![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c3/Paranal_Platform_After_Sunset_%2528ESO%2529.jpg/640px-Paranal_Platform_After_Sunset_%2528ESO%2529.jpg&w=640&q=50)
Многу голем телескоп
From Wikipedia, the free encyclopedia
Многу голем телескоп или МГТ (англиски: Very Large Telescope, VLT) – многу голем телескоп) – голем оптички телескоп на светот сместен во Чиле во пустината Атакама. МГТ е назив на четирите телескопи на Европската јужна опсерваторија (англиски, European Southern Observatory – ESO) сместени на висорамнината Серо Паранал во Чиле со огледала со пречник од 8,2 м. Може да се користат самостојно или заедно (заедно имаат делотворност како еден телескоп со пречник на огледалото од 16,4 м). Имињата на поедините телескопи на старочилеанскиот јазик мапуче и нивните значења се: Анту (Сонце), поставен во 1998 година, Куејен (Месечина), поставен во 1999 година, Мелипал (Крст), поставен во 2000 година и Јепун (Сириус), поставен во 2001 година.
![]() Четирите телескопи кои го сочинуваат МГТ заедно со помошните телескопи | |
Организација | Европска јужна опсерваторија (ESO, European Southern Observatory) |
---|---|
Надм. висина | 2 635 м |
Временски услови | >340 чисти ноќи годишно |
Бранова должина | 300 nм – 20 μм (видливa, ултравиолетова и инфрацрвена) |
Прва светлина | 1998 (за првиот телескоп) |
Вид | Ричи-Кретјен |
Пречник | 4 x 8,2 м основни телескопи 4 x 1,8 м подвижни помошни телескопи |
Држач | алтазимут |
Мреж. место | eso.org/vlt |
![]() |
![Thumb image](http://upload.wikimedia.org/wikipedia/commons/thumb/e/ee/The_VLT%C2%B4s_Laser_Guide_Star.jpg/640px-The_VLT%C2%B4s_Laser_Guide_Star.jpg)
![Thumb image](http://upload.wikimedia.org/wikipedia/commons/thumb/9/97/Eso-paranal-16.jpg/640px-Eso-paranal-16.jpg)
Поврзани меѓусебно како и со помошните телескопи, со нив може да се видат многу поединости на небото. На пример, астронаут кој оди по површината на Месечината[1]. Најинтересното (и најголемото зголемување) на сликата се добива кога повеќе телескопи посматраат исто небесно тело. Оваа техника се нарекува оптичка синтеза или интерферометрија. Постојат повеќе техники на интерферометрија:
- VLA (англ. Very Large Array): интерферометриски систем со голем број антени, т.е. со низа радиотелескопи со помали пречници. Антените можат да бидат меѓусебно физички поврзани. Резолуцијата на системот е меѓу 0,13" и 2".
- VLBA (англ. Very Long Base Array): интерферометриски систем со многу долга база. Така американската VLBA-низа се состои од 10 идентични 25-метарски радиотелескопи, распоредни од Хаваи, преку американската територија до Девствените Острови. Резолуцијата на системот е до 0,0002".
- VLB (англ. Very Long Baseline Interferometry): интерферометрија на многу долги бази. Меѓусебната оддалеченост на радиотелескопите може да биде и неколку илјади километри.