![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2b/Carburetor.svg/langmk-640px-Carburetor.svg.png&w=640&q=50)
Карбуратор
горивен систем на еден мотор / From Wikipedia, the free encyclopedia
Карбуратор[1][2] — дел од некои Отови или бензински мотори, кои со мешање на горивото со воздухот подготвуваат одредена количина на горивна смеса и потоа ја распрскуваат во цилиндерот. Горивото од резервоарот се доведува во комора со пливка која го регулира протокот на гориво, од која се распрснува низ дифузор (Вентуриева цевка) и се меша во одреден сооднос со воздухот и на крајот се вшмукува во моторот каде што гори. Најповолно согорување на смесата на гориво се одвива во сооднос на гориво (бензин) и воздух од 1:15. Карбураторите се дизајнирани на таков начин што му даваат на моторот мешавина богата со гориво при стартување и при целосно оптоварување, а евтина (економична) смеса при оптоварување од 60 до 70% моќност. Карбуратори имаат Отовите мотори со надворешна подготовка на смесата за гориво. За погон на патничките автомобили, во средината на 1990-тите почнале да се применуваат мотори со директно вбризгување гориво во цилиндерот во кое претходно бил вшмукан воздух, односно мотор со внатрешна подготовка на горивна смеса.[3]
![Thumb image](http://upload.wikimedia.org/wikipedia/commons/thumb/2/2b/Carburetor.svg/640px-Carburetor.svg.png)
![Thumb image](http://upload.wikimedia.org/wikipedia/commons/7/78/VenturiFlow.png)
Карбураторот бил меѓу првите патенти на Карл Бенц, бидејќи тој го развил моторот со внатрешно согорување и неговите делови. Во 1885 година Вилхелм Мајбах и Готлиб Дајмлер развиле карбуратор за нивниот мотор, кој се заснова на начелото на вбризгување со млазница. Карбураторите биле вообичаен дел од бензинските мотори произведени во поголемиот дел од САД до крајот на 1980-тите, кога вбризгувањето на гориво (eng. fuel injection) станало почесто. Во остатокот од светот, автомобилите на одредени марки користат карбуратор, како што е Лада, која го користела до 2006 година. Повеќето мотоцикли сè уште користат карбуратори поради пониските трошоци, но од 2005 година многу нови модели вовеле вбризгување на гориво.