![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7b/Carmel_Monterey_Cypress.jpg/640px-Carmel_Monterey_Cypress.jpg&w=640&q=50)
കാർമൽ-ബൈ-ദ സീ
From Wikipedia, the free encyclopedia
കാർമൽ-ബൈ-ദ-സീ /ˈkɑːrməl/ (പലപ്പോഴും കാർമെൽ എന്നു വിളിക്കപ്പെടുന്നു) അമേരിക്കൻ ഐക്യനാടുകളിലെ കാലിഫോർണിയ സംസ്ഥാനത്തെ മോൺടെറി കൌണ്ടിയിൽ സ്ഥിതിചെയ്യന്ന ഒരു നഗരമാണ്. ഇത് 1902 ൽ സ്ഥാപിക്കപ്പെടുകയും 1916 ഒക്ടോബർ 31 ന് നഗരപദവി ലഭിക്കുകയും ചെയ്തു. മോൺടെറിയെ ഉപദ്വീപിൽ സ്ഥിതി ചെയ്യുന്ന കാർമൽ നഗരം അതിന്റെ പ്രകൃതിസൗന്ദര്യത്താലും സമ്പന്നമായ കലാപരമായ ചരിത്രത്തിന്റ പേരിലും അറിയപ്പെടുന്നു.
കാർമൽ-ബൈ-ദ-സീ, കാലിഫോർണിയ Carmel | |
---|---|
General law city[1] | |
![]() View towards the city's white-sand beach with an old Monterey Cypress in the foreground | |
![]() Location of Carmel-by-the-Sea in Monterey County, California. | |
Coordinates: 36°33′19″N 121°55′24″W | |
Country | United States |
State | California |
County | Monterey |
Incorporated | October 31, 1916[2] |
• Mayor | Steve Dallas[3] |
• State Senator | Bill Monning (D)[4] |
• State Assembly | Mark Stone (D)[4] |
• U.S. Rep. | Jimmy Panetta (D)[5] |
• ആകെ | 1.08 ച മൈ (2.80 ച.കി.മീ.) |
• ഭൂമി | 1.08 ച മൈ (2.80 ച.കി.മീ.) |
• ജലം | 0.00 ച മൈ (0.00 ച.കി.മീ.) 0% |
ഉയരം | 223 അടി (68 മീ) |
• ആകെ | 3,722 |
• കണക്ക് (2016)[9] | 3,891 |
• ജനസാന്ദ്രത | 3,602.78/ച മൈ (1,390.84/ച.കി.മീ.) |
സമയമേഖല | UTC-8 (Pacific) |
• Summer (DST) | UTC-7 (PDT) |
ZIP codes[10] | 93921–93923 |
Area code | 831 Exchanges: 620,622,624,625,626 |
FIPS code | 06-11250 |
GNIS feature IDs | 1658224, 2409987 |
വെബ്സൈറ്റ് | ഔദ്യോഗിക വെബ്സൈറ്റ് ![]() |
1906 ൽ ‘സാൻ ഫ്രാൻസിസ്കോ കോൾ’ എന്ന പ്രസിദ്ധീകരണം "കർമൽ-ബൈ-ദ-സീ" യിലെ കലാകാരന്മാർ, എഴുത്തുകാർ, കവികൾ എന്നിവരെക്കുറിച്ചു പരാമർശിക്കുന്ന ഒരു മുഴുവൻ പേജ് ലേഖനം പ്രസിദ്ധീകരിക്കുകയും അത് കലാകാരന്മാർക്കായി സമർപ്പിച്ചിക്കുകയും ചെയ്തിരുന്നു. സൌന്ദര്യകലകളുമായി ബന്ധപ്പട്ട ജോലികൾക്കായി ജീവിതം സമർപ്പിച്ചിരിക്കുന്ന പൌരന്മാർ നിർമ്മിച്ചതാണ് കാർമൽ നഗരത്തിലെ 60 ശതമാനം ഭവനങ്ങളുമെന്നാണ് 1910 ൽ പ്രസിദ്ധീകരിക്കപ്പെട്ട ഒരു റിപ്പോർട്ട് വെളിവാക്കുന്നത്. ഫോറസ്റ്റ് തീയേറ്ററിന്റെ സ്ഥാപകനായിരുന്ന ഹെർബർട്ട ഹെറോൺ, ബൊഹീമിയൻ എഴുത്തുകാരനും നടനുമായിരുന്ന പെറി ന്യൂബെറി, നടനും സംവിധായകനുമായിരുന്ന ക്ലിന്റ് ഈസ്റ്റ്വുഡ് തുടങ്ങിയവരുൾപ്പെടെ കവികളോ, അല്ലെങ്കിൽ അഭിനേതാക്കളോ ആയി നിരവധി മേയർമാർ മുൻകാലത്ത് നഗരത്തെ നയിച്ചിരുന്നു. നായകളുമായി സൗഹൃദം പുലർത്തുന്നതിന് പേരുകേട്ട സ്ഥലമായ ഇവിടെ നിരവധി ഹോട്ടലുകൾ, റെസ്റ്റോറന്റുകൾ, റീട്ടെയിൽ സ്ഥാപനങ്ങൾ എന്നിവയിലേയ്ക്ക് നായ്ക്കളോടൊപ്പം എത്തുന്ന അതിഥികളെ അംഗീകരിക്കുന്നു. അനുമതിയില്ലാതെ ഹൈ ഹീൽ ഷൂകൾ ധരിക്കുന്നതിനുള്ള നിരോധനം പോലെയുള്ള അസാധാരണങ്ങളായ ചില നിയമങ്ങളുടെ പേരിലും കാർമൽ അറിയപ്പെടുന്നു. കർമ്മൽ-ബൈ-ദ-സീ നഗരം പസഫിക് തീരത്ത്, ലോസ് ആഞ്ചലസിന് 330 മൈൽ (530 കിലോമീറ്റർ) വടക്കായും, സാൻ ഫ്രാൻസിസ്കോയ്ക്ക് ഏകദേശം 120 മൈൽ (190 കിലോമീറ്റർ) തെക്കായുമാണ് സ്ഥിതിചെയ്യുന്നത്. 2000 ലെ സെൻസസിൽ 4,081 ആയിരുന്ന ഈ നഗരത്തിലെ ജനസംഖ്യ 2010 ലെ സെൻസസ് പ്രകാരം 3,722 ആയി കുറഞ്ഞിരുന്നു.