![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/12/US_Navy_100217-N-7032B-023_Capt._David_J._Tanzer%252C_specialty_leader_of_Navy_Refractive_Surgery_and_director_of_Refractive_Surgery_Program_at_Naval_Medical_Center_San_Diego%252C_performs_a_photorefractive_keratectomy_%2528PRK%2529_at_Naval_T.jpg/640px-thumbnail.jpg&w=640&q=50)
റിഫ്രാക്റ്റീവ് സർജറി
കാഴ്ച വൈകല്യങ്ങൾ തിരുത്തുന്നതിനുള്ള ശസ്ത്രക്രിയ / From Wikipedia, the free encyclopedia
കാഴ്ച വൈകല്യങ്ങൾ ഉള്ള രോഗികളിൽ കണ്ണട അല്ലെങ്കിൽ കോൺടാക്റ്റ് ലെൻസുകൾ ഒഴിവാക്കി മെച്ചപ്പെട്ട കാഴ്ച നൽകുന്നതിനു വേണ്ടി നടത്തുന്ന ശസ്ത്രക്രിയകളാണ് റിഫ്രാക്റ്റീവ് സർജറി എന്ന് അറിയപ്പെടുന്നത്. ശസ്ത്രക്രിയയിലൂടെയുള്ള കോർണിയയുടെ പുനർനിർമ്മാണം (കെരാറ്റോമൈലൂസിസ്), കണ്ണിനുള്ളിൽ ലെൻസ് സ്ഥാപിക്കൽ അല്ലെങ്കിൽ കണ്ണിലെ സ്വാഭാവിക ലെൻസ് മാറ്റിസ്ഥാപിക്കൽ എന്നിവ ഇതിൽ ഉൾപ്പെടുന്നു. കോർണിയയുടെ വക്രത പുനർനിർമ്മിക്കുന്നതിനുള്ള ഇന്ന് ഏറ്റവും സാധാരണമായ രീതി എക്സൈമർ ലേസർ ഉപയോഗിക്കുന്നതാണ്. വിജയകരമായ റിഫ്രാക്റ്റീവ് നേത്ര ശസ്ത്രക്രിയയ്ക്ക് ഹ്രസ്വദൃഷ്ടി (മയോപിയ), ദീർഘദൃഷ്ടി (ഹൈപ്പർമെട്രോപ്പിയ/ഹൈപ്പറോപ്പിയ), വെള്ളെഴുത്ത് (പ്രെസ്ബയോപിയ), അസ്റ്റിഗ്മാറ്റിസം തുടങ്ങിയ സാധാരണ കാഴ്ച വൈകല്യങ്ങൾ കുറയ്ക്കാനോ പരിഹരിക്കാനോ കഴിയും.
വസ്തുതകൾ Refractive surgery, Specialty ...
Refractive surgery | |
---|---|
![]() Surgeon performing a photorefractive keratectomy (PRK) | |
Specialty | ophthalmology optometry |
അടയ്ക്കുക