Мрежно место
збир поврзани страници што се опслужуваат од еден мрежен домен / From Wikipedia, the free encyclopedia
Мрежно место (или „веб-саjт“, од англ. website) — документ во кој се содржат информации погодни за прелистување со помош на прелистувач. Овој документ најчесто е во HTML или XHTML формат и во себе содржи хиперврски до други документи.
Мрежните места можат да бидат поставени локално на сметачот од кој се врши нивно прелистување / прегледување или пак на некој мрежен опслужувач (или „опслужувач“, од англ. web server) до кој може да се пристапи преку сметачка мрежа. Опслужувачот може да го ограничи пристапот до мрежните места само на корисници во приватна мрежа, тогаш станува збор за корпоративен intranet, или може да допушти слободен пристап преку интернет. Прелистувачот пристапува до мрежните места сместени на опслужувачот користејќи се со таканаречениот Протокол за пренос на хипертекст (HTTP).
Мрежните места можат да бидат статични, доколку се компонирани како статична текстуална податотека зачувана во податотечниот систем на мрежниот опслужувач, или пак опслужувачот да испорача до прелистувачот страница која е динамички создадена, т.е. динамичка мрежна страница, согласно со соодветниот програмски код кој се извршува откако ќе биде поставено барање за пристап до одреден извор на информации на опслужувачот од страна на прелистувачот.