Кариѓол
From Wikipedia, the free encyclopedia
From Wikipedia, the free encyclopedia
Кариѓол (грчки: Καλαμωτό, Каламото; до 1927 г. Καργή Γκιόλ, Кариѓол[2]) — село во Општина Лагадина во Солунскиот округ, Егејска Македонија, денес во областа Централна Македонија, Грција. Населението брои 398 жители (2021).
Кариѓол Μακροχώρι | |
---|---|
Координати: 40°33′N 23°22′E | |
Земја | Грција |
Област | Централна Македонија |
Округ | Солунски округ |
Општина | Лагадина |
Општ. единица | Калиндија |
Надм. вис. | м | 216
Население (2021)[1] | |
• Вкупно | 398 |
Час. појас | EET (UTC+2) |
• Лето (ЛСВ) | EEST (UTC+3) |
Селото се наоѓа на неколку километри од градот Лагадина (Лагадин), источно од Солун и јужно од Бешичкото Езеро. Селото се наоѓа на надморска височина од 216 метри.
Крај селото се наоѓаат урнатините на древномакедонскиот град Калиндија. Ископувањата откриле статуи, натписи, погребни столбови, монети, фигури и слично. Денеска овие предмети се изложени во посебна сала во Археолошкиот музеј на Солун. Во античкиот град била откриена и административната зграда Севастион со вкупна должина од 70 метри. Зградата вклучуваа храм на Зевс и булето на градот.
Во XIX век Кариѓол е село, кое припаѓало кон Лагадинската каза на Отоманското Царство, како чисто турско село. По крајот на Балканските војни, селото било вклучено во составот на Грција. На пописот од 1913 година биле евидентирани 280 жители, додека на пописот од 1920 година, во селото биле евидентирани 326 жители[3]. Според Лозанскиот договор, во селото било населено грчко население од Мала Азија, Источна Тракија и Понд, додека муслиманското население било принудено да си замине од селото. Во 1927 година, селото било преименувано во Каламото̀.[4]
Во 1928 година селото броело 358 жители.[5], додека во 1940 година селото броело 500 жители.
Селото во пописот од 1951 година броело 564 жители, на пописот од 1961 година, во селото живееле 583 жители, во 1971 година имало 736 жители, во 1981 година имало 719 жители, додека во 1991 година имало 635 жители[6]. Денеска, населението на селото е 800 жители според пописот од 2001 година.
Еве преглед на населението во сите пописни години, од 1940 г. до денес:
Година | 1940 | 1951 | 1961 | 1971 | 1981 | 1991 | 2001 | 2011 | 2021 |
---|---|---|---|---|---|---|---|---|---|
Население | 500 | 564 | 583 | 736 | 719 | 635 | 800 | 501 | 398 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.