ബീക്കൺ, ന്യൂയോർക്ക്
From Wikipedia, the free encyclopedia
ബീക്കൺ അമേരിക്കൻ ഐക്യനാടുകളിലെ ന്യൂയോർക്ക് സംസ്ഥാനത്ത് ഡച്ചസ് കൗണ്ടിയിൽ സ്ഥിതിചെയ്യുന്ന ഒരു നഗരമാണ്. 2010 ലെ യു.എസ്. സെൻസസ് പ്രകാരമുള്ള ഈ നഗരത്തിലെ മൊത്തം ജനസംഖ്യ 15,541 ആയിരുന്നു.[2] പൌകീപ്സി-ന്യൂബർഗ്-മിഡിൽടൗൺ, ന്യൂയോർക്ക് മെട്രോപൊളിറ്റൻ സ്റ്റാറ്റിസ്റ്റിക്കൽ ഏരിയയുടെ ഭാഗമായ ബീക്കൺ നഗരം ബൃഹത്തായ ന്യൂയോർക്ക്-നെവാർക്ക്-ബ്രിഡ്ജ്പോർട്ട്, ന്യൂയോർക്ക്-ന്യൂജേഴ്സി-കണക്റ്റിക്കട്ട്-പെൻസിൽവാനിയ സംയോജിത സ്റ്റാറ്റിസ്റ്റിക്കൽ ഏരിയയുടേയും ഭാഗമാണ്.
ബീക്കൺ | |||
---|---|---|---|
City | |||
![]() Skyline of Beacon | |||
| |||
Nickname(s): Tree City | |||
![]() Location of Beacon, New York | |||
Coordinates: 41°30′15″N 73°57′56″W | |||
Country | United States | ||
State | New York | ||
County | Dutchess | ||
• Mayor | Lee Kyriacou (D) | ||
• City Council | |||
• ആകെ | 4.9 ച മൈ (12.7 ച.കി.മീ.) | ||
• ഭൂമി | 4.8 ച മൈ (12.4 ച.കി.മീ.) | ||
• ജലം | 0.1 ച മൈ (0.3 ച.കി.മീ.) | ||
ഉയരം | 138 അടി (42 മീ) | ||
(2010) | |||
• ആകെ | 15,541 | ||
• കണക്ക് (2018)[1] | 14,523 | ||
• ജനസാന്ദ്രത | 3,200/ച മൈ (1,200/ച.കി.മീ.) | ||
സമയമേഖല | UTC-5 (EST) | ||
• Summer (DST) | UTC-4 (EDT) | ||
ZIP code | 12508 | ||
ഏരിയ കോഡ് | 845 | ||
FIPS code | 36-05100 | ||
GNIS feature ID | 0977521 | ||
വെബ്സൈറ്റ് | City of Beacon |
ബ്രിട്ടീഷ് സൈനിക നീക്കങ്ങളെക്കുറിച്ച് കോണ്ടിനെന്റൽ ആർമിക്ക് മുന്നറിയിപ്പ് നൽകുന്നതിനായി ഫിഷ്കിൽ പർവതനിരകളുടെ കൊടുമുടിയിൽ നിന്ന് കത്തിച്ചിരുന്ന ചരിത്രപരമായ അഗ്നിജ്വാലയുടെ സ്മരണയ്ക്കായിട്ടാണ് നഗരത്തിന് ഈ പേര് നൽകിയിരിക്കുന്നത്. യഥാർത്ഥത്തിൽ ഹഡ്സൺ നദിയോരത്ത് സ്ഥിതിചെയ്തിരുന്ന ഒരു വ്യാവസായിക നഗരമായിരുന്ന ബീക്കൺ 2003-ൽ അമേരിക്കയിലെ ഏറ്റവും വലിയ ആധുനിക ആർട്ട് മ്യൂസിയങ്ങളിലൊന്നായ ഡയ: ബീക്കണിന്റെ ആഗമനത്തോടെ ഒരു പുനരുജ്ജീവനത്തിന് തുടക്കം കുറിച്ചു. സമീപകാല വളർച്ചയും വികസനവും മേഖലാപരമായ പ്രശ്നങ്ങളാൽ സംവാദങ്ങൾ സൃഷ്ടിച്ചു.[3]
ബീക്കൺ എന്നറിയപ്പെടുന്ന പ്രദേശം 1709-ൽ യൂറോപ്യൻ കുടിയേറ്റക്കാർ മാട്ടിവാൻ, ഫിഷ്കിൽ ലാൻഡിംഗ് ഗ്രാമങ്ങളായി അധിവസിച്ചിരുന്നിടമായിരുന്നു. രാജ്യത്തെ ആദ്യത്തെ കൊളോണിയൽ സമൂഹങ്ങളിൽ ഒന്നായിരുന്നു അവ. മിഡ്-ഹഡ്സൺ മേഖലയിലെ ഡച്ചസ് കൗണ്ടിയുടെ തെക്കുപടിഞ്ഞാറേ കോണിൽ അൽബാനിക്ക് ഏകദേശം 90 മൈൽ (140 കിലോമീറ്റർ) തെക്കായും ന്യൂയോർക്ക് നഗരത്തിന് 60 മൈൽ (97 കിലോമീറ്റർ) വടക്കായുമാണ് ബീക്കൺ നഗരം സ്ഥിതിചെയ്യുന്നത്.