![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/%25D0%2593%25D1%2580%25D0%25B0%25D0%25B4%25D0%25B1%25D0%25B0_%25D0%25BD%25D0%25B0_%25D0%25BB%25D0%25B8%25D0%25BF%25D0%25B8%25D0%25B4%25D0%25BD%25D0%25B0_%25D0%25BA%25D0%25B0%25D0%25BF%25D0%25BA%25D0%25B0.png/640px-%25D0%2593%25D1%2580%25D0%25B0%25D0%25B4%25D0%25B1%25D0%25B0_%25D0%25BD%25D0%25B0_%25D0%25BB%25D0%25B8%25D0%25BF%25D0%25B8%25D0%25B4%25D0%25BD%25D0%25B0_%25D0%25BA%25D0%25B0%25D0%25BF%25D0%25BA%25D0%25B0.png&w=640&q=50)
Липидни капки
From Wikipedia, the free encyclopedia
Липидните капки (англиски: lipid droplets) се клеточни структури кои складираат неутрални масти. Тие имаат посебна структура меѓу органелите – изградени се од хидрофобно јадро од неутрални липиди, обвиткано со фосфолипиден монослој. Поради неразјаснетоста околу нивната ултраструктура и биогенеза, липидните капки долго време се сметаа за инертни клеточни инклузии.
Липидните капки настануваат на мембраната на ендоплазматскиот ретикулум (ЕР).[1] Поради хидрофобната природа на неутралните масти, липидниот двослој не е соодветен за нивно складирање, па оттаму, неутралните масти се складираат во липидните капки - структури обложени со липиден монослој со хидрофобно јадро (претставуваат практично емулзија во водниот раствор на цитозолот).[2] Биогенезата започнува со синтеза на неутрални липиди, во најголем број триацилглицериди и холестерол-естри – процес катализиран од страна на интегрални мембрански белковини на ЕР-мембраната: за синтеза на триацилглицеридите, ензимот диацилглицерол ацил трансфераза (DGAT), за синтеза на холестерол-естрите, ензимот ацил-КоА:холестерол О-ацил трансфераза (ACAT). Непосредно по синтезата, триацилглицеридите се транслоцираат меѓу двата слоја на мембраната на ЕР, каде понатаму преку повеќе чекори се формираат липидните капки.
![Липидната капка е изградена од хидрофобно јадро, каде се складираат неутрални липиди (главно триацилглицероли и холестерол-естри), обвиткано со фосфолипиден монослој. Површината на липидната капка е накитена со различни стуктурни или регулаторни белковини, меѓу кои и ензими кои имаат директна улога во метаболизмот на липиди (адипоцитна триацилглицерол-липаза).](http://upload.wikimedia.org/wikipedia/commons/thumb/a/a5/%D0%93%D1%80%D0%B0%D0%B4%D0%B1%D0%B0_%D0%BD%D0%B0_%D0%BB%D0%B8%D0%BF%D0%B8%D0%B4%D0%BD%D0%B0_%D0%BA%D0%B0%D0%BF%D0%BA%D0%B0.png/640px-%D0%93%D1%80%D0%B0%D0%B4%D0%B1%D0%B0_%D0%BD%D0%B0_%D0%BB%D0%B8%D0%BF%D0%B8%D0%B4%D0%BD%D0%B0_%D0%BA%D0%B0%D0%BF%D0%BA%D0%B0.png)