Козјак (планински врв)

Козјак — врв на планината Бабуна, недалеку од Прилеп, во средишниот дел на Македонија. Неговата надморска височина изнесува 1.747 метри, со што тој е највисокиот врв на планината Бабуна и воопшто во Прилепско. Врвот се наоѓа на огранката на Бабуна наречена Борула, во непосредна близина веднаш над селото и првојот Плетвар во североисточен правец, како и над селата Крстец во југоисточен и Ореовец во источен правец. Козјак е често посетуван врв и до него водат добро обележани планинарски патеки од Плетвар и Крстец, а на него се искачува и минува трасата на големиот ултрамаратон во планинарско трчање „Крали Марко треилс“. На самиот врв се наоѓа голема железна топка обложена со стакло и натпис со името и височината на врвот, со што е препознатлив изгледот на врвот Козјак. Непсредно под врвот на југозападната страна се наоѓа познатата Дуова Пештера, а на источното подножје се наоѓа и пештерата Рамниште.

Козјак
Поглед на врвот од југозапад
Највисока точка
Надм. вис.	1.746 м [1]
Координати	41°23′34″N 21°41′24″E
Географија
Козјак на карта
Матичен венец	Бабуна
Искачување
Прво освојување	непознато

За врвот Козјак во својата книга Материјали по изучувањето на Македонија од 1896 година, македонскиот револуционер Ѓорче Петров запишал:

На крајот на Борула и на 2 часа североисточно од Прилеп се издигнува пирамидалниот врв Козјак.^[2] Падините од запад, југ и југоисток му се сосема голи, карпести, стрмни и се спуштаат терасовидно во гребени и пропасти меѓу нив, северните падини се плоскави и во горниот дел покриени со грмушки, а во подножјето со кории од букови и брестови дрвја.^[2] Речиси целиот се состои од мермер кој му дава бела боја.^[2] Под јужната падина близу до селото Плетвар има ископи на мермер, кој се носи дури во Битола. Од секаде човек може да се качи на врвот, но најзгоден пат е оној кој води по билото на Преслоп и по северозападната падина на Козјак.^[2] Козјак е еден од високите врвови во внатрешноста на Македонија. Од Плетвар нагоре има 3-3 ½ часа височина, а од коритото на Ленишка Река во полето до Плетвар треба да има ½ час височина.^[2] Мештаните веруваат дека од него може да се види Солунскиот Залив - верување со кое сакаат да кажат дека тој е многу висок. Покрај сето тоа, снегот не стои долго време на врвот.^[2] Причината треба да е истата онаа која ја наведов за Љуботен, т.е. дека е гол, налегнат и целосно изложен на сончевите зраци.^[2] Како и сите планини со варовнички состав, Козјак е многу богат со подземни пештери и пропасти, од коишто некои се полни со вода во дното.^[2] Попознати од нив се две: една на врвот (Дуова Пештера), друга по западната падина над с.Ореовец (Рамниште).^[2]

Галерија

• 
  Поглед на врвот Козјак од север
• 
  Поглед на врвот Козјак од север
• 
  Препознатливата топка на врвот Козјак
• 
  Препознатливата топка на врвот Козјак
• 
  Поглед на врвот Козјак од запад
• 
  Поглед на врвот Козјак од запад
• 
  Поглед на врвот Козјак од запад
• 
  Поглед на врвот Козјак од југозапад
• 
  Поглед на врвот Козјак од запад
• 
  Поглед на врвот Козјак од северозапад
• 
  Поглед на врвот Козјак од подножјето на запад

Наводи

1. Петрушевски, Илија. (2012). Попис на врвовите во Република Македонија. Скопје. стр. 36.
2. Петров, Ѓорче (1896). превод: Марио Шаревски (уред.). Материјали по изучувањето на Македонија (2016. изд.). Скопје: Единствена Македонија. стр. 66. ISBN 978-608-245-113-8.