![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cf/Rajaraja_territories.png/640px-Rajaraja_territories.png&w=640&q=50)
രാജരാജ ചോളൻ ഒന്നാമൻ
From Wikipedia, the free encyclopedia
ഇന്ത്യയിലെ തമിഴ് ചോഴ സാമ്രാജ്യത്തിലെ ഏറ്റവും ശക്തരായ ചക്രവർത്തിമാരിൽ ഒരാളായിരുന്നു രാജ രാജ ചോഴൻ I (തമിഴ്: ராஜ ராஜ சோழன்). എ.ഡി. 985-നും 1014-നും ഇടയിലായിരുന്നു ഇദ്ദേഹം ഭരിച്ചിരുന്നത്. അരുണ്മൊഴി തേവർ[1][2] എന്നായിരുന്നു ഇദ്ദേഹത്തിന്റെ യഥാർത്ഥ പേര്. രാജ കേസരി വർമ്മൻ എന്നും രാജ രാജ ദേവർ[3] എന്നും ബഹുമാനസൂചകമായി പെരുവുടയാർ എന്നും വിളിക്കപ്പെട്ടിരുന്നുവെങ്കിലും, സാധാരണഗതിയിൽ ഇദ്ദേഹം അറിയപ്പെട്ടിരുന്നത് മഹാനായ രാജരാജൻ എന്നായിരുന്നു. ദക്ഷിണേന്ത്യയിലെ പല ചെറു രാജ്യങ്ങളെയും കീഴടക്കുന്നതുവഴി ഇദ്ദേഹം ചോളസാമ്രാജ്യത്തെ തെക്ക് ശ്രീലങ്ക വരെയും വടക്കുകിഴക്ക് കലിംഗം (ഒഡിഷ) വരെയും വ്യാപിപ്പിച്ചു. വടക്ക് ചാലൂക്യന്മാരുമായും തെക്ക് പാണ്ഡ്യന്മാരുമായും ഇദ്ദേഹം ധാരാളം യുദ്ധങ്ങളിലേർപ്പെടുകയുണ്ടായി. വെങ്കൈ പിടിച്ചടക്കിക്കൊണ്ട് രാജരാജൻ പിൽക്കാല ചോളസാമ്രാജ്യത്തിന്റെ അടിത്തറ സ്ഥാപിക്കുകയുണ്ടായി. ശ്രീലങ്ക കീഴടക്കിയ ഇദ്ദേഹം ഇവിടെ ഒരു നൂറ്റാണ്ടുനീണ്ടുനിന്ന ചോളഭരണത്തിന് അടിത്തറയിട്ടു.
![]() എ.ഡി. 1014-ൽ രാജരാജ ചോഴന്റെ സാമ്രാജ്യത്തിനുണ്ടായിരുന്ന വ്യാപ്തി | |
ഭരണകാലഘട്ടം | 985–1014 എ.ഡി. |
സ്ഥാനനാമം | രാജകേസരി |
തലസ്ഥാനം | തഞ്ചാവൂർ |
രാജ്ഞി(മാർ) | ലോകമഹാദേവി ചോഴമഹാദേവി ത്രൈലോക്യമഹാദേവി പഞ്ചവൻമഹാദേവി അഭിമാനവല്ലി ഇലദമഡെവിയാർ പൃഥ്വിമഹാദേവി |
മക്കൾ | രാജേന്ദ്രചോഴൻ ഒന്നാമൻ കുന്ദവൈ മദേവഡിഗൾ |
മുൻഗാമി | ഉത്തമ ചോഴൻ |
പിൻഗാമി | രാജേന്ദ്ര ചോഴൻ ഒന്നാമൻ |
പിതാവ് | സുന്ദര ചോഴ |
ജനനം | ഉദ്ദേശം 947 എ.ഡി. |
മരണം | 1015 എ.ഡി. |