Тринидад
From Wikipedia, the free encyclopedia
From Wikipedia, the free encyclopedia
Тринидад (шпански: Trinidad = „Троица“) — поголемиот и понаселениот остров од двата најголеми острови на Тринидад и Тобаго. Островот се наоѓа на 11 км од североисточниот брег на Венецуела и се наоѓа на континенталниот праг на Јужна Америка. Често се нарекува најјужниот остров во Западните Инди. Со површина од 4768 км2, тој е петти по големина остров во Западни Инди.
| Наречен и: Земја на колибрите | |
|---|---|
 Карта на Тринидад и Тобаго | |
| Географија | |
| Место | Источни Кариби |
| Координати | 10°27′38″N 61°14′55″W |
| Површина | 4,768 км2 |
| Највисоко место | 940 м |
| Највисока точка | Ел Серо дел Арипо |
| Држава | |
| Остров | Тринидад |
| Главен | Порт оф Спејн |
| Демографија | |
| Население | 1,267,145[1] (2011) |
| Густина | 266 /km2 (689 /sq mi) |
| Дополнителни податоци | |
| Часовен појас |
|
Поранешното име на островот на јазикот на Араваците бил Iëre што значи „Земја на колибрите“.[2] Кристофер Колумбо го преименувал во La Isla de la Trinidad („Остров на Тројството“), со што го исполнил заветот што го дал пред да тргне на третото патување.[3] Подоцна името е скратено на Тринидад.
Карибите и Араваците живееле на Тринидад долго пред Кристофер Колумбо да пристигне на островот на неговото трето патување на 31 јули 1498 година. Островот бил шпански до 1797 година, но бил претежно населен од француски колонисти од француските Кариби, најчесто од Мартиник.[4] Во 1889 година Тринидад заедно со Тобаго станале единствена колонија на британската круна. На Тринидад и Тобаго му била доделена самоуправа во 1958 година и независност од Обединетото Кралство во август 1962 година.[5]
На островот се наоѓаат три ридски венци: северниот, централниот и јужниот венец, три мочуришта и низините Карони и Напарима. Поголеми реки се Карони, Северен и Јужен Оропуче и Ортоар. Има и многу плажи и водопади. Тринидад има две годишни времиња во една календарската година: сезона на дождови и сушна сезона. Ел Серо дел Арипо со 940 метри е највисок врв на Тринидад. Тој е дел од планината Арипо и се наоѓа во северниот планински венец на островот, североисточно од градот Арима.[6]
Според пописот на Тринидад и Тобаго во 2011 година, таму живееле 35,43% Индијци, 34,22% Африканци, 7,66% мешани Африканци и Источни Индијци и 15,16% други мешани. Венецуела има големо влијание врз културата на Тринидад, како прифаќањето на музичкиот стил паранг на островот.[7][8][9]
Островот Тринидад има богата биоразновидност.[10] Фауната е најчесто од јужноамериканско потекло. Има околу 100 видови цицачи, меѓу кои се и гвајскиот црвен завивач (лат. Alouatta macconnelli), огрличестиот пекар (лат. Dicotyles tajacu), црвена мазама (лат. Mazama americana), оцелот и околу 70 видови лилјаци.[11] Има преку 400 видови птици, меѓу кои се и ендемичниот тринидадскиот гуан (лат. Pipile pipile). Влекачите се многу чести, со околу 92 регистрирани видови, меѓу кои се и најголемата змија во светот, зелената анаконда, очилениот кајман и еден од најголемите гуштери во Америка, зелената игуана. Тринидад е најголемо место во западната полутопка каде се гнездат кожестите желки (лат. Dermochelys coriacea); се гнездат на источните и северните плажи на Тринидад. Регистрирани се 37 видови жаби и околу 43 видови слатководни риби. Се проценува дека има најмалку 80.000 членконоги и најмалку 600 видови пеперутки.[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
