![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a7/Hypermetropia_color.svg/langml-640px-Hypermetropia_color.svg.png&w=640&q=50)
ദീർഘദൃഷ്ടി
From Wikipedia, the free encyclopedia
അക്കൊമഡേഷൻ പൂർണ്ണമായും ഇല്ലാത്ത അവസ്ഥയിൽ, ദൂരെയുള്ള വസ്തുക്കളുടെ പ്രതിബിംബം റെറ്റിനയിൽ വീഴേണ്ടതിനു പകരം റെറ്റിനക്കു പിന്നിൽ വീഴുന്ന അവസ്ഥയുണ്ടാകുന്ന ഒരു കാഴ്ചവൈകല്യം ആണ് ദീർഘദൃഷ്ടി എന്ന് അറിയപ്പെടുന്നത്. കണ്ണിന്റെ നീളം കുറയുന്നതു മൂലമോ കോർണ്ണിയയുടെയോ കണ്ണിലെ ലെൻസിന്റെയോ വക്രത കുറയുന്നത് മൂലമോ ഇത് സംഭവിക്കാം. സാധാരണ ആംഗലേയ ഭാഷയിൽ Farsightedness, Longsightedness എന്നിങ്ങനെ വിളിക്കപ്പെടുന്നു. വൈദ്യശാസ്ത്രത്തിൽ ഹൈപ്പർമെട്രോപ്പിയ (Hypermetropia), ഹൈപ്പറോപ്പിയ (Hyperopia) എന്നീ പേരുകളിൽ വിശദീകരിക്കപ്പെടുന്നു.
ദീർഘദൃഷ്ടി | |
---|---|
മറ്റ് പേരുകൾ | ഹൈപ്പർമെട്രോപ്പിയ, ഹൈപ്പറോപ്പിയ |
![]() | |
ദീർഘദൃഷ്ടി (മുകളിൽ), കോൺവെക്സ് ലെൻസ് ഉപയോഗിച്ച് വൈകല്യം പരിഹരിക്കുന്നു (താഴെ) | |
സ്പെഷ്യാലിറ്റി | നേത്രവിജ്ഞാനം, ഒപ്റ്റോമെട്രി |
ലക്ഷണങ്ങൾ | സമീപ കാഴ്ചയിലെ പ്രയാസങ്ങൾ |
സങ്കീർണത | ആംബ്ലിയോപ്പിയ, കോങ്കണ്ണ് |
കാരണങ്ങൾ | നീളം കുറഞ്ഞ കണ്ണ്, വക്രത കുറഞ്ഞ കോർണിയ അല്ലെങ്കിൽ ലെൻസ് |
അപകടസാധ്യത ഘടകങ്ങൾ | പാരമ്പര്യം |
ഡയഗ്നോസ്റ്റിക് രീതി | നേത്ര പരിശോധന |
ഡിഫറൻഷ്യൽ ഡയഗ്നോസിസ് | വെള്ളെഴുത്ത് |
Treatment | കണ്ണടകൾ, കൊണ്ടാക്റ്റ് ലെൻസ്, സർജറി |
ദൂരെയുള്ള വസ്തുക്കൾ കാണുന്നതിന് തകരാറൊന്നുമില്ലാതിരിക്കുകയും അടുത്തുള്ള വസ്തുക്കൾ ശരിയായി കാണാനാകാതിരിക്കുകയും ചെയ്യുന്ന അവസ്ഥ എന്ന അർഥത്തിലാണ് ഇത് ദീർഘദൃഷ്ടി എന്ന് വിളിക്കപ്പെടുന്നത്. പക്ഷെ, ചെറിയ അളവിലുള്ള ദീർഘദൃഷ്ടിയിൽ സമീപ കാഴ്ച മങ്ങണമെന്നില്ല, അതുപോലെ കൂടിയ അളവിലുള്ള ദീർഘദൃഷ്ടിയിൽ എല്ലാ അകലത്തിലുമുള്ള കാഴ്ച മങ്ങിയതാകാം.