![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/170526-N-EO381-052_Miley_Cyrus_on_Today_show.jpg/640px-170526-N-EO381-052_Miley_Cyrus_on_Today_show.jpg&w=640&q=50)
Мајли Сајрус
From Wikipedia, the free encyclopedia
Мајли Rej Сајрус (англиски: Miley Ray Cyrus; родена како Дестини Хоуп Сајрус на 23 ноември 1992 ) ― американска пејачка, текстописец и глумица. Се смета за поп-икона и е нарекувана „тинејџерска кралица“ од 2000-тите. Исто така, се смета за еден од ретките примери на деца ѕвезди со успешна кариера како возрасни.[2]
Мајли Сајрус Miley Cyrus | |
---|---|
![]() Мајли Сајрус 2017 | |
Животописни податоци | |
Родено име | Дестини Хоуп Сајрус |
Познат(а) и како | Дестини Сајрус |
Роден(а) | 23 ноември 1992(1992-11-23) (31 г.) Нешвил, Тенеси, САД |
Жанрови | поп[1] |
Занимања | пејачка, актерка, авторка, композиторка, музичарка |
Инструменти | вокал, гитара, пијано |
Период на активност | 2003–до денес |
Издавачи | Hollywood Records Fascination Records (UK) |
Соработници | Били Реј Сајрус, Jonas Brothers, Селена Гомес, Деми Ловато, Тимбаленд,Сиера |
Мреж. место | www.MileyCyrus.com |
Малји Сајрус на 13-годишна возраст ја добила главната улога во тинејџерската ТВ-серија Хана Монтана (2006 ― 2011) и набрзо станала тинејџерски идол. Под името Хана Монтана објавила два саундтрак-албуми кои се искачиле на прво место на Билбордовите топ-листи. Соло кариерата ја започнала со издавањето на поп-рок албумите: Meet Miley Cyrus (2007) и Breakout (2008); „Party in the U.S.A.“, водечки сингл од нејзиното EP The Time of Our Lives (2009), станал еден од најпродаваните синглови на сите времиња во САД, а подоцна од RIAA бил сертифициран со тринаестеткратен платинест тираж. Во 2010 година го издала денс-поп албумот Can't Be Tamed. Значително го променила имиџот и музичкиот стил со објавувањето на хип-хоп и R&B-албумот Bangerz (2013), со кој по петти пат се искачила на прво место во САД, а кој ги содржел и сингловите „We Can't Stop“ и „Wrecking Ball“. „Wrecking Ball“ бил нејзин прв сингл на прво место на Billboard Hot 100. Потоа се впуштила во експерименталниот стил на Miley Cyrus & Her Dead Petz (2015), го прифатила кантри-попот на Younger Now (2017) и се впуштила во рок и синт-поп со Plastic Hearts (2020). Откако потпишала со Columbia Records во 2021 година, Сајрус го издала нејзиниот осми студиски албум Endless Summer Vacation (2023). Песната „Flowers“, водечки сингл од албумот се искачила на врвот на топ-листите на меѓународно ниво и поставила многу рекорди. Песната освоила две Греми награди меѓу кои и за „Запис на годината“, а албумот бил номиниран за албум на годината.
Таа глумеше во филмовите Молња (2008), Хана Монтана: Филм (2009), Последната песна (2010), LOL: Live It Up (2012) и Тинејџерски таен агент (2013), а потоа се појавила во филмовите Чувари на галаксијата 2 (2017) и Drive-Away Dolls (2024). На телевизија, го продуцирала и се појавила во документарниот филм Мајли: Движењето (2013), била ментор во натпреварот по пеење The Voice (2016–2017) и глумела во една епизода од Црно огледало (2019), ја води годишната специјална емисија Новогодишна забава на Мајли (2021–сега) и глумела и била извршен продуцент на документарната концертна емисија Бескраен летен одмор (2023). Во 2014 година, ја основала непрофитната организација Happy Hippie Foundation за чии потреби ја започнала веб-видео серијата Backyard Sessions (2012-2023).
Мајли Сајрус добила многу награди и признанија меѓу кои: две Греми-награди, една награда Брит, пет Билборд-награди, три MTV-видеонагради и поставила осум Гинисови рекорди. Таа се појавилa на листи како: Time 100 (2008 и 2014) и Forbes 30 Under 30 (2014 и 2021). Билборд ја ставил на деветто место на списокот од „Најдобри билборд 200 пејачки“ и на 62-ро место на списокот од „Најдобри пејачки на сите времиња“. Сајрус се наоѓа на осмо место меѓу пејачките со најмногу продадени дигитални синглови сертифицирани од RIAA,[3] а според Billboard е меѓу најуспешните пејачи во 2010-тите.[4]