Шопска салата

Шопска салата — едно од македонските традиционални предјадења, а освен тоа карактеристична е и за Бугарија и Србија. За потекло на оваа салата се зема регионот околу Шоплук препознатлив по доброто сирење што жителите го користеле во најразлични јадења.^[1]

Шопска салата

Македонска шопска салата
Дел од оброкот	предјадење
Регион	Балкан
Главни состојки	домат, краставица, кромид, пипер, сирење

Шопската салата е една од најомилените македонски салати

Состојки

Во прилог се прикажани основните состојки за една голема чинија од оваа салата. Количината на салатата се менува во зависност од потребите.

• 500 г домати
• 3 главици кромид
• 1 зелена лута пиперка
• 200 грама овчо сирење
• 2 краставици
• масло
• сол

Начин на приготвување

Доматите и излупените краставици исечете ги на коцки, а кромидот исечкајте го ситно. Посолете ги, налејте ги со масло и лесно измешајте. Одозгора ставете ја ситно сечканата лута пиперка и нарендајте го сирењето.

Галерија

• 
  Шопска салата
• 
  Макадонска шопска салата
• 
  Шопска салата со ракија
• 
  Шопска салата

Наводи

1. „Рецепт за шопска салата“. Сè за храна. 2015-02-23. Посетено на 2020-01-08.

Надворешни врски

• Шопска салата на Ризницата ^?