Коџалија
село во Општина Радовиш, Македонија From Wikipedia, the free encyclopedia
Коџалија (поретко: Коџали) — село во Општина Радовиш, во околината на градот Радовиш.
| Коџалија | |
Поглед на селото | |
  Коџалија Местоположба на Коџалија во Македонија
Коџалија на карта
| |
| Координати 41°41′21″N 22°25′13″E | |
| Регион |  Југоисточен |
| Општина |  Радовиш |
| Област | Јуруклак |
| Население | 569 жит. (поп. 2021)[1] |
| Пошт. бр. | 2420 |
| Повик. бр. | 032 |
| Шифра на КО | 22026 |
| Надм. вис. | 870 м |
|
Коџалија на општинската карта  Атарот на Коџалија во рамките на општината | |
 Коџалија на Ризницата | |
Според пописот од 2002 година, селото имало население од 478 жители,[2] со што селото се вбројува во средни села во областа на Конче и Радовиш.[3]
Селото се наоѓа во северозападниот дел на територијата на Општина Радовиш, сместено во областа Јуруклак.[4] Со оглед на тоа што селото е сместено на југозападната падина на Плачковица, селото е планинско, сместено на надморска височина од 870 метри.[4] Од градот Радовиш е оддалечено 9 километри кон север.
До селото води асфалтен пат.
Според бројните археолошки наоѓалишта во близина на селото, може да се потврди дека во атарот на селото постоел живот уште во дамнина.[5]
Атарот на селото зафаќа простор од 16,8 км2, при што преовладуваат шумите со површина од 1.248 хектари, на обработливото земјиште отпаѓаат 286 хектари, а на пасиштата 130 хектари.[4]
Во основа, селото има полјоделско-шумарска функција.[4]
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Коџали живееле 250 жители, сите Турци.[6]
Според Димитар Гаџанов во 1916 година во Коџалија живееле 264 Турци.[7]
Според германска карта издадена во 1941 година, а заснована на пописот на Кралството Југославија од 1931 година, селото имало 450 Турци.[8]
Коџалија е средно село по големина, населено со турско население (Јуруци). Така, селото во 1961 година броело 361 жител, а во 1994 година 398 жители.[4]
Според пописот од 2002 година, во селото Коџалија живееле 478 жители, сите Турци.[2]
Според последниот попис од 2021 година, во селото живееле 569 жители, од кои 557 Турци и 12 лица без податоци.[9]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 250 | 264 | 583 | 615 | 361 | 351 | 486 | 421 | 398 | 478 | 569 |
- Извор за 1900 г.: Македонија. Етнографија и статистика.[10]; за 1905 г.: La Macédoine et sa Population Chrétienne.[11]; за 1948-2002 г.: Државен завод за статистика на РМ.[12]; за 2021 г.: Државен завод за статистика на РМ.[13]
Иселеништво
Дел од жителите на селото се имаат иселувано во Турција.
- Основно училиште „Крсте Петков Мисирков“, подрачно петгодишно основно училиште во состав на ОУ „Крсте Петков Мисирков“ - Радовиш
Во XIX век, Коџалија било село во Радовишката каза на Отоманското Царство.
Селото влегува во рамките на Општина Радовиш, која била проширена по новата територијална поделба на Македонија во 2004 година со Општина Подареш. Во периодот од 1996-2004 година, селото било исто така во рамките на Општина Радовиш.
Во периодот од 1955 до 1996 година, селото се наоѓало во рамките на големата општина Радовиш.
Во периодот 1952-1955, селото било во рамките на тогашната Радовишка градска општина, во која покрај селото Коџалија, се наоѓале градот Радовиш и селата Али Коч, Козбунар, Коџалија, Прналија, Раклиш, Супурѓе и Шипковица. Во периодот 1950-1952, селото се наоѓало во некогашната Општина Тополница, во која влегувале селата Али Коч, Бучим, Коџалија, Прналија, Супурѓе и Тополница.
Избирачко место
Во селото постои избирачкото место бр. 1602 според Државната изборна комисија, сместено во просториите на основното училиште.[14]
На претседателските избори во 2019 година, на ова избирачко место биле запишани вкупно 375 гласачи.[15] На локалните избори во 2021 година, на ова избирачко место биле запишани вкупно 413 гласачи.[16]
- Археолошки наоѓалишта[5]
- Баждалан - Марашарди — некропола-могили од римското време; и
- Кирсалам — сакрална градба од средниот век.
- Џамии[17]
- Џамија Хафиз Салих — главна селска џамија.
Во селото бил снимен документарниот филм „Тутунарче“ на македонската режисерка Билјана Гарванлиева, чија приказна била околу 14-годишно девојче од селото.[18]
Куќи во селото
Селската џамија
Панорамски поглед
Спортско игралиште
Панорамски поглед
Селска чешма
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
