![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/91/Rabindranath_Tagore_in_1909.jpg/640px-Rabindranath_Tagore_in_1909.jpg&w=640&q=50)
Рабиндранат Тагоре
Бенгалски поет и филозоф / From Wikipedia, the free encyclopedia
Рабиндранат Тагоре (7 мај 1861- 7 август 1941), наречен Гурудев, е Бенгалски поет, романописец, музичар, сликар и драмски писател кој имал големо влијание врз Бенгалската литература и музика. Во 1913 година ја добил Нобеловата награда за книжевност[1] за делото ‘Гитанџали’. Тој бил духовен поет кој рано се прославил на Западот но неговата ‘едноставна но магична поезија’[2] сѐ уште останува неразбрана надвор од границите на Бенгал[1]. Уште од својата осма година[3] Тагоре започнал со пишување на поеми. На шеснаесет години, ја објавил својата прва збирка поезија под псевдонимот Банушинго(‘Сончевиот лав’[4][5]) и ги напишал првите раскази и драми во 1877 година. Тагоре бил против Британска Индија и ја поддржувал идејата за независност и се борел за истата преку Универзитетот Висва-Барати, чиј основач бил тој. Тагоре ги модернизирал старомодните класични форми на бенгалска уметност. Неговите новели, приказни, песни, театарски претстави, и есеи опфаќаат теми од политичкиот и секојдневниот живот. Меѓу неговите најдобри дела се вбројуваат Гитанџали, Гора и Дом и свет , а неговите стихови, раскази и новели се препознатливи по лириката, колоквализмот, натурализмот и контемплацијата. Воедно, Тагоре е единствениот книжевник кој има напишано химни за две држави, а тоа се: Џана Гана Мана- индиската државна химна и Амар Шонар Бангла- бангладешката државна химна.
Рабиндранат Тагоре | |
---|---|
![]() | |
Псевдоним | Гурудев/Бану Шинго |
Занимање | поет, писател, професор |
Националност | Индиец |
Народност | Бенгалец |
Жанр | поет, романописец, раскажувач, есеист, драмски писател, едукатор, духовник, филозоф, интернационалист, сликар, културен релативист, оратор, композитор, пејач, уметник |
Предмет | книжевност |
Книжевно движење | Бенгалско ренесансно движење |
Значајни дела | Gitanjali Gora Ghare-Baire |
Значајни награди | Нобелова награда за книжевност 1913 |
Сопруг/а | Мриналини Деви (1883–1900) |
Потпис | ![]() |