![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/98/Kristalliner_Kalk.jpg/640px-Kristalliner_Kalk.jpg&w=640&q=50)
Метаморфна карпа
From Wikipedia, the free encyclopedia
Метаморфните карпи (Meta - morphe - изменување на формата, видоизменување) се голема група на карпи. Тие се настанати со преобликување на магматските и седиментните, или веќе постоечките метаморфни карпи. Ваквите промени се резултат на физичко - хемиски услови кои се разликуваат од оние кои владееле во времето на настанување на матичната (магматска или седиментна) карпа. Најчесто метаморфизмот се врши поради промена на притисокот и температурата, при што преобразбата на матичната карпа може да биде структурна, минералошка и хемиска. Со процесот на прекристализација се зголемуваат зрната, при што, на пример од варовниците настануваат мермери, од песочниците кварцити и сл.
![Thumb image](http://upload.wikimedia.org/wikipedia/commons/thumb/9/98/Kristalliner_Kalk.jpg/640px-Kristalliner_Kalk.jpg)
Метаморфни карпи се мермерот, гнајсот, шкрилците, кварцитот, амфиболитот и други.
Терминот шкрилавост или фолијација се користи за взаемниот паралелен распоред на листовидните минерали, како биотит, мусковит, хлорит, талк итн.
Метаморфните карпи се делат на регионално-метаморфни, динамометаморфни и контактно-метаморфни.