![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/77/Antarctica_Station_Map.png/640px-Antarctica_Station_Map.png&w=640&q=50)
ഭാരതി
From Wikipedia, the free encyclopedia
ദക്ഷിൺ ഗംഗോത്രി, മൈത്രി ഗവേഷണകേന്ദ്രം എന്നീ പര്യവേക്ഷണ കേന്ദ്രങ്ങൾക്കുശേഷം അന്റാർട്ടിക്കയിൽ പ്രവർത്തനമാരംഭിച്ച മൂന്നാമത്തെ ഇന്ത്യൻ പര്യവേക്ഷണ കേന്ദ്രമാണ് ഭാരതി[1] . 2012 മാർച്ച് 18 നാണ് തുടക്കമിട്ട പ്രവർത്തനങ്ങളുടെ ഔപചാരിക ഉദ്ഘാടനം അന്റാർട്ടിക്കയിലെ വേനൽക്കാലമായ നവംബർ 2012 ന് പ്രതീക്ഷിക്കുന്നു. ഭൗമചരിത- സമുദ്രശാസ്ത്രപഠനങ്ങൾക്കായാണ് ഭാരതി നിർമ്മിക്കപ്പെട്ടിരിക്കുന്നത്. 2011 ഒക്ടോബർ 26ന് യാത്ര തിരിച്ച ഇന്ത്യയുടെ 30-ാമത് അന്റാർട്ടിക്ക പര്യവേക്ഷണസംഘമാണ് ഇതിന്റെ പ്രവർത്തനങ്ങൾക്ക് അവസാന രൂപം നൽകുന്നത്.
1984 ൽ പ്രവർത്തിച്ചു തുടങ്ങിയ ദക്ഷിണഗംഗോത്രി ഇപ്പോൾ പ്രവർത്തിക്കുന്നില്ല.മഞ്ഞിൽ മൂടിപ്പോയ ഈ കേന്ദ്രം രണ്ടാമത്തെ കേന്ദ്രമായ മൈത്രി പ്രവർത്തിച്ചു തുടങ്ങി ഒരു വർഷത്തിനു ശേഷം 1990 ൽ പ്രവർത്തനം നിർത്തി. [2] ഇതിപ്പോൾ സൂക്ഷിപ്പ് കേന്ദ്രമാണ്.
![Thumb image](http://upload.wikimedia.org/wikipedia/commons/thumb/7/77/Antarctica_Station_Map.png/640px-Antarctica_Station_Map.png)
അന്റാർട്ടിക് വൃത്തത്തിൽ ഒന്നിൽ കൂടുതൽ ഗവേഷണ സ്ഥാപനങ്ങളുള്ള ഒൻപത് രാജ്യങ്ങളിൽ ഒന്നാണ്, ഭാരതം.അർജന്റീന, ആസ്ത്രേലിയ, ചൈന, ചിലി, ഫ്രാൻസ്, റഷ്യ, ബ്രിട്ടൻ, അമേരിക്ക എന്നിവയാണ് മുറ്റുള്ളവ.