![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/da/Bundesarchiv_Bild_183-R99621%252C_Heinrich_Himmler.jpg/640px-Bundesarchiv_Bild_183-R99621%252C_Heinrich_Himmler.jpg&w=640&q=50)
Хајнрих Химлер
From Wikipedia, the free encyclopedia
Хајнрих Химлер (германски: Heinrich Luitpold Himmler; 7 октомври 1900 - 23 мај 1945 ) — главниот заповедник на нацистичката паравоена организација Ес-Ес (Schutzstaffel, SS, Шуцштафел) и еден од најмоќните луѓе во Нацистичка Германија, втор по моќ, зад Адолф Хитлер, во хиерархијата на Нацистичката партија. Како рајхсфирер (Reichsführer, Царски водач) на СС, управувал со СС и Гестапо. Како основач и главен управувач со нацистичките концентрациони логори и одредите на смртта Ајнзацгрупен (Einsatzgruppen), Химлер ја имал главната одговорност за истребувањето на „подлуѓето“ кои биле недостојни за живот. Кратко пред крајот на војната, тој понудил да ја предаде цела Германија на Сојузниците, ако го поштедат од судење како нацистички водач. Подоцна во 1945, Химлер извршил самоубиство со цијанид кога станал заробеник на британската армија откако Германија ја загубила Втората светска војна.
Хајнрих Химлер Heinrich Himmler | |
![]() | |
Роден | 7 октомври 1900 Минхен |
---|---|
Умрел | 23 мај 1945 Линебург |
Политичка партија | Националсоцијалистичка германска работничка партија (НСДАП) |