![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/Serbia_%2528Kosovo_semi-independent%2529%252C_administrative_divisions_-_mk_%2528districts%2529.svg/langmk-640px-Serbia_%2528Kosovo_semi-independent%2529%252C_administrative_divisions_-_mk_%2528districts%2529.svg.png&w=640&q=50)
Окрузи во Србија
From Wikipedia, the free encyclopedia
Округ (служб. српски: управни округ, „управен округ“)[1] — административна единица во Србија, поделена на општини и/или градови. Уредени се со Законот за територијална организација од 1992 г. како подрачни единици на централната власт и немаат никаква самоуправа, туку раководат како претставници на владата.[2].
![Thumb image](http://upload.wikimedia.org/wikipedia/commons/thumb/5/53/Serbia_%28Kosovo_semi-independent%29%2C_administrative_divisions_-_mk_%28districts%29.svg/640px-Serbia_%28Kosovo_semi-independent%29%2C_administrative_divisions_-_mk_%28districts%29.svg.png)
Во земјата има вкупно 29 окрузи, од кои 7 се во Војводина, 8 во Шумадија и Западна Србија, 9 во Јужна и Источна Србија и 5 на Косово (кои имаат спорен статус). Градот Белград не е дел од ниеден округ, но има посебен статус сличен на окрузите. Најголемиот град во округ е негов административен центар.
Во 2000 г. протекторатската управа на УНМИК ја има изменето територијалната организација на Косово, укинувајќи ги петте окрузи и создавајќи седум нови. Самата Србија не ги признава и ги смета своите за сè уште важечки.