![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9d/King_Amanullah_Khan.jpg/640px-King_Amanullah_Khan.jpg&w=640&q=50)
നിളാം നാമെ
From Wikipedia, the free encyclopedia
അഫ്ഗാനിസ്താനിലെ ആദ്യത്തെ എഴുതപ്പെട്ട ഭരണഘടനയാണ് നിളാം നാമെ എന്നറിയപ്പെടുന്നത്. 1923-ൽ ഏപ്രിലിൽ അമീർ അമാനുള്ള ഖാന്റെ ഭരണകാലത്താണ് ഈ ഭരണഘടന നിലവിൽ വന്നത്. അന്നത്തെ അഫ്ഗാൻ രാഷ്ട്രീയത്തിൽ വളരെ സ്വാധീനമുള്ള വ്യക്തിയും അമാനുള്ളയുടെ ഭാര്യാപിതാവുമായ മഹ്മൂദ് താർസിയുടെ പരിഷ്കരണ-പാൻ ഇസ്ലാമിക ആശയങ്ങൾ ഉൾക്കൊള്ളുന്നതായിരുന്നു ഈ ഭരണഘടന. ഇസ്ലാമുമായുള്ള ബന്ധം നിലനിർത്തിക്കൊണ്ടുതന്നെ അഫ്ഗാനിസ്താനെ ഒരു ആധുനികരാജ്യമാക്കുന്നതിന് ഈ ഭരണഘടന വിഭാവനം ചെയ്തു.
![Thumb image](http://upload.wikimedia.org/wikipedia/commons/thumb/9/9d/King_Amanullah_Khan.jpg/640px-King_Amanullah_Khan.jpg)
എന്നാൽ 1924-ൽ ഉടലെടുത്ത ഖോസ്ത് കലാപത്തെത്തുടർന്ന്, അമാനുള്ള ഖാൻ, മതനേതാക്കൾക്ക് വഴങ്ങുകയും ഈ ഭരണഘടനയിലെ പല പരിഷ്കരണവ്യവസ്ഥകളിലും ഇളവുവരുത്തുകയും ചെയ്തു.[1]