Филолошкиот факултет „Блаже Конески“ при Универзитетот „Св. Кирил и Методиј“ во Скопје е највисока образовна и научна и јавна установа од областа на филолошките науки во Република Македонија. Наречен е по истакнатниот книжевник и јазичар Блаже Конески (1921-1993) — еден од првите негови професори.
 | |
| Вид | државен |
|---|---|
| Основан | 1974 |
| Декан | д-р Владимир Мартиновски |
| Место | Скопје, Македонија |
| flf.ukim.mk | |
Основање
Филолошкиот факултет бил основан со закон што го донела Владата на НР Македонија за организирање универзитет во Скопје во 1945 година и со посебно решение во 1946 година. Првиот декан бил Михаил Петрушевски, а првите предавања започнале на 16 декември 1946 како дел од тогашниот прв македонски факултет - филозофскиот факултет, кој е темелник на тогаш идниот македонски универзитет, денешниот „Св. Кирил и Методиј”. Денес факултетот постои веќе 63 години, а како самостојна институција од 1974. Во 1995 година Филолошкиот факултет бил преименуван во Филолошки факултет „Блаже Конески“.
Први професори
Првите петмина професори на Филолошкиот факултет на универзитетот во Скопје биле:
- Блаже Конески
- Михаил Петрушевски
- Харалампие Поленаковиќ
- Ѓорѓи Шоптрајанов
- Љубен Лапе
Катедри
Додипломските студии на факултетот траат четири години, а од 2005 година наставата се изведува според критериумите на европскиот кредит трансфер систем и Болоњската декларација. Наставно-научната работа на факултетот се изведува преку единаесет катедри на првиот циклус студии[1]:
- Катедра за македонски јазик и јужнословенски јазици
- Македонски јазик
- Словенечки јазик и книжевност
- Хрватски јазик и книжевност
- Катедра за македонска книжевност и јужнословенски книжевности
- Катедра за албански јазик и книжевност.
- Катедра за турски јазик и книжевност
- Катедра за славистика
- Руски јазик и книжевност
- Полски јазик и книжевност
- Чешки јазик и книжевност
- Двојазични славистички студии
- Катедра за романски јазици и книжевности
- Француски јазик и книжевност
- Шпански јазик и книжевност
- Романски јазик и книжевност
- Катедра за германски јазик и книжевност
- Катедра за англиски јазик и книжевност
- Катедра за општа и компаративна книжевност
- Катедра за преведување и толкување
- Катедра за италијански јазик и книжевност
Постојат исто така уште два оддела:
- Оддел за настава по странски јазик на нематичните факултети
- Центар за тестирање и сертифицирање на македонскиот јазик
Покрај јазиците на катедрите, на факултетот се изучуваат и следниве јазици[2]:
Вториот циклус студии е организиран во четири научни области[3]:
- Македонски јазик
- Македонска книжевност
- Наука за јазик (албански, турски, англиски, германски, романистика, славистика)
- Наука за книжевност (општа и компаративна, албанска, англиска, турска, германска, романистика, славистика)
- Конференциско толкување
На третиот циклус студии се нудат три студиски програми[4]:
- Наука за јазик
- Наука за книжевност
- Македонистика
Библиотека
Филолошкиот факултет располага со девет библиотеки при соодветните катедри. Библиотеките располагаат со богат фонд на книги и списанија што го користат голем број студенти, наставници и научни работници од факултетот и надвор од него. Фондот на книги и списанија се обновува постојано со средства на факултетот, но и со донации на странски амбасади, културни центри и други институции на земји чии јазици се изучуваат на филолошкиот факултет.
Издавачка дејност
Факултетот има и издавачка дејност. Покрај издавањето учебници за потребите на наставата, разни информативни и прирачни книги за студентите, се издаваат и низа монографски трудови од разни области на филолошките науки, речници и други лексикографски трудови. Активно се издаваат списанијата „Славистички студии“ и „Современа филологија“.[5]
Извори
Надворешни врски
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
