Лимасол

Лимасол или Лемесос (грчки: Λεμεσός - Lemesos; турски: Leymosun) — втор по големина и најважниот град во Кипар. Истовремено и најголемо пристаниште во Кипар, во последните неколку децении станал многу значаен туристички центар. Се наоѓа меѓу двата антички града Аматус и Куријон. Непосредно западно од Лимасол е подрачјето Акротири, каде се наоѓа воената база на Обединетото Кралство.

Лимасол Λεμεσός / Limasol
Амблем на Лимасол Амблем
Лимасол
Координати: 34°40′29″N 33°02′39″E
Држава	Кипар
Област	Лимасол
Управа
• Градоначалник	Андреас Христоу
Површина
• Градска	35,87 км2 (1,385 ми2)
Население (2011)
• Градско	101.000[1]
• Градскo	165.000−176.700[2][3]
Час. појас	EET (UTC+2)
• Лето (ЛСВ)	EEСТ (UTC+3)
Поштенски код	3010–3150
Мреж. место	www.limassolmunicipal.com.cy

Географски одлики

Лимасол се наоѓа на јужниот брег на островот Кипар. Од главниот град Никозија, е оддалечен 75 километри на југозападно, а од Ларнака 60 км западно. Лимасол се наоѓа на Акротирскиот Залив на Средоземното Море, на 0-30 метри надморска височина. Климата во Лимасол е средоземна со елементи на сува, степска клима. Просечната годишна температура е 25 степени, а количеството на врнежи е околу 410 мм/мм².

Население

Лимасол денес има околу 101.000 жители во границите на градот,^[1] и околу 165-176.700 илјади жители во поширокото градско подрачје.^[2][3] Мнозинско население во градот се грците, додека некогаш присутното турско малцинство се иселило после турската инвазија. Во исто време, градот е полн со илјадници грчки бегалци од северниот дел на островот. Во последните години, во градот сè повеќе се населуваат странци или економски доселеници од истокот или некогашните туристи од западот.

Знаменитости

• Средновековниот замок бил изграден од страна на Византија околу 1000 година. Замокот сега е музеј, а од 1790 г. до 1940 година служел како затвор.
• Националниот археолошки музеј има голема колекција на антиквитети од неолитското доба до староримскиот период.;
• Ботаничка и мала зоолошка градина;
• Лимасол е значаен и по лимасолскиот карневалот и винскиот фестивал. Карневалот трае 10 дена.

Литература

• Историја на Лимасол Архивирано на 27 септември 2007 г.

Ннадворешни врски

• Водич низ Лимасол
• Официјално мрежно место
• Анексартизијас улица - главната улица на Лимасол Архивирано на 12 јули 2007 г.

Наводи

1. Population Census – Key Figures Архивирано на 12 јуни 2018 г. – Statistical Service of Cyprus
2. World Urban Areas – Demographia, 2013
3. „Intercultural city: Limassol, Cyprus“. Council of Europe.