തം ക്ലീറ്റസ് | ഫൈസൽ ലത്തീഫ് | G മാർത്താണ്ഡൻ | |
2014 | രക്തരക്ഷസ് | 3D Reams International | R Factor | |
2014 | ബ്ലാക്ക് ഫോറസ്റ്റ് | ബേബി മാത്യു സോമതീരം | ജോഷി മാത്യു | |
2014 | ബാംഗ്ലൂർ ഡേയ്സ് | അൻവർ റഷീദ് | അഞ്ജലി മേനോൻ | |
2014 | ആമയും മുയലും | ജെയ്സൺ ഇളംകുളം | പ്രിയദർശൻ | |
2015 | പേരറിയാത്തവർ | അനിൽകുമാർ | Dr. ബിജു. | |
2015 | മൺസൂൺ | സഗതൻ ടി. കൈതക്കുഴി | സുരേഷ് ഗോപാൽ | |
2015 | ഫയർമാൻ | മിലൻ ജലീൽ | ദീപു കരുണാകരൻ | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.