Доломити
From Wikipedia, the free encyclopedia
Доломити (италијански: Dolomiti, ладински: Dolomites; германски: Dolomiten, венецијански: Dołomiti, фурлански: Dolomitis) — планински венец во североисточна Италија. Сочинуваат дел од Јужните Варовнички Алпи и се протегаат од реката Адиџе на запад до долината на Пијава (Пјеве ди Кадоре) на исток. Северната и јужната граница ја образуваат Пустерската и Суганската Долина. Венецот е речиси подеднакво распределен во покраините Белуно, Јужен Тирол и Трентино.
Доломити | |
---|---|
италијански: Dolomiti германски: Dolomiten | |
Поглед од Пордои | |
Највисока точка | |
Врв | Мармолада |
Надм. височина | 3.343 м |
Координати | 46°26′N 11°51′E |
Географија | |
Земји | Италија |
Покраини | Белуно, Јужен Тирол и Трентино |
Геологија | |
Горообразба | алпска |
Период | претежно тријас |
Вид карпа | седиментна карпа, вкл. доломит и вулкан |
светско наследство на УНЕСКО | |
---|---|
Критериум | vii, viii |
Навод | 1237 |
Запис | 2009 (XXXIII заседание) |
На исток, преку реката Пијава се протегаат планински групи со сличен геолошки состав, наречени Прекупијавски Доломити (Dolomiti d'Oltrepiave); во далечината, преку реката Адиџе на запад е Брентската група (Западни Доломити). Постои и помала група наречена Мали Доломити (Piccole Dolomiti), сместена меѓу покраините Трентино, Верона и Виченца (на картата).
Венецот има еден национален парк и поголем број регионални паркови. Во август 2009 г. Доломитите се прогласени за светско наследство на УНЕСКО.