Кавала (округ)

Кавала (грчки: Περιφερειακή ενότητα Καβάλας) — еден од двата најисточни окрузи во Егејска Македонија, денес во Грција. Претставува дел од областа Источна Македонија и Тракија. Административен центар е градот Кавала.

Кавала Περιφερειακή ενότητα Καβάλας
Округ
Општини во Кавала и Тасос
Кавала и Тасос во Грција
Координати: 41°00′N 24°25′E
Подрачје	Егејска Македонија, Грција
Област	Источна Македонија и Тракија
Админ. центар	Кавала
Површина
• Вкупна	1.728 км2 (667 ми2)
Население (2021)
• Вкупно	115.974
• Густина	67/км2 (170/ми2)
Пошт. бр.	64x xx, 65x xx
Пов. бр.	2510, 259x0
ISO 3166	GR-55
Рег. таб.	ΚΒ
Мреж. место	pekavalas.eu

Географија

На запад се наоѓа планината Кушница (Пангео, 1.957 м). Околни окрузи се Сер на запад, Драма на север и Скеча на исток. Долж источната граница тече реката Места, одделувајќи ја Македонија од Тракија. Обработливото земјиште е распределено по северното и источното крајбрежје.

Климата на округот е претежно средоземна.

Административна поделба

Округот Кавала се дели на 3 општини:^[1]

• Кавала (1)
• Места (Нестос) (2)
• Кушница (Пангео) (3)

Островот Тасос е општина сместена во свој округ, одземен од округот Кавала согласно законските измени „Каликратис“ во 2011 г., со кој се преуредени и општините, спојуваќи поголем број општини во горенаведените три.

Демографија

Бидејќи нема официјален попис за тоа колку Македонци живеат во овој округ, кога ќе споредиме некои историски податоци и денешни статистики, се доаѓа до одредена проценка. Така, во овој округ Македонците живеат во околу 3 населени места и сочинуваат околу 3% од вкупното население, па според последниот попис тоа се приближно 3.000 Македонци.

Поврзано

• Список на населени места во округот Кавала

Наводи

1. Текст на законските измени „Каликратис“ PDF

Надворешни врски

• Кавала (округ) на Ризницата ^?
• Портал на округот Кавала