From Wikipedia, the free encyclopedia
Пласман за млад возач на Тур де Франс — еден од пласманите на велосипедската трка Тур де Франс, кој постои од 1975 година. Освен во периодот 1989-1999, предводникот на пласманот за млад возач ја носел белата маичка. Условите за да можеш да учествуваш во пласманот за млад возач се менувале низ текот на годините, но секогаш биле такви да искусните велосипедисти не можат да учествуваат, понекогаш исклучувајќи ги велосипедистите по одредена возраст, велосипедисти кои претходно настапиле на Тур де Франс или велосипедисти кои биле професионалци повеќе од две години. Во поново време, само велосипедисти под 26-годишна возраст смеат да учествуваат во пласманот.
Детали за наградата | |
---|---|
Спорт | Друмски велосипедизам |
Натпреварување | Тур де Франс |
Доделена за | најдобар млад возач |
Локално име | Maillot blanc (француски) |
Историја | |
Прва награда | 1975 |
Изданија | 45 (до 2019) |
Прв победник | Франческо Мозер (ИТА) |
Најмногу победи | Јан Улрих (ГЕР) Анди Шлек (ЛУК)
|
Најнов победник | Еган Бернал (КОЛ) |
Од 1968 до 1975, се доделувала белата маичка на Тур де Франс за предводникот во комбинираниот пласман (најдобар возач во генералниот, бодовниот и планинскиот пласман). Во 1975 година, овој пласман бил отстранет и заменет со пласманот за најдобар млад возач. Секој нов професионалец (помалку од три години професионално возење) учествувал во овој пласман, кој бил пресметуван користејќи ги резултатите од генералниот пласман.[1] Предводникот во пласманот за млад возач ја носел белата маичка.
Правилата за пласманот за млад возач се измениле во 1983 година, кога пласманот бил отворен само за натпреварувачите кои возат по првпат, но во 1987 година било изменето и им бил дозволено учество на сите велосипедисти помлади од 26 години до 1 јануари истата година како трката.[2] Во периодот 1989-1999, белата маичка повеќе не се доделувала, иако пласманот бил сè уште пресметуван. Од 2000, белата маичка повторно била доделувана, отворена за сите велосипедисти помлади од 26 години до 1 јануари истата година како трката. Во 1997 година, името на пласманот било официјално променето во „Сувенир Фабио Казартели“.[3] Чешкиот автомобилски производител Шкода е спонзор на белата маичка откога го преземал спонзорството на Тур де Франс од ФИАТ во 2003.
Откако бил воведен пласманот за млад возач во 1975 година, бил освоен од 29 различни велосипедисти. Од нив, шест велосипедисти, исто така, ја освоиле жолтата маичка во текот на нивните кариери (Фињон, Лемонд, Пантани, Улрих, Контадор и Шлек). Во четири случаи, велосипедист кој го освоил пласманот за млад возач, го освоил и генералниот пласман во истата година — Фињон во 1983, Улрих во 1997, Контадор во 2007 и Шлек 2010. Единствениот велосипедист кој го освоил пласманот за млад возач и планинскиот пласман во истата година е Наиро Кинтана во 2013 година. Единствените велосипедисти кои го освоиле пласманот за млад возач повеќепати се Марко Пантани (двапати), Улриј (трипати — исто така завршувајќи прв или втор во генералниот пласман на сите овие трки) и Анди Шлек (трипати).[4]
Година | Велосипедист | Екипа | Место во ГП |
---|---|---|---|
1975 | Франческо Мозер (ИТА) | Филотекс | 7. |
1976 | Енрике Мартинес-Ередија (ШПА) | Кас-Кампањоло | 23. |
1977 | Дитрих Турау (ГЕР) | ТИ-Рали | 5. |
1978 | Хенк Лубердинг (ХОЛ) | ТИ-Рали | 8. |
1979 | Жан-Рене Бернодо (ФРА) | Рено | 5. |
1980 | Јохан ван дер Велде (ХОЛ) | ТИ-Рали | 12. |
1981 | Петер Винен (ХОЛ) | Капри Зоне | 5. |
1982 | Фил Андерсон (АВС) | Пежо | 5. |
1983 | Лорен Фињон (ФРА) | Рено | 1. |
1984 | Грег Лемонд (САД) | Рено | 3. |
1985 | Фабио Пара (КОЛ) | Кафе де Колумбија | 8. |
1986 | Ендру Хемпстен (САД) | Ла Вие Клер | 4. |
1987 | Раул Алкала (МЕК) | 7-11 | 9. |
1988 | Ерик Брекинк (ХОЛ) | Панасоник | 12. |
1989 | Фабрис Филипо (ФРА)[5] | Тошиба | 24. |
1990 | Жил Делион (ФРА) | Хелветија | 15. |
1991 | Алваро Мехија (КОЛ) | Ријалко | 19. |
1992 | Еди Бувманс (ХОЛ) | Панасоник-Спортлајф | 14. |
1993 | Мартин Веласко (ШПА) | Амаја Сегурос | 12. |
1994 | Марко Пантани (ИТА) | Карера Џинс-Тасони | 3. |
1995 | Тур де ФрансMarco Pantani (ITA) | Карера Џинс-Тасони | 13th |
1996 | Јан Улрих (ГЕР) | Тим Телеком | 2. |
1997 | Јан Улрих (ГЕР) | Тим Телеком | 1. |
1998 | Јан Улрих (ГЕР) | Тим Телеком | 2. |
1999 | Беноа Салмон (ФРА) | Казино-Аг2р Превојанс | 16. |
2000 | Франсиско Мансебо (ШПА) | Банесто | 9. |
2001 | Оскар Севиља (ШПА) | Келме-Коста Бланка | 7. |
2002 | Иван Басо (ИТА) | Фаса Бортоло | 11th |
2003 | Денис Мењшов (РУС) | иБанесто.com | 11. |
2004 | Владимир Карпетс (РУС) | Илес Балеарс-Банесто | 13. |
2005 | Јарослав Попович (УКР) | Дискавери Канал | 12. |
2006 | Дамијано Кунего (ИТА) | Лампре-Фондитал | 12th |
2007 | Алберто Контадор (ШПА) | Дискавери Канал | 1. |
2008 | Анди Шлек (ЛУК) | Тим ЦСЦ Саксо Банк | 12. |
2009 | Анди Шлек (ЛУК) | Тим Саксо Банк | 2. |
2010 | Анди Шлек (ЛУК) | Тим Саксо Банк | 1. |
2011 | Пјер Ролан (ФРА) | Тим Јуропкар | 10. |
2012 | Тиџеј ван Гардерен (САД) | Аксент.џобс-Вилемс Веранда | 5th |
2013 | Наиро Кинтана (КОЛ) | Мовистар Тим | 2. |
2014 | Тибо Пино (ФРА) | FDJ.fr | 3. |
2015 | Наиро Кинтана (КОЛ) | Мовистар Тим | 2. |
2016 | Адам Јејтс (ВБР) | Орика-БајкЕксчејнџ | 4. |
2017 | Сајмон Јејтс (ВБР) | Орика-Скот | 7. |
2018 | Пјер Латур (ФРА) | АГ2Р-Ла Мондијал | 13. |
2019 | Еган Бернал (КОЛ) | Тим Скај | 1. |
Држава | Бр. на велосипедисти | Бр. на победи |
---|---|---|
Франција | 8 | 8 |
Италија | 4 | 5 |
Холандија | 5 | 5 |
Шпанија | 5 | 5 |
Колумбија | 4 | 5 |
Германија | 2 | 4 |
Луксембург | 1 | 3 |
САД | 3 | 3 |
Обединето Кралство | 2 | 2 |
Русија | 2 | 2 |
Австралија | 1 | 1 |
Мексико | 1 | 1 |
Украина | 1 | 1 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.